San Juan 15

1’Nada' llonen kia' ka ke to yay da llbia uvas, na' Xa' na', nake' ka to be'nn llonchi'i len. 2Na' re' llonlira'llre nada', nakre ka to xho'z yay na'. Na' xho'ze ka' dan' bibi llbian', wchoye'n. Na' xho'ze dan' llbia uvas na', llonchie'n nench llbiallen ye ra't da zanlle. 3Na' re' ba nakre ka to xho'ze dan' ba nonchie', le ba llzenayre xti'lla' dan' ba be'rena' re'. 4Lesechichrén nada' nench ka' sechichrena' re'. Kan' nak xho'z yayen', bibi llbian to wraze cha' bi nka'n le' yayen', ka'n naken ke re', bi gakre gonre kan' lle'ne Diosen', cha' bi serenre nada'. 5’Nada' za'krebra' ka to yay da llbia uvas, na' re' nakre ka xho'ze. Notezre cha' sechichrenre nada', lekze ka' sechichrena' re', na' gakre kan' llazra'll Diosen', ka'kzen' naken ke yay uvas dan' llbiachachen, le bibi gak gonre to wrazzre. 6Be'nn bi sechichrene' nada', na' gak ke'e kan' llak ke xho'z yay dan' bi llbia, llchoye'n na' llyechen, na' ll-llin lla llatope'n, na' lla'den yi' nench lleyen. 7’Na' re' cha' sechichrenre nada', na' zechichre wzenayre xti'lla'n, biteze da lle'nere nnábere Diosen', gonnkze'n. 8Llazi'i Xa'n bara'nn xhen kate zore llonre kan' llazra'lle'n, na' cha' llonre ka', na' gakbe'e be'nne da likzen' llonlira'llre nada', na' llzenayre kia'. 9Kan' llon Xa'n nllie're' nada', leska' nada' ba nllie'ra' re'. Lesó legón kan' nia' na', nench gakbe're nllie'ra' re'. 10Cha' gonre kan' nllia' bia'a gonre, na'llen' gakbe're nllie'ra' re', le nada' llona' dan' nllia Xa'n bia'a gona', na' llakbe'ra' nllie're' nada'. 11’Ka'n ba bnia' re', nench sore nbaraz ka nbarazen' zoa' nada'. Zera'lla' sore nbaraz kwis. 12Na' da ni nllia' bia'a gonren', llie' lwelljre kan' nllie'ra' nada' re'. 13Nono zo be'nne nllie'llre lwellje' gone' ka da ni, wsanra'll kwine' gate', ni ke be'nn lwellje' ka' nllie're' na'. 14Na' re' nakre be'nn nllie'ra' cha' llonre kan' nllia' bia'a na'. 15Na' bill nia' nakre be'nn wen llin kia', le to be'nn wen llin, bi nnezre' yeolol dan' llon xane'n, zan nia' nakre be'nn nllie'ra', le yeolol dan' ba benra' bne Xa'n, ba bzejnie'ra'n re'. 16Kere re'n brejre nada', nada'n breja' re', na' naka' xanren'. Na' llse'la' re' nench lljenre kan' llazra'll Xa' na', na' kere da te ke da ka' gonren'. Na' yeolol da wnnábere Xa'n, gonkze'n dan' llonlira'llre nada' na'. 17Na' da ni nllia' bia'a gonre, llie' lwelljre. 18’Cha' be'nn bi llonlira'lle Diosen', llwie akre' re', lenneze zga'tek nada'n bwie akre'. 19Chenak re' llonre txhen be'nn ka' bi llonlira'll Diosen', na'llen' llie' akre' re', kan' nllie' lwellj ake' chenake. Zan ba breja' re' nench llzenayre kia', na'llen' llwie akre' re', dan' bi llonrén akre' txhen. 20Lelljasa'ra'll kan' bnia' re'n: “Noteze be'nn nak ka to be'nn wen llin, bi nake' be'nn llonlle ka xane'n.” Chet ka' nada' ba bsa'kzi' be'nn, leska' gon akre' re'. Na' cha' ba bzenay ake' xti'lla'n, leska' wzenay ake' xti'll re'n. 21Na' dan' bi nombia' ake' Dios be'nnen' bse'l nada'n, len na' llon akre' re' ka', le llwie akre' re', dan' llzenayre kia' na'. 22’Chenak nada' bi beda' yedzejnie' akre', bibi do'l nap ake' chenake. Zan nna' bibi de wde akre', ne ake' bibi do'l nap ake'. 23Be'nn llwiere nada' renkze Xa' na'n llwiere'. 24Ba bena' yel wak da nono nna gon, na' chenak bi bre'e akre'n, bibi do'l nap ake'. Zan ka naken ba bre'e akre' da ki, llia bia'kze llwie akre' nada' ren Xa' na'. 25Na' llak kan' nyoj xti'll Diosen' dan' llsed ake' gan' nen: “Bwie akre' nada', la'kze bibi da xhinnj bena'.” 26’Na' katen' yed Spíritu dan' wayonxhenra'll re', dan' za'a gan' zo Xa' na', Spíritu dan' lloe' di'll li, len we'e di'll li akre nak kia' nada'. 27Leska' re' llaya'le we're xti'lla'n, le ba bzerenre nada' chak ba bdixjwe'ra' xti'll Xa' Diosen'.

will be added

X\