San~Juan 14

1’Chequie uni Jesuse lubeella: ―La chenu arqui'hua, uchili arqui'hua Diose, nu uchili arqui'hua li'á. 2Elu nzucu Pa Diose chiqui' nu' luguare elu cua'a bee bene nu', xne tunu leca luhuare li'á lá ania luhua nú nze tsuche'a elu cua'ahua. 3Nu chenu uyatsuche'la elu cua'ahua, che nzela stucu bese para nú nzela tucua'ahua para nú cua'ahua elu zucua'a. 4Li'ihua nediya'hua cá nza'a nu nu'luhua inziu para nú riñahua ze'e. 5Chequie uni Tomás lunu: ―Detá, la biya'ru cá nzalu, ¿xa chuluru inziu nú rnilu? 6Che ucuaqui Jesuse, nú uninu: ―Li'á neca inziu ze'e, nu nú neli neca, nu elu nehuañi. Equie cuenda' li'itsia nu' modo riña bee bene lu Pa Diose liñibe. 7Tunu li'ihua nu'luhua li'á le'ca nu'luhua Pa Diose nu nee nu'lulahuanu, xne ulañi'la'huanu. 8Che uni Felipe lunu: ―Detá, uzela lañi'ru Pa Diose para nú ya'na conformero. 9Chequie uni Jesuse lulla: ―Felipe, xeela nzua cuna li'ihua, ¿Nu lasca' chululu li'á la? Enu ulañi'la' li'á, le'ca ulañi'la' nze'e Pa Diose, ¿xiquie nú rnilu lua nú zelaa lañi'hua Pa Diose? 10¿Xie' la chili arqui'lu nú tucutsia neca cuna Pa Diose nu li'inu tucutsia necanu cuna li'á la? Bee bedichia' nú rnia la necane elliebacutsia sino que Pa Diose, enu nzunu li'á, li'inu necanu enu rri'i lunú rri'á. 11Uchili arqui'hua nú li'á nzunua Pa Diose, nu li'inu nzununu li'á, tunu la chili arqui'hua, uchili arqui'hua li'á equie beenú rri'á. 12Li'á nia luhua nú enu nzeli arqui' li'á, le'ca ri'i nze'e beenú rri'á, nu ri'i nze'e beenú llenesca'lá neca, lunú nzia'la elu nzucu Pa Diose. 13Nu ye nú nacu'hua lu Diose equie cuendaa li'á liquine. Para nú equie cuenda' lli'ñinu acachee poder nú rlu'cu Pa Diose. 14Xitse nú nacu'hua lu Diose equie cuendaa, li'á liquine. 15’Tunu li'ihua secahua li'á, zu'cuhua stichia'a. 16Nu li'á nacua lu Pa Diose para nú xe'lanu stucu enu du' ana arqui'hua nu ya'nalínu cuna li'ihua. 17Li'inu necanu Espíritu Santo enu rni nú neli neca, bee bene enu laca bee benea leca modo yucu arqui'beei li'inu. Xne la lañi' beei li'inu nu la chulu beei li'inu. Pero li'ihua nu'luhuanu xne nzunu cuna li'ihua nu ya'nalínu arqui'hua. 18La tsa'na zaquia li'ihua, nzela zeca luhua. 19Lacaxea' la lañia' bee bene enu laca bee benea li'á, pero li'ihua lañi'hua li'á. Nu tucunú rlu'cua elunehuañi, le'ca scua lu'cuhua elunehuañi. 20Bichia nú yucuhua Espíritu Santo ri'ihua beya' nú tucutsia necaa cuna Pa Diose, nu tucutsia necahua cuna li'á, nu tucutsia necaa cuna li'ihua. 21Enu rdu' equie stichia'a nu sucu'e, nze'e rlube' nú neli seca li'á. Nu enu seca li'á zeca Pa Diose nze'e, nu le'ca zecaa nze'e, nu lubea lu nze'e nú ti necaa. 22Chequie Judas (enu laca Judas Iscariote) uni lunu: ―Detá, ¿xiquie nú lutsiaru lube'lu nú ti necalu? Nu la lube'lu nú ti necalu lu beelá bee bene iliulabe. 23Che ucuaqui Jesuse nú uninu: ―Enu seca li'á sucu' stichia'a, nu Paa Diose seca nze'e, nu Paa nu li'á nzelaru para nú huañiru cuna nze'e. 24Enu la zeca li'á, la zucu' nze'e stichia'a nu bee bedichia' nú riene'