San Lucas 3

1Kan' ba gok chi'no (15) iz llia be'nnen' re Tiberio César, be'nnen' nak zerao wnebia' gan' nbane Roma, Poncio Pilaton' leska' llnebie' gan' nzi'i Judea, na' Herodesen' llnebie' gan' nzi'i Galilea, na' bi'ch Herodes be'nnen' re Felipe nake' be'nnen' llnebia' gan' nzi'i Iturea, na' gan' nzi'i Traconite, na' be'nnen' re Lisanias nake' be'nnen' llnebia' gan' nzi'i Abilinia. 2Na'll Anás na', na' Caifás na', nak ake' bxoz brao ke be'nn Israel ka'. Iz na', be'rén Diosen' Juan xhi'nn Zacaríasen' di'lle gan' zoe' yi'xen', gan' nak latj dachen'. 3Na'll byeje' toto yell ka' lli' to lloa' yeo Jordán na', llyixjwe're' be'nne llaya'l wayat akre' ke da xhinnj non ake', na' choa ake' nis nench wazi'xhen Diosen' ke ake'. 4Llak kan' bzoj Isaías be'nn be'e xti'll Diosen' kana', bne'e ke Juan na': To be'nn llosia' lyi'xen' ne'e: “Legón xhnid, legoncha'o nez gan' te Xanllon', lewsarj yichjra'llda'ore ka llon to be'nn llsarj to nez li. 5Ga nak lotj, llaya'l walla'n yo, ga de nez da llep llaze, llaya'l waya'ten li. Ga bi nak lixheje, waya't lin', na' nez da ni't yej, llaya'l wayej lben. 6Yeolol be'nn lla'a yellrio ni, re'e akre' kan' yesrá Diosen' be'nne.” 7Be'nn zan jake' rao Juan na', nench wchoe' leake' nis, na'll benre' leake' znia bne'e: —¡Re' nakre be'nn zban be'nn wxhiye'e, llonre ka bele! ¿No bzejnie' re', wak warare rao dan' wse'l Diosen' katen' gone' yel koxchis ke be'nnachen'? 8Cha' rennere ba bayátere ke da xhinnjen' nonre na', llaya'l gonre da wen nench gakbe'e be'nne ba balla'a yichjra'llda'ore. Bi gonzre xhbab nnere: “Xhi'nn dia lla Abraham neto'.” Yej ka' ni't nga, wakte gon Diosen' wayaken xhi'nn dialla Abraham. 9Leska' ba no'xte' banchen' xhnid, yeolol yay da bi llbia daxhix wen, wchoye' do roe, gaken waye da wzeye'. 10Na'll be'nn ka' lla'a na', lle ake' le'e: —¿Akxha llaya'l gonto' nna' cha'? 11Na'll Juan na', lle'e leake': —Cha' de chop xherk kere, lewe'e to xherk ke be'nn bibi de ke'e. Na' be'nn de da llawe', leska' we'e ke be'nn bi de da gawe'. 12Na' be'nn ka' nak wachixhj, jabi'y ake' lle'n akre' choa ake' nis, na' lle ake' le'e: —Maestro, ¿Bixha gon neto'? 13Na'll lle Juan na' leake': —Bi llaya'l wchixhjre da xhenll. 14Leska' be'nn waka'a ya ka' bnnab ake', lle ake' Le'e: —¿Bi llaya'l gon neto'? Na' lle'e leake': —Bi wxoare ko'll be'nne da wxhiye'e, na' bi wka're bi da de ke be'nne. Legón banez ka to da llonre gan. 15Na' be'nn zan be'nn Israel ka', ba lla'a ake' dá nne, llon ake' xhbab cha' Juan na' nak Criston'. 16Na'll Juan na', lle'e be'nn zan ka' lla'n: —Da li nada' llchoa' be'nn nis, na' za yed to be'nn naplle yel wak ka nada', bi za'ka' nada' ka Le'e, ni gaz da wadia' xhere' bi za'ka'. Le'e wchoe' be'nn nis kon ren Spíritu ke Diosen', da gon ka llon yi'. 17Katen' yede'n, gone' ka llon be'nn kate llsoe' trigo, llazie' trigon', na' llzeye' yixh bebe ken. Le'e nape' to yi' da bi wayorkze. 18Na' ka', di'll zan da be'e Juan na', llyixjwe're' Di'll Wen ke Xanllon'. 19Juan na', leska' lle'e Herodes be'nnen' llnebia' Judean', ka da xhinnj xhen na' none', zorene' Herodías no'r ke bi'che'n re Felipe. Leska' llete' le'e ka nak billre da xhinnj llone'. 