San~Juan 18

1Chenu ulaxu nú uni Jesuse bee bedichia' quie', uchiu'unu nú nzanu cuna bee bene'nu stucu chú re'cu nú lee Cedrón. Ze'e nu' bee aca olivos nu uyu'ununu bee bene'nu leta bee aca ze'e. 2Nu Judas, enu udete' cuenda li'inu nu'lui ze'e, xne huaxi bese uyanu Jesuse li'ibeella ze'e. 3Nu ze'e uriñayu Judas texcua'a bee sundado, nu cuna texcua'a bee bene enu rriucu Indu llene Jerusalén enu uxe'la bee ule'ya enu rnibiya' nu bee fariseo nu nuya' beei bee lanza cuna bee espada nu le'ca nuya' beei bee quinqué cuna bee antorcha. 4Pero lunú nediya'la' Jesuse ye nú zecanu, uchiu'unu leta bee aca ze'e, nu unidichia'nu lubeei: ―¿Ti rla'nahua? 5Nu ucuaquibeei lunu: ―Li'iru rla'naru Jesuse bene Nazaret. Che ucuaqui Jesuse nú uninu: ―Li'á neca nze'e. Nu Judas enu udete' cuenda li'inu le'ca nzui leta beei ze'e. 6Nu chenu uni Jesuse lubeei: “Li'á neca nze'e”, ulacaquie beei enza di'chibeei nu uyecata beei lu yuu. 7Chequie unidichia' zeca'la Jesuse lubeei nú uninu: ―¿Ti rla'nahua? Nu unia'la beei stucu bese: ―Li'iru rla'naru Jesuse bene Nazaret. 8Che unia'la Jesuse stucu bese lubeei: ―Unila luhua nú li'á neca nze'e. Tunu li'á rla'nahua, uzelahua nú yue bee benequie'. 9Ungae scua para nú uyalu nú uni Jesuse chenu uninu: “Ni' tucu bee bene enu uliqui'lu lua né nitilu beella.” 10Chequie Simón Pedro ulualla espada nú nuya'lla nu uchiecu'lilla diaca chubé tucu bene enu lee Malco moso' ule'ya enu rnibiya' lubee ule'ya. 11Che uni Jesuse lu Pedro: ―Uduche' espada cua' luhuare'e. Xne tunu Pa Diose unilanu nú nehuana zecaa rqui'ña nú nehuana zecaa. 12Chequie bee sundado ze'e nu tucu sundado enu rnibiya' lubeei, cuna bee bene Israel enu rriucu Indu llene Jerusalén, una'tsebeei Jesuse nu ullica'cubeei li'inu. 13Nu unguya' beei li'inu rluti ni' Anás, enu neca suegro' Caifás, Caifás quie' neca ule'ya enu máse rnibiya' lubeelá ule'ya lana ze'e. 14Nu le'ca li'i Caifás quie' neca enu uni lubee bene Israel nú neca nze'calá para li'ibeella nú ati tucutsia bene equie cuenda' ye bee bene Israel. 15Simón Pedro cuna stucu bene' Jesuse uyanala beella li'inu. Nu lunú nu'lu ule'ya enu mase rnibiya' cua' stucu benecua', che uyu'ulla cuna li'inu ni' ule'yacua', 16pero Pedro uya'na ru'u puertatsia. Che uchiu'u bene' Jesuse enu nu'lu ule'ya enu máse rnibiya', nu unilla lu una'a enu rriucu ru'u puerta ze'e para nú uyu'u Pedro. 17Che uni una'a enu rriucu ru'u puerta ze'e lu Pedro: ―¿Pianu le'ca li'ilu necalu tucu bene' Jesuse? Nu ucuaqui Pedro lunchu nú unilla: ―Li'á laca bene'lla. 18Nu lunú nucuaa che bee moso' cuna bee bene enu rriucu Indu llene Jerusalén ucua'a beei quii para nú ubichia beei. Nu le'ca nzu Pedro cuna li'ibeei ru'u quii ze'e rebichia beei. 19Chequie ule'ya enu mase rnibiya' uquixie unedichia' lu Jesuse equie cuenda' bee bene'nu nu cuna equie nú sete'nu bee bene. 20Che ucuaqui Jesuse lulla nú uninu: ―Li'á siempre unia ante luye bee bene nu uzetea li'ibeella liñi bee indu nu cuna liñi Indu llene Jerusalén elu riete'sa' ye bee bene Israel, nu lecaxi nú unia a'chi' lubeella. 