San Lucas 3

1Chenu unga chiñu' lana nú rnibiya' arre Tiberio César diqui lu iliulabe, che neca Poncio Pilato gobernador Judea, nu neca Herodes gobernador Galilea, nu bichilla Felipe neca gobernador Iturea cuna lu iliu Traconite, nu Lisanias neca gobernador Abilinia. 2Chequie Anás cuna Caifás unga ule'ya enu mase rnibiya' lu beelá bee ule'ya. Bee bichia ze'e uni Diose lu Juan lliana' Zacarías lu dañi achi elu la nucua'a bee bene. 3Nu uya Juan lu ye bee eyeche nú nchiucu' axu re'cu Jordán, nu unilla lubee bene nú che'e arqui' bee bene lu stula beei cuna nú rinza beei, para nú ri'i Diose perdona li'ibeei. 4Scua uyalu tucu nú uquie'e profeta Isaías hua'tu, xne li'illa uquie'ella nucua' nú rni: Lu tucu dañi achi elu la nucua'a bee bene, riene tucu chii bene nu rixialilla nú nilla: “Utsu tsiñahua arqui'hua xne nze'ta li'inu enu neca Diose'ahua; utsana' arqui'hua stulahua para nú yucu arqui'hua stichia'nu. 5Utsuche' nze'cahua arqui'hua tucu nú reca teriallu tucu erluu, nu utsana' arqui'hua elulliña cuna eluruti' tucu nú reca teriallu elu neca loma cuna dañi, ubenchila' arqui'hua lu inziu' Diose tucu nú rlí inziu nú nerenguie, nu utsuche' nze'cahua arqui'hua tucu nú neca inziu nú necache' nze'ca. 6Chequie ye bee bene iliulabe lañi' li'inu enu tsila'a bee bene, enu xe'la Diose.” 7Chenu uriña bee bene para nú rinza Juan li'ibeei unilla lubeei: ―¡Li'i sihua netsiñahua xi netsiña bee be'la! ¿Ti udixiule'e luhua nú tsila'ahua lu castiya juerte nú nzula? 8Uhuañi nze'cahua para nú acachee nú neli nú uche'e arqui'hua lu stulahua, nu la nihua: “Li'iru necaru enu nze'ta lubee bene' tuxie Abraham”; xne nia luhua nú hasta bee quiee quie' aca Diose ri'i nú aca bee bene' tuxie Abraham. 9Pero bee bene enu la nehuañi nze'ca tucu nú rnibiya' Diose, ri'inu lubeei tucu nú rri'inu bee bene aca ndixi chenu la ayua' ndixí lue. Xiecu' beei aca ze'e nu siqui' beeii lu quii. 10Chequie unidichia' bee bene lu Juan: ―¿Xi riala ri'iru che? 11Nu ucuaqui Juan lubeei: ―Enu rlu'cu chiucu xucu, dete'nze'e tucue utu bene enu la lu'cune, nu enu nu' nú racu dete' nze'e lle'nae lubee bene enu seca la'cha'e. 12Le'ca uriña chiucu chuna bee bene enu rri'i cubre impuestos lu Juan para nú rinza Juan li'ibeei, nu unidichia' beei lu Juan: ―Maestro, li'iquieru ¿xi riala ri'iru? 13Che uni Juan lubeei: ―La ri'ihua cubre maselá lunú riala rri'ihua cubre. 14Le'ca unidichia' chiucu chuna bee sundado lu Juan: ―¿Nu li'iquieru xi riala ri'iru? Nu uni Juan lubeei: ―La axihua stene' bee bene, nu la ta'hua eluquichia' bee bene enu lecaxi uri'i para nú nu' xi liqui' beei luhua, nu uri'ihua conforme lunú riaxutsiahua. 15Bee bene ze'e niarqui' beei nú ala' ri'ixu beei beya' tunu neca Juan Cristo, 16pero uni Juan lubeei: ―Li'á rrinza li'ihua cuna inza. Pero nze'ta li'inu enu rinza bee bene cuna Espíritu Santo nu cuna quii. Li'inu necanu enu chiqui' nibiya' luquelá li'á, nu ni' nú hua lucunu la yala xne neca equielánu lua. 17Tucu nú rcui bee bene trigo, scua ri'inu lubee bene, bee bene enu nehuañi tucu nú rialane, dete'nu nú huañi bee bene ze'e elu rnibiya'nu, nu bee bene enu la nehuañi tucu nú rialane, xe'lanu li'ibeei lu quii nú leca xunga yala. 18Scua neca nú uni Juan lubeei, nu cuna huaxilá bee bedichia' nze'ca unilla bezete' lubeei, nu udixiule'ella bedichia' nze'ca' Diose lubeei. 