San~Juan 2

1Bichia rriuna, unga tucu eluchia eyeche Caná nú nchiucu' lu iliu Galilea. Nu le'ca nzu na' Jesuse ze'e, 2nu le'ca uzene' bee bene Jesuse cuna bee bene'nu nu uya beella lu eluchia ze'e. 3Chenu ulaxu biñu, che uni na' Jesuse lunu: ―La lucua' beella biñu. 4Nu ucuaqui Jesuse: ―¿Xinu rnilu nucua' lua naa? Lasca' riña hora nú ri'á lunú riala nú ri'á. 5Pero María na' Jesuse chu unilla lubee bene enu rri'i elietsa ze'e: ―Uri'ihua ye nú ninu luhua. 6Nu ze'e nucua'a xu'cu etsu quiee, nú riuche' inza rqui'ña bee bene Israel para nú lecaxi naa beei tucu nú neca costumbre' beei, nu riu'u como tucu ayu'u litro inza liñi cada tucua bee etsu ze'e. 7Chequie uni Jesuse lubee bene enu rri'i elietsa ze'e: ―Uri'ichehua bee etsuquie' inza. Nu chenu uchela bee etsu, 8uni Jesuse lubeei: ―Nee uhuahua lle'nae, ude'te'hua lubee bene enu nuya' cuenda' eliñi. Nu scua uri'i beei. 9Nu bene enu nuya' cuenda eliñi ze'e uri'illa preo inza nú unga biñu, nu lá ri'illa beya' cá enza uchiu'e, nediya'tsia bee bene enu rri'i elietsa ze'e nucua', xne li'ibeei uya chiya'beeii, che ubixia bene enu nuya' cuenda eliñi ze'e niyu enu xia, 10nu unilla lui: ―Ye bee bene rluti rritsi'beei biñu nze'ca, nu chenu ungue'la bee bene huaxi biñu cua', cheelá rritsi'beei biñu nú la neca nze'ca. Pero li'ilu udu'che'elu biñu nze'ca quie' para nú rritsi'lue hasta neelá. 11Nucua' neca milagro rluti nú uri'i Jesuse, uri'inu milagro quie' eyeche Caná nú nchiucu' lu iliu Galilea, scua ulube'nu poder nú rlu'cunu nu uchili arqui' bee bene'nu li'inu. 12Chenu ulaxu nú unga nucua' che nzanu eyeche Capernaum, cuna na'nu, cuna bee bichinu cuna bee bene'nu, nu ze'e ucua'a beella chiucu chuna bichia. 13Lunú axula nzu baxcu eliñi' bee bene Israel, che uya Jesuse eyeche Jerusalén. 14Nu labe ele'ya' indu llene Jerusalén ze'e ulañi'nu bee bene enu ruti bee u'na', cuna bee sanchi, cuna bee paloma, cuna bee bene enu nucua'a lu mexa xi'la dimi' bee bene. 15Chenu ulañi' Jesuse nucua', che ureche'nu tucu chicuete nú neca tuu para nú uhuanu ye bee bene cuna bee u'na' beella, cuna bee sanchi' beella ru'u ele'ya' indu ze'e, nu utsi'quinu dimi' bee bene enu xi'la dimi, nu utelletanu mexa' beei. 16Che uninu lubee bene enu ruti bee paloma: ―¡Uhuahua bee nucua' ca'a! ¡La ri'ihua ni'i paa xi neca tucu i'ya! 17Chequie ullu'cu arqui' bee bene'nu lu ichi' Stichia' Diose elu rni: “Hasta nú atia la tsana arquia nú recanua ni'lu.” 18Che uni bee bene Israel lu Jesuse: ―¿Xi milagro lube'lu luru para nú ri'iru beya' nú rlu'culu nu rnibiya'lu nú rri'ilu scua? 19Nu ucuaqui Jesuse lubeei: ―Uchilahua induquie', nu lu chunatsia bichia reche' zecane. 20Chequie uni bee bene Israel ze'e lunu: ―Cuarenta y seis lana ule' bee bene nú ureche'e beei indu quie', ¿nu li'ilu rnilu nú lu chunatsia bichia reche' zecalue la? 21Pero li'inu rninu lu cuenda' cuerpo'nu chenu uninu lu cuenda' indu ze'e. 22Enze'e chenu uhuañi zeca Jesuse nú ungutinu, ullu'cu' arqui' bee bene'nu lunú uninu, nu uchili arqui'beella stichia'nu nu le'ca uchili arqui' beella lunú niquie lu ichi' Stichia' Diose. 23Diqui nú nzucu Jesuse eyeche Jerusalén eliñi baxcu, huaxi bee bene uyalí arqui' li'inu chenu ulañi' beei bee milagro nú uri'inu. 24Pero la chili arqui' Jesuse lunú rnibeei, xne nu'lu nze'canu xa neca elliebacu'beei. 25La qui'ñanu nú nu' enu ni lunu nú xa neca bee bene, xne li'inu nu'lu nze'canu xa neca elliebacu' ye bee bene.

will be added

X\