2 Corintios 12

1Bibi lliara'lla' cha' wne wen ke kwina', zan wa'a di'll ke dan' ba bre'da'ora'n, na' da ka' ba bzejnie' Xanllo Criston' nada'. 2Ba nombia' to be'nn nao nxenra'll Criston', ba gok chda' (14) iz byeje' yebá. Bi nnezra' cha' byeje' ren kwerp ke'e na', o cha' kere ren len na', Dios na' nnezre'. 3Na' nombia' be'nnen' byej yebá na'. Bi nnezra' cha' ren kwerp ke'en o cha' kere ren len na', Dios na' nneze. 4Na' blline' gan' llia Diosen', na' benre' lloe' be'nn ka' di'll da za'ke da nono be'nnach nna gak we'e ka di'll ki. 5Ka nak be'nn ni wayoe'rawa', zan ka nak nada' bibi de da wayoe'rawa' kwina'. Kon wa'a di'll ke da ka' ba gok kia', dan' llroe'n bi llak bi gona' to wrazza'. 6Na' chenak lle'nra' wayoe'rao kwina', da zan da wen ba bena' da nak zi wa'a di'll chenak, da nak di'll li, kere di'll wenra'lle. Zan bi wa'a di'll ke da wen ka' ba bena'n, le bi lle'nra' no yeyoe'rao nada'. Wenre gon ake' xhbab cha' za'k dan' llre'e akre' llona' na', na' ka dan' llen akre' lloa'a xti'll Dios na'. 7Nench bi gona' xhbab za'klla' nada' dan' bre'da'ora'n, na' dan' bzejnie' Xanllo Criston' nada', Dios na' be'e latj ll-llayrawa' zo to da zo lla'd kwerp kia'n, ke ga lla'de ye'ch, le ka'n lle'ne daxi'on gak nench wsa'kzi'n nada'. 8Chonn ras ba bnnabra' Xanllo Criston' yeke'e dan' ll-llayraorena' kwerp kia'n. 9Na'll goll Xanllon' nada': “Yel nllie' kia'n zerenen rwe'. Lezen na' yalljro'. Le kat bi za'kro' bi gono', kana'llen' gakbe'ro' llakrena' rwe' nench gono' bi da llaya'l gono'.” Ke len na' llawera' we'lla' di'll, ke dan' llroe'n bibi llak gona', le lle'nkazra' yel wak ke Criston' sorenen nada'. 10Ke len na' llawera' biteze da llak kia' nench na' gak Criston' xhen, na' llroe'n yalljra' gakrene' nada'. Na' llawera' kate lltitje be'nne nada', kat bi da yalljra', kate llraydo be'nne nada', na' kate billre da llayrawa'. Na' kat llak kia' ka', kana'n llakrenll Criston' nada' kone yel wak ke'e na'. 11Ba bia'a di'll bayoe'rao kwina' ka llon be'nn bi llejnie'. Re'n llaya'l we're xti'lla'n naka' be'nn za'ke, na' bi llonre ka'. Ke len na' benkza' bien bia'a di'llen' ka'. Le nxenra'llre be'nn ka' ba nonre ka postl keré. Na' nada' llakra' toz ka za'ka' kon kan' za'k leake', la'kze llakbe'ra' bibi za'kteka' cha' bi zorén Diosen' nada'. 12Ba bre'kzere naka' dogarje postl, le kan' badsorena' re', broe' Diosen' zorén yel wak ke'en nada', na' bene' nench gok billre da za'k yebane be'nne, na' gokrene' nada' nench bdaora'lla' yeolol da gok kia' chak bena' xchine'n gan' zore na'. 13Lesi'xhen cha' brekyi'lla' re', dan' bi benna' latj gakrenre nada', kan' ben be'nn ka' yela' be'nn ka' ba llonlira'll Criston'. 14Lle'nra' wayónn ras yeda' yedwia' re', na' bi gonra' re' zed kat yeda' na'. Le bi lle'nra' gonnre nada' bi da de keré, kon lle'nra' wzenayre, na' gon kwinre rallna'a Criston'. Ka llon to bida'o, bi llaya'l we'be' da yallje xaxhna'be', xaxhna'be' na'len' we'e lebe' cha' bi da yálljebe'. 15Le nada' do ra'lla' llzanra' bi da de kia', na' rente kwina' llzanra' nench na' gakrena' re'. Na' la'kze cha' nllie'ra' re', llakbe'ra' bi nllie'tekere nada'. 16Na' balre la'kze llakbe're bibi zed benra' re' bi da byalljra', nere bxhiya' re'n. 17¿Bixha llákere bxhiya' re'n kan' bse'la' be'nn lwelljllo ka' gan' zore na'? 18Go'tyoera' Titon' badwie' re', na' bse'lrene' ye to be'nn lwelljllo. ¿Bxhiye'e Titon' re'? Le'e ren nada' toz ka llonkzto', na' toz kan' lle'neto' gakrento' re'. 19¿Llákere llayoe'xhento' re'n kan' ba gollto' re' na'? Rao Diosen' na' rao Cristo na', lloe'to' di'll li nench na' wxenra'llre Diosen', lloe'rento' re' di'll ki le nllie'to' re'. 20Na' to ba lleb xhiza' kate yedra'nna' re', cha' wroe'n bi llonre wen kan' lle'nra' gonre na'. Na' cha' ba llonre da xhinnj, bi chazra'llre kan' gona'n. Lleb xhiza' nxholl lla're dilre, na' llaxhé' lwelljre, llrok lwelljre, na' lle'nere re'ze gak wen keré. Na' bi ne bi zill ke lwelljre, na' lltitjre de di'lle, na' nakre be'nn ya'ra'lle, na' bibi xhnneze yo' kerén'. 21Leska' lleb xhiza' katen' yedra'nna' re'n da yobre, Diosen' gone' gakra' zdo' kan' llonre. Na' kwella' kan' llonre, ka nak nna llonre da xhinnj, kan' llonre kan' batna'te, na' bi nna yeyátere da yel zdo'n llonre, nzoa no xtore, na' zorenre be'nn bi nak be'nn keré, na' no'r bi nak no'r keré.

will be added

X\