San~Juan 17

1Chenu ulaxu nú uni Jesuse scua lubee bene'nu, che ubi'yanu enza liñibe nu uninu: ―Pa Diose, uriñala hora nú aca lunú riala aca. Ulube' poder nú rlu'cu lli'ñilu para nú le'ca lube' lli'ñilu poder nú rlu'culu. 2Xne li'ilu udete'lu poder lu lli'ñilu para nú nibiya'nu luye bee bene iliulabe, nu dete'nu elunehuañi nú leca xunga laxu luye bee bene, enu udete'lu lunu. 3Nu elunehuañicua' neca para bee bene enu nu'lu li'ilu, nú tucutsia li'ilu necalu Diose nu nu'lu beei Jesucristo enu uxe'lalu lu iliulabe. 4’Li'á ulubea poder nú rlu'culu ante lubee bene iliulabe, nu nee ula'xula rri'á beenú unibiya'lu lua nú ri'á. 5Nee nú nzela lulu Pa Diose uli'qui' poder lua tucu nú ulu'cune cuna li'ilu ante nú quixie iliulabe. 6’Bee bene enu ucañilu lu iliulabe quie' nu uliqui'lu lua, unila lubeella equie cuenda'lu. Bee bene'lu beella nu uliqui'lu beella lua nu uzucu' beella stichia'lu. 7Nee rri'i beella beya' nú equie cuenda'lu nze'ta ye beenú unia nu ye beenú uri'á, 8xne udixiule'a stichia'lu lubeella, nu uyali arqui'beella. Neequie rri'i nze'ca beella beya' nú nzela enza lulu, nu nzeli arqui' beella nú li'ilu uxe'lalu li'á. 9’Li'á rnacua lulu equie cuenda' beella, la nacua lulu equie cuenda' ye bee bene iliulabe, sino que rnacua lulu equie cuenda' bee bene enu uliqui'lu lua, xne bee bene'lu neca beella. 10Nu equie cuenda' beella achee poder nú rlu'cua. Ye nú neca stenea neca stene'lu nu ye nú neca stene'lu le'ca necane stenea. 11’Li'á la zucua'a lu iliulabe quie' pero li'ibeella nucua'alá beella lu iliulabe, nu li'á nzela lulu. Pa Diose, li'ilu enu la lu'culí dula ubi'yaa li'ibeella enu uliqui'lu lua, cuna poder nú rlu'culu uli'qui'lua para nú aca tucunecatse beella tucu nú tucutsia neca'a. 12Chenu nzunua li'ibeella lu iliulabe quie', li'ibeella enu uliqui'lu lua ubi'ya beella cuna poder nú rlu'cua uliqui'lu lua nu ni' tucu beella né nitilu, sino que unitilutsia tucu enu nzula nú nitilu, para nú yalu tucu nú rni lu ichi' stichia'lu. 13’Nee nzelala lulu, pero rnia bee bedichia' quie' diquila nú nzua lu iliulabe, para nú chiqui' ñia tsu arqui'beella tucu nú ñia nzu arquia. 14Li'á udixiule'a stichia'lu lubeella nu rana arqui' bee bene li'ibeella, xne la nehuañia' beella tucu nú nehuañi beelá bee bene, tucu nú le'ca li'á la nehuañia tucu nú nehuañi bee bene iliulabe. 15La nacua lulu nú hualu li'ibeella lu iliulabequie', sino que nacua lulu nú bi'yalu li'ibeella para nú la ri'ibeella nú necha neca. 16Li'ibeella la nehuañia' beella tucunú nehuañi beelá bee bene, tucu nú le'ca li'á la nehuañia tucu nú nehuañi bee bene iliulabe. 17Uri'i nú lecaxi naa beella nu la lu'cu beella dula, equie cuenda' stichia'lu. Xne stichia'lu neli necane. 18Tucu nú uxe'lalu li'á lu iliulabe quie', le'ca scua li'á xe'la li'ibeella lu beela bee bene iliulabe, 19Nu equie cuenda' beella dete cuendaa li'á para nú le'ca li'ibeella lecaxi naabeella equie cuenda' stichia'lu nú neli neca. 20’Nu la neca equie cuenda'tsia beella rnacua lulu, le'ca rnacua lulu lu cuenda' bee bene enu neela chili arqui' li'á chenu yene' beella lunú ixiule'e bee benea equie cuendaa. 21Nacua lulu Pa Diose nú aca tucunecatse beella, tucu nú tucutsia necaa cuna li'ilu, nu le'ca scua acatucunecatse beella cuna li'á, para nú chili arqui' bee bene iliulabe nú li'ilu uxe'lalu li'á lu iliulabe. 22Le'ca li'i poder nú uliqui'lu lua, udetene lubeella para nú acatucunecatse beella tucu nú li'ilu nu li'á tucutsia neca'a. 23Li'á nzunua li'ibeella nu li'ilu nzunulu li'á para nú za'lí nú acatucunecatse beella cuna li'á, nu scua ri'i bee bene iliulabe beya' nú li'ilu uxe'lalu li'á nu secalu li'ibeella tucu nú secalu li'á. 24’Pa Diose, niarquia nú ye bee bene enu uliqui'lu lua cua'a beella elu zucua'a, para nú lañi' beella poder nú uliqui'lu lua xne secalu li'á desde chenu lasca' quixie iliulabe. 25Pa Diose, li'ilu enu rri'i tucu nú rialane, añinzuca nú bee bene iliulabe lá chulu beei li'ilu pero li'á nu'lua li'ilu, nu bee benea nediya' beella nú li'ilu uxe'lalu li'á. 26Li'á unila lubeella equie cuenda'lu nu nzenisca'la lubeella, para nú zeca beella sa'beella tucu nú secalu li'á nu li'á nzua cuna li'ibeella.

will be added

X\