Romanos 9

1Como bene' Jesucristo nú necaa, rnia nú neli neca luhua la nia eluquichia' luhua. Nu li'á nediyaa nú Espíritu Santo nediya' nú neli neca nú rniá luhua, 2nu yeye'e chiqui' nehuana nzu arquia hasta nú rcuu arquia. 3Nu hasta niarquia nú mase nú yalalá castiya' Diose mase nú huachu Jesucristo li'á tucu chu, pero ala' nú tunu scua nu' modo ri'i nucua' elietsa lubee bene lachia Israel para nú la zeca beei castiya. 4Nucua' si'á lubee bene lachia Israel, nu li'ibeei neca enu ucañi Diose nú aca bee bene'nu, nu rulu siqui'nu ube'tanu lubeella, nu uninu lubeella nú xneca modo lu'cubeella tucu inziu nú riña beella lunu, nu udete'nu leynu yabeella, nu uninu lubeella nú xneca lu'cubeella ula'na lunu, nu uninu nú xi dete'nu lubeella. 5Nu la necane lucuenda'tsia bee nucua', sino que le'ca lubee familia'ahua enu udetela enu uzibi' lu Diose nze'tabeella, nu le'ca lu familia cua' nze'ta Jesucristo chenu uriñanu lu iliulabe li'inu enu neca Diose enu riala nú lu'cu bee bene ula'na lu diqui tiembu, equie nú rlu'cunu elurnibiya' lu yebee nú nu'. Amén. 6La nia luhua nú la tsalua' Diose stichia'nu lubee bene Israel, sino que lunú rnia nú la yebee bene Israel neca bee bene' Diose. 7La necane equie nú nze'tabeella lubee familia' Abraham nú yebeella neca beella bene' Abraham, xne uni Diose lu Abraham: “Hasta lu endu'lu Isaac quixie bee lli'ñilu.” 8Scua rria'ahua beya' nú la neca nú neca bene bene Israel, nú necala bene bene' Diose, sino que bee enu neca bene' Diose neca bee enu nebacu' nze'ta leta bee familia' Abraham xne nzeli arqui'beella Stichia' Diose xi uyalí arqui' Abraham. 9Xne uyalí arqui'lla nú uni Diose lulla, chenu uninu lulla: “Steliana le'ca mismo tiembuquie' nzelaa nu che rlu'cula Sara tucu endu'.” 10Nu lacane nucua'tsia sino que chenu uru'cu Isaac endu' Sara, che uchialla Rebeca. Nu ante nú ala bee cuachi enu ullana Rebeca. 11Chenu lasca' chulu beenu ni'nú neca nze'ca nú ni' nú necha neca, para nú acachee nú nediya'la' Diose xa rcañinu bene, nu la necane lunú xa rri'i bene sino que li'inu nediya'la'nu ti rcañinu, nu ante nú ala bee cuachi cua', 12Diose uni lu Rebeca: “Lurucu bee cuachicua' enu ala nú rrucu, neca enu nibiya' lu enu rlutilá ala.” 13Tucu nú nequie lu ichi' Stichia' Diose elu rni: “Ulle'caa Jacob pero ulea lu Esaú.” 14Nu nee, ¿xie' nu' modo nú nia'ahua nú la ri'i Diose tucu nú necane ché la? ¡Pero lacane esquie! 15Xne uni Diose lu Moisés: “Se'caa bee bene enu niarquia nú ze'caa nu rua'a arquia bee bene enu niarquia nú hua'a arquia.” 16Enze'e leca modo nú hua'a arqui' Diose bee bene lunú niarqui'tsialla urre equie nú xi rri'illa sino que necatsia nucua' cuenda' Diose nú ti niarqui'nu hua'a arqui'nu. 17Lu ichi' Stichia' Diose rni nú uni Diose lu arre Egipto: “Li'á uri'á nú ungalu arre para nú lañi' bee bene lunú recaa nu lu cuenda' li'ilu ri'chialetse bee bedichia' nú ti necaa diqui lu iliulabe.” 