Tito 3

1Ellu'culu arqui' bee bene' Jesucristo nú ri'i beella nú rni gobierno cuna lunú rni bee usticia, cuna nú zucu' beella nú rni bee bene, cuna nú nzu arqui'beella ri'i beella lu ye nú neca nze'ca. 2Nú la ze'ta beella bee bene, nú la cua'na beella xuu, nú aca lle'na arqui'beella, nú aca nze'ca beella lu ye bee bene. 3Lia'ahua uyu'u bee bichia nú uria'ahua tucu nú niarqui'tsia'ahua, nu unga nziti arquia'ahua, unze'ahua inziu nú necha neca, uri'itsia'ahua tucu nú niarqui'tsia'ahua cuna tucu nú necatsia elliebacua'ahua. Uria'ahua puro nú la neca nze'ca, cuna nú uye arquia'ahua cuna nú uhuana arquia'ahua bee bene nu uhuana arqui' bee bene lia'ahua. 4Pero chenu uriña bichia nú ulube' Pa'ahua Diose enu utsila'a lia'ahua nú ñia nze'canu, cuna nú secanu bee bene. 5Li'inu utsila'anu lia'ahua, la necane equie nú uria'ahua nú neca nze'ca, uri'inu scua equie nú uhua'a arqui'nu lia'ahua. Li'inu uhuanu ye bee dula nú rlu'cua'ahua nu scua neca'ahua xi neca bene cuqui lunu, nu equie cuenda' Espíritu Santo rlu'cua'ahua elunehuañi nú necuqui neca cuna li'inu. 6Nu equie cuenda' Jesucristo enu utsila'a lia'ahua, chiqui' uliqui' Diose Espirítu Santo lua'ahua. 7Nu lunú ñia neca nze'canu nebacu'lanu lia'ahua nú la lu'cua'ahua dula, scua liqui'nu lua'ahua nú huañi li'ahua liñibe nú nellua'a quie'ahua. 8Neli neca bedichia' cua'. Enze'e niarquia nú uquia tixiule'elá ye bee bedichia' cua' lubee bene enu uchilila arqui' Diose para nú cua'na beella nú ri'i beella nú neca nze'ca. Nu bee nucua' chiqui' neca equiee nu sibi'i para lu ye bee bene. 9Pero la ri'ilu caso beenú lecaxi zibi' rni bee bene, nu la ri'ilu caso stichia' bee bene enu máse nzenu arqui' nú ti unga bee bene' beei hua'tu. Le'ca la ri'ilu caso bee bene enu rni xuu lubee sa' equie cuenda' ley' Moisés, xne la neca equie bee nucua', nu lecaxi zibi' bee nucua'. 10Tunu nu'hua enu rri'i nú rle'e sa' bee bene' Jesucristo, uni' lulla tucu bese urre chiucu bese nu tunu la zucu'lla stichia'lu, uhualla letahua. 11Xne li'ilu nediya'lu nú sa' bee benecua' utsana' arqui'la beei lunú neli neca, nu le'ca li'itsia beei rnitilu beei li'ibeei equie cuenda' stulabeei. 12Chenu xe'laa Artemas, urre Tíquico elu nzuculu, uri'i juerza nú ye'ta bi'yalu li'á eyeche Nicópolis, xne ze'e udu' arquia nú detea tiembu nú nucuá. 13Le'ca uri'i elietsa lu Apolos cuna lu licenciado Zenas lu ye nú recalu ude'te' lu ye nú secala'cha' beella para nú cheri'ibeella seidu inziu' beella para nú lecaxi zecala'cha' beella. 14Le'ca bee sa'ahua enu nzeli arqui' Jesucristo rqui'ña nú aca beella ri'i beella nú neca nze'ca, nu ri'i beella elietsa lubee bene chenu nu' nú secala'cha' beei para nú sibi' lunú nehuañi beella lu iliulabe quie'. 15Ye bee bene enu nucua'a cuna li'á xe'la beella saludo lulu. Le'ca uri'i saludar bee sa'ahua enu seca lia'ahua equie nú tucutse nzeli arquia'ahua Jesucristo. Diose ri'i nú cha nze'ca lu cuenda' yehua. Amén.

will be added

X\