19Le'ca uqui'ya' arre Herodes uri'i Juan, xne nzucunu Herodes Herodías una'a bichilla Felipe, cuna equie huaxilá beenú necha neca uri'i Herodes. 20Pero Herodes luhuare nú zucu'lla lunú uni Juan, uri'i Herodes stucu nú necha neca: Nú udu'lla Juan ni'cu'. 21Chequie chenu urinza Juan bee bene, le'ca urinzalla Jesuse, diqui nú rnacu' Jesuse lu Diose uya'la liñibe. 22Nu ulaca Espíritu Santo equienu xi neca tucu paloma, nu ubene tucu chii enza liñibe nu uni chii ze'e: ―Li'ilu necalu Lli'ñia nu chiqui' se'ca li'ilu nu ñia nzu arquia lulu. 23Nza Jesuse tucu ala llichi'i lana chenu uquixienu uzete'nu Stichia' Diose lubee bene. Nu nzeli arqui' bee bene nú unga Jesuse xi neca lli'ñi José. Nu unga José, lliñi Elí, 24Elí unga lli'ñi Matat, Matat unga lli'ñi Leví, Leví unga lli'ñi Melqui, Melqui unga lli'ñi Jana, Jana unga lli'ñi José, 25José unga lli'ñi Matatías, Matatías unga lli'ñi Amós, Amós unga lli'ñi Nahum, Nahum unga lli'ñi Esli, Esli unga lli'ñi Nagai. 26Nagai unga lli'ñi Maat, Maat unga lli'ñi Matatías, Matatías unga lli'ñi Semei, Semei unga lli'ñi José, José unga lli'ñi Judá. 27Judá unga lliñi Joanán, Joanán unga lli'ñi Resa, Resa unga lli'ñi Zorobabel, Zorobabel unga lli'ñi Salatiel, Salatiel unga lli'ñi Neri. 28Neri unga lli'ñi Melqui, Melqui unga lli'ñi Adi, Adi unga lli'ñi Cosam, Cosam unga lli'ñi Elmodam, Elmodam unga lli'ñi Er. 29Er unga lli'ñi Josué, Josué unga lli'ñi Eliezer, Eliezer unga lli'ñi Jorim, Jorim unga lli'ñi Matat. 30Matat unga lli'ñi Leví, Leví unga lli'ñi Simeón, Simeón unga lli'ñi Judá, Judá unga lli'ñi José, José unga lli'ñi Jonán, Jonán unga lli'ñi Eliaquim, 31Eliaquim unga lli'ñi Melea, Melea unga lli'ñi Mainán, Mainán unga lli'ñi Matata, Matata unga lli'ñi Natán, 32Natán unga lli'ñi David, David unga lli'ñi Isaí, Isaí unga lli'ñi Obed, Obed unga lli'ñi Booz, Booz unga lli'ñi Salmón, Salmón unga lliñi Naasón, 33Naasón unga lli'ñi Aminadab, Aminadab unga lli'ñi Aram, Aram unga lli'ñi Esrom, Esrom unga lli'ñi Fares, Fares unga lli'ñi Judá, 34Judá unga lli'ñi Jacob, Jacob unga lli'ñi Isaac, Isaac unga lli'ñi Abraham, Abraham unga lli'ñi Taré, Taré unga lli'ñi Nacor, 35Nacor unga lli'ñi Serug, Serug unga lli'ñi Ragau, Ragau unga lli'ñi Peleg, Peleg unga lli'ñi Heber, Heber unga lli'ñi Sala, 36Sala unga lli'ñi Cainán, Cainán unga lli'ñi Arfaxad, Arfaxad unga lli'ñi Sem, Sem unga lli'ñi Noé, Noé unga lli'ñi Lamec, 37Lamec unga lli'ñi Matusalén, Matusalén unga lli'ñi Enoc, Enoc unga lli'ñi Jared, Jared unga lli'ñi Mahalaleel, Mahalaleel unga lli'ñi Cainán, 38Cainán unga lli'ñi Enós, Enós unga lli'ñi Set, Set unga lli'ñi Adán, Adán unga lli'ñi Diose.

will be added

X\