Romanos 13

1Yebee bene rqui'ña nú zucu' nú rnibee usticia cuna ubierno. Xne Diose udu' bee usticia cuna ubierno, nu li'inu rdete'nu elurnibiya' nú rlu'cubeella. 2Enze'e bee bene enu la zucu' nú rni bee usticia le'ca la zucu'beei nú rni Stichia' Diose nu bee bene enu rri'i scua le'ca li'ibeei rla'na beei nú zeca beei castiya. 3Xne bee usticia la nucua'a beella para nú dete' beella castiya lubee bene enu lecaxi ri'i, xne nucua'a beella para nú dete' beella castiya lubee bene enu necha rri'i, nu tunu la niarqui'lu nú ri'chia usticia li'ilu rqui'ña nú ri'i nze'calu, nu scua la ri'chia usticia li'ilu. 4Xne scua sibi' beella lu Diose para nú acanu'beella li'ilu. Pero tunu rri'ilu nú necha neca, che xiquilu bee usticia xne la neca nú lia rlu'cu beella elurnibiya' sino que scua sibi' beella lu Diose para nú dete' beella castiya bee bene enu necha rri'i. 5Enze'e rqui'ña nú zucu' bee bene nú rni bee usticia nu la acatsiae equie nú xiquibeella nú zeca beella castiya, sino que nediya' beella nú scua riala ri'ibeella. 6Nu le'ca udixiuhua impuesto para nú nzenibiya'la bee usticia, xne Diose udu' li'ibeella para nú nibiya' beella nu scua sibi' beella lu Diose. 7Enze'e ude'te'hua nú riala dete'hua, tunu riala nú dete'hua melu, ude'te'hua melu, nu tunu riala ixiuhua impuesto, udixiuhua impuesto. Nu uzu'cu'hua nú rni bee bene enu riala zucu'hua nú rni, nu ulu'cuhua ula'na lubee enu riala nú lu'cuhua ula'na lu. 8La aca nezi'quihua lubee bene, nu lunú la yala tsana' arqui'hua neca nú zecahua bee sa'hua. Xne bee bene enu secasa', scua sucu' bee nze'e ye nú rnibiya' ley' Diose. 9Xne bene enu sucu' mandamiento' Diose nú rni: “Uzeca sa'lu tucu nú secalu li'ilu.” Enu sucu' mandamiento quie', sucu'la beelá bee mandamiento nú rni: “La ri'ilu eluhuexe, la utilu bene, la ri'ilu eluhuana', la le'lu stene' sa'lu.” 10Xne bene enu seca sa' la ri'illa nú necha neca lubeelá bee bene, enze'e bene enu seca sa' sucu'lalla ye nú rnibiya' ley' Diose. 11Nu le'ca uri'ihua beya' xi tiempo nellua'ahua, nu uri'ihua beya' nú necala hora nú dete'ahua ellie'e. Xne nze'ta riñala bichia nú riña zeca Jesucristo stucu bese nu la lea' nú riña zecanu xi neca bichia chenu uchili arquia'ahua li'inu. 12Nze laxu tiempo, nu nze'ta riñala bee bichia nú riña zecanu, enze'e rqui'ña nú tsana' arquia'ahua inziu nú necha neca nzenala'ahua nu ria'ahua puro nú neca nze'ca para nú chenala'ahua inziu nze'ca. 13Rqui'ña nú huañi nze'ca'ahua, nu la ria'ahua beenú netú neca. Nu la yala nú aca'ahua uniqui nu la ria'ahua eliñi para nú chu'u modo nú ria'ahua lunú la yala ria'ahua. Nu la yala nú ria'ahua eluhuexe urre xitse stucu bee vicio, nu la yala nú liu'ahua, nu la yala nú yea arquia'ahua lu sa'ahua. 14Sino que mejora uhuañihua tucu nú niarqui' Jesucristo nú huañihua, nu la yala nú huañihua lunú necha neca riu' arqui'hua.

will be added

X\