18Enze'e nia luhua nú nediya'la' Diose nú ti niarqui'nu hua'a arqui'nu, nu le'ca rri'i nzitinu enu niarqui'nu nú aca nziti. 19Pero tala bese nihua lua: “Tunu scua necane, ¿xinu rle Diose nú xneca neca'ahua nu leca modo nia'ahua lu Diose nú xi ri'inu?” 20Pero, ¿ti necalu para nú niilu scua lu cuenda' Diose? Xie' nu' modo ni etsu lu bene enu ureche' etsu: “¿Xinu ureche'lu li'á scua?” 21¿Xie'lanu enu rreche' bee etsu, li'illa rri'inulla yuubi'chi xitse nú niarqui'lla la? Li'illa nediya'lla xi reche'lla cuna yuubi'chi ze'e, tunu reche'lla tucu etsu nú rqui'ña yeye'e urre tucu etsu nú rqui'ñiatsia lu eliñi. 22Neequie le'ca scua nediya'la' Diose ti riala castiya, nu hasta nú nu' beya' nú chu dete'nu castiya bee bene para nú scua acachee nú rlu'cunu poder pero li'inu ulu'cu arqui'nu nu uriqui'nu bee bene enu lá zucu' stichia'nu bee enu riala nú nitilu. 23Nu uriqui'nu li'ibeei para nú acachee nú li'inu rlu'cu cuendanu nú xa ri'inu nu rlu'cunu nú rnibiya'nu, nu uhua'a arqui'nu bee enu nediya'la'nu nú hasta hua'tu riala nú chu'u liñibe. 24Nu lia'ahua neca bee benecua', bee enu ubixia Diose sia leta bee bene Israel nu sia leta bee bene enu laca bee bene Israel. 25Tucu nú nequie lu ichi' Stichia' Diose nú uquie'e profeta Oseas, elu rni: Bee enu laca benea, nia lubeei benea, nu bee bene enu lecati zeca, li'á zecaa beei. 26Elu uni Diose lubee bene: “Li'ihua lacahua bee benea”, ze'e li'ibeei acabeei lli'ñi Diose enu nehuañi. 27Le'ca uni profeta Isaías equie cuenda' bee bene Israel: “Mase nú chiqui' huaxi bee bene Israel tucu nú huaxi eyuxi ru'u inzatu', pero laca huaxi bee bene enu tsila'a. 28Xne lacaxea nú tsalu Diose stichia'nu lu iliulabequie' tucu nú unilanu.” 29Nu hasta hua'tu le'ca uni profeta Isaías: Tunu Pa'ahua Diose enu rlu'cu ye nú rnibiya' azela nú alaxu yebee bene'ahua enu udetela, hasta hua'tula ulaxu bee bene'ahua che, tucu nú ulaxu bee bene Sodoma cuna Gomorra. 30Neequie, ¿xania'ahua nee? Bee bene enu laca bee bene Israel ni' lá achenu arqui'beella xa tsila'a beella pero nee utsila'ala beella lunú nzeli arqui'beella Jesucristo. 31Nu bee bene Israel mase nú chiqui' ula'na beella modo nú xneca huañibeella tucu nú rnibiya' ley para nú tsila'a beella pero né ri'ibeella ana. 32¿Xiquie nú né ri'ibeella ana nú tsila'a beella? Xne mase ula'na beella nú huañi beella tucu nú rnibiya' ley, luhuare nú chili arqui'beella Diose tucu nú riala nú chili arqui'beella li'inu para nú tsila'a beella. Nu unga Jesucristo lubeella: “Xi neca tucu quiee nú xica cuchiu' bene.” 33Tucu nú nequie lu ichi' Stichia' Diose elu rni: Li'á zucua tucu quiee eyeche Sión, quiee nú llica cuchiu' bene, nu zana' bene. Nu enu chili arqui' li'inu leca' xunga tu' nze'e.

will be added

X\