20Na' Herodes na', basyolle' bene' ye to da xhinnj xhen, broe' Juan na' rill ya. 21Bixha chak nna llchoa Juan na' be'nn ka' nis, leska' bllin Jesúsen', na' bchoa Juan na' Le'e nis. Bixha chak llalwill Jesúsen' Dios na'n, byarj yebán', 22na' Spíritu ke Diosen' betjen bzorenen Le'e, na' nak Spíritun' ka to plom da'o, na' ben akre' be xhnne ke Diosen' bne'e: —Rwe' nako' xhi'nna' nllie'ra', llawera' llazra'lla' kwis. 23Chilloa (30) ize Jesúsen', kan' bzorawe' llone' xchine' dan' zadyene' rao yellrion', kon kan' bne ake', goke' xhi'nn José, na' Josén' goke' xhi'nn Elí, 24Elí na' goke' xhi'nn Matat, Matat na' goke' xhi'nn Leví, Levín' na' goke' xhi'nn Melqui, na' Melqui na' goke' xhi'nn Jana, Jana na' goke' xhi'nn José. 25José na' goke' xhi'nn Matatías, na' Matatías na' goke' xhi'nn Amós, Amós na' goke' xhi'nn Nahum, Nahum na' goke' xhi'nn Esli, na' Esli na' goke' xhi'nn Nagai, 26Nagai na' goke' xhi'nn Maat, na' Maat na' goke' xhi'nn Matatías, Matatías na' goke' xhi'nn Semei, Semei na' goke' xhi'nn José, na' José na' goke' xhi'nn Judá. 27Judá na' goke' xhi'nn Joana, Joana na' goke' xhi'nn Resa, na' Resa na' goke' xhi'nn Zorobabel, Zorobabel na' goke' xhi'nn Salatiel, Salatiel na' goke' xhi'nn Neri. 28Na' Neri na' goke' xhi'nn Melqui, Melqui na' goke' xhi'nn Adi, Adi na' goke' xhi'nn Cosam, na' Cosam na' goke' xhi'nn Elmodam, Elmodam na' goke' xhi'nn Er. 29Er na' goke' xhi'nn Josué, na' Josué na' goke' xhi'nn Eliezer, Eliezer na' goke' xhi'nn Jorim, Jorim na' goke' xhi'nn Matat. 30Na' Matat na' goke' xhi'nn Leví, Leví na' goke' xhi'nn Simeón, Simeón na' goke' xhi'nn Judá, na' Judá na' goke' xhi'nn José, José na' goke' xhi'nn Jonán, Jonán na' goke' xhi'nn Eliaquim. 31Na' Eliaquim na' goke' xhi'nn Melea, Melea na' goke' xhi'nn Mainán, Mainán na' goke' xhi'nn Matata, na' Matata na' goke' xhi'nn Natán. 32Natán na' goke' xhi'nn David, David na' goke' xhi'nn Isaí, na' Isaí na' goke' xhi'nn Obed, Obed na' goke' xhi'nn Booz, Booz na' goke' xhi'nn Salmón, na' Salmón na' goke' xhi'nn Naasón. 33Naasón na' goke' xhi'nn Aminadab, Aminadab nan' goke' xhi'nn Aram, na' Aram na' goke' xhi'nn Esrom, Esrom na' goke' xhi'nn Fares, Fares na' goke' xhi'nn Judá. 34Na' Judá na' goke' xhi'nn Jacob, Jacob na' goke' xhi'nn Isaac, Isaac na' goke' xhi'nn Abraham, na' Abraham na' goke' xhi'nn Taré, Taré na' goke' xhi'nn Nacor. 35Nacor na' goke' xhi'nn Serug, na' Serug na' goke' xhi'nn Ragau, Ragau na' goke' xhi'nn Peleg, Peleg na' goke' xhi'nn Heber, na' Heber na' goke' xhi'nn Sala. 36Sala na' goke' xhi'nn Cainán, Cainán na' goke' xhi'nn Arfaxad, na' Arfaxad na' goke' xhi'nn Sem, Sem na' goke' xhi'nn Noé, Noé na' goke' xhi'nn Lamec. 37Na' Lamec na' goke' xhi'nn Matusalén, Matusalén na' goke' xhi'nn Enoc, Enoc na' goke' xhi'nn Jared, na' Jared na' goke' xhi'nn Mahalaleel, Mahalaleel na' goke' xhi'nn Cainán. 38Cainán na' goke' xhi'nn Enós, na' Enós na' goke' xhi'nn Set, Set na' goke' xhi'nn Adán, na' Adán na' goke' xhi'nn Dios.

will be added

X\