Apocalipsis 15

1Na' bre'ra' le' yebán' to da yel wan xhen da nak zi yebánello. Bre'ra' galle angl be'nne gon ake' gall yel zi', nench yeyoll wroe' Diosen' ka gone' dan' llaklle'e be'nn ka' llon da xhinnjen'. 2Leska' bre'ra' to da nllirj da nak ka yej kes, na' nla'n ka ga de nis xhen, na' nchixen yi'. Lloa' nisda'o na', zjazellá be'nn ka' bzoe bi bxenra'll ake' bell xi'on, na' lwa'a dan' nak ka leba', na' bi be'e ake' latje wzoaba' leake' sen keba'n, na' ka to nbab raba' na'. Na' zjano'x ake' tweje dan' ne arpa da be'e Diosen' leake'. 3Na' lloe'xhen ake' Dios llol ake' to da bsede da Moisésen' be'nn Israel ka', be'nnen' ben xchin Dios kana'. Leska' llol ake' to da naken da bsede xhi'r da'o leake', nen: Xa, Dios, yeolol dan' beno' ren yel wak xhen ko'o na', naken da wen kwis, na' da nak zi yebánello. Yeolol dan' llono'n zejen lixheje, na' naken da za'ke. Rwe'n llnebia'o yeolol yell ka'. 4Nono llra' be'nn bi llaya'l llebe rwe', Xanto'. Nono zo be'nn bi llaya'l wxenra'll rwe'. Toze rwe' nako' be'nn nak la'y. Na' be'nn lla'a yeolol yell, yed ake' rao'n wxenra'll ake' rwe', le ba bre'e akre' dan' ba beno', na' ba nnez akre' zejkzen lixheje. 5Bde benra' da na', na'll bwia', na' bre'ra' byarj yebán' gan' lloe'rao ake' Diosen', latj la'y zeje di'll Dios na'n ze ganna'. 6Na' bre'ra' gall angl ka', blloj ake' gan' lloe'rao ake' Diosen' yebá na', zjano'x ake' da gon ake' galle yel zi' yellrio ni. Angl ka' nak ake' ra'll lliche xhi're, ra'll cha'o ga zeraoze, na' yeolole' ngo' lloa' lcho' ake' twej baydon da nak de ya cha'o dan' nzi'i oro. 7Na' bre'ra' be'nn tap ka' zjallia xiren', ni't ake' rao Diosen', na' toe' be'e angl gall ka' twej leo da'o de ya cha'o dan' nzi'i oro, da zjayoll balla'te da llon yel zi' rao yellrion', na' zejen da llon Dios be'nnen' zo ke chnare ke be'nn ka' bi llzenay ke'e. 8Na' doxhen gan' lla'a ake' yebán', lloe'rao ake' Diosen' blle' ka llén xhen ni ke yel nbaraz ke Diosen', da nsa'a yel wak xhen ke'e na', na' nono gok cho' gan' lloe'rao ake' Le'en, le bi nna yeyoll gak yel zi' ka' gallen' dan' nsa'a angl gall ka'.

will be added

X\