Apocalipsis 6

1Ka nak sey gall ka', bre'ra' be'nnen' nak ka xhi'r da'on bxhoxhje' sey nellen', na' be'nn tap ka' zjallia xiren', toe' bnne'e zillj kwis ka'kze ga llachj to yi'wzi'o, bne'e: —Da, na' wia da ni. 2Na' ka bwia' na', bre'ra' to kabay lliche, na' be'nnen' llia ko'llba' na' no'xe' to arco. Na' bzoa ake' to corona yichje' ka to be'nn brao, na' ba zeje' zjatilrene' be'nn ka' llwie le'en, na' wa lljene' leake' gan. 3Be'nnen' nak xhi'r da'o na', bxhoxhje' sey wllopen', na' benra' bnne be'nn wllopen' llia xir na', bne'e: —Da, na' wia da ni. 4Na'll blloj ye to kabay, na' nakba' ba xhna, na' be'nnen' llia ko'llba' na', gok rallne'e gone' bill cha'a be'nn ka' lla'a yellrion' nbaraz yeso't lwellje', na' be'e ake' le'e to spad xhen. 5Na' be'nnen' nak ka xhi'r da'o na', bxhoxhje' sey wyonnen', na'll benra' bnne be'nn wyonnen', be'nnen' llia xir na', bne'e: —Da, na' wia da ni. Na'll bwia', na' bre'ra' to kabay gasje, na' be'nnen' llia ko'llba' na', no'xe' to xhgo'nse. 6Na'll benra' bnne to be'nne do gan' lla'a be'nn tap ka', be'nn ka' zjallia xir na', golle' be'nnen' llia ko'll kabay gasjen', lle'e le'e: —Byej jalliayi' nbaz trigon' ren xhoa' dan' nzi'i cebada nench na' bi gaken wen, na' gaken win, na' xop ya nbaz trigon' sa'ken ka to raxhj ake' da gon ake' gan ke tlla llin, na' xop ya xhoa' cebadan' sa'ken ka to raxhj ake' da gon ake' gan tlla llin, zan bi wlleyi'o ceiten' ren xis uva. 7Na' be'nnen' nak xhi'r da'on, bxhoxhje' sey wdapen', na' benra' bnne be'nn wdapen' llia xiren', bne'e: —Da, na' wia da ni. 8Na' bwia', na' bre'ra' to kabay gache, na' be'nnen' llia ko'llba'n nzie' Yel Got, na' be'nnen' nzi'i Latj Gan' Lla'a Be'nn Wat, zeje' nawe' le'e, na' gok rallne'e ra't yellrion' nench na' bxie' wdile, na' gat be'nn zan, na' bene' win. Na' bene' yillwe' nench wasa't ye zanlle', na'll bene' wasa't be'nn zanlle kone ba znia zjalla'a yellrio betba' leake'. 9Na' be'nnen' nak xhi'r da'on bxhoxhje' sey ga'ye, na' bre'ra' gan' lla'a be'nn ka' yebán', na' xhan bkoy na', bre'ra' be'nn ka' baso't ake', ni ke dan' bzenay ake' xti'll Diosen', na' dan' be'e ake' di'll, bne ake' nxenra'll ake' Jesucristo na'. 10Na' be'nn wat ka' bnne ake' zillje, ne ake': —Xa Dios, rwe' nako' be'nn nak la'y kwis, na' llontezo' kon kan' bne'o na'. ¿Batxhan' gono' yel koxchis ke be'nn ka' zjalla'a yellrion', be'nn ka' bet neto' na'? ¿Baten' wasa'kzi' akoe' dan' brarj ake' xchento' na'? 11Na'll be'e xha totoe' da llich da gok ake'. Na' lle'e leake' yezi'ra'll aklle' ye choll chak yeza'a be'nn llaya'l yesa't kan' got be'nn ka' bxenra'll Criston', be'nn nak ka bi'ch ake. 12Na' be'nnen' nak xhi'r da'on, bxhoxhje' sey wxhopen', na' bwia', na' le bxho'te to da xhen, le gokte willen' gasje ka to ra'll gasje da llak be'nn zo yel wan, ni ke dan' de yel got ke'e na', na' doxhen be'on bayaken xhna ka'kze llen. 13Na' berj ka' bexj akten rao yellrio, ka llyinnj no higo llia rao yay, kate dá to be' xhen da llchinnj len. 14Na' le' yebá na', bayaktekzen ka to yich da ndoblol, na' ya' ka' yeololen, no yellrio da'o ka' zjalli' lo nisda'on, bcha'a xhichne ake. 15Na' yeolol be'nn lla'a yellrion', yeolol be'nn wnebia', yeolol no xan be'nn waka'a ya, yeolol be'nn brao be'nn wnia' ak, yeolol be'nn llon xchin be'nne, na' ren nollre yezikre be'nne, yeolole' bkwa'ch ake' do xhan broj, do radj yej xhen da zjallia rao ya' ka'. 16Na' lle ake' ya' ka' ren yej ka': —Lewka'chga bdinnj, bixen wkwa'chen neto' nench bi re'e Diosen' neto', be'nnen' llia llnebia'n, nench ke gonn be'nnen' nak xhi'r da'o da sa'kzi'to'. 17Le ba bllin lla sa'kzi' yeolol be'nne, na' nono soe ke dan' gaken.

will be added

X\