21¿Enze'e xinu rnedichia'lu lua? Unedichia' lubee bene enu ubene' nú unia, li'ibeella nediya' beella lunú uzetea li'ibeella. 22Chenu uni Jesuse scua tucu bee bene enu rriucu ru'u Indu llene Jerusalén, udichiui ru'unu nu uni: ―¿Xie' scua rcuaqui bene lu ule'ya enu máse rnibiya' la? 23Nu ucuaqui Jesuse lui nú uninu: ―Tunu nu' xi nú necha neca unia, uni' xine. Pero tunu uni nze'caa, ¿xinu udiñilu li'á che? 24Che naca'cunu uxe'la Anás li'inu lu Caifás ule'ya enu másela rnibiya'. 25Pero Pedro nzusca' rebichia ru'u quii ze'e. Nu unibeei lulla: ―¿Pianu le'ca li'ilu necalu tucu bene' Jesuse? Nu ucuaqui Pedro lubeei nú unilla: ―Li'á laca bene'lla. 26Chequie tucu bee moso' ule'ya enu máse rnibiya' cua', enu recasa' bene enu uchiecu' Pedro diaca, uni lu Pedro: ―¿Xie'lanu li'á ulañialu cuna li'illa leta bee aca olivos la? 27Nu stucua'la utsacu' arqui' Pedro nú nu'lulla Jesuse. Hora ze'e ubixia tucu tiula. 28Chenu uye'e lu yuu uchiu'unu beei Jesuse ni'i Caifás nu unguya' beei li'inu ru'u palacio' gobernador Roma. Nu bee bene Israel cua' né chu'u beei liñi palacio ze'e, xne para li'ibeei tunu achu'u beei ze'e lixiu naa beei lu Diose, nu che leca' modo acubeei exe baxcu. 29Che uchiu'u Pilato nu unilla lubeei: ―¿Xi uri'i benequie' nú uriñayuhualla ca'a? 30Che ucuaqui beei nú unibeei lulla: ―Tunu necalla bene nze'ca né ayelayurulla lulu ca'a. 31Che uni Pilato lu beei: ―Uya'hualla, nu ulualuhua lu cuenda'lla tucu nú rnibiya' ley'hua. Che unibeei lu Pilato: ―Li'iru la lu'curu elurnibiya' nú nibiya'ru nú ati tucu bene. 32Scua uyalu nú uni Jesuse chenu uninu equie cuenda' nú xa atinu. 33Chequie uyua'la Pilato liñi palacio ze'e nu ubixialla Jesuse nu unedichia'lla lunu: ―¿Xie' li'ilu necalu arre' bee bene Israel la? 34Che ucuaqui Jesuse lulla nú uninu: ―¿Li'itsialu rnidichia'lu nucua' la o stucu bene uni nucua' lulu la? 35Nu ucuaqui Pilato lunu: ―¿Xie' bene Israel li'á la? Li'i e'cu bee bene lachilu cuna bee ule'ya enu rnibiya' udete' cuenda li'ilu lua. ¿Xi uri'ilu che? 36Che ucuaqui Jesuse lulla: ―Elurnibiya' nú rlu'cua lacane elurnibiya' nú nu' lu iliulabequie'. Tunu necane elurnibiya' nú nu' lu iliulabequie', rlu'cua bee bene enu ari'i xuu para nú lecati adete' cueda li'á lubeei pero elurnibiya' nú rlu'cua lacane elurnibiya' nú nu' lu iliulabequie'. 37Chequie uni Pilato lunu: ―¿Li'ilu necalu arre chela? Nu ucuaqui Jesuse lulla nú uninu: ―Tucu nu rnilu scua necane, li'á neca arre. Para nucua' ungula, nu para nucua' ubela lu iliulabe quie' para nú nia lunú neli neca lubee bene. Ye bee bene enu nzenala nú neli neca riene' bee nze'e nú rnia. 38Che uni Pilato lunu: ―¿Xi neca nú neli neca che? Chenu ulaxu uni Pilato nucua', uchiu'u zeca'lalla uyani'lla lubee bene Israel ze'e nu unilla lubeei: ―La llela ni' tucu equiya nú uri'i benequie'. 39Pero li'ihua rlu'cuhua custumbre nú li'á la'a tucu bene enu nchiñi ni'cu' lu eliñi baxcu. ¿Niarqui'hua nú la'a Arre Israel che la? 40Chequie ubixialí zeca'labeei nú unibeei: ―La la'alu benequie', ula'a Barrabás. Nu Barrabás necai tucu huana'.

will be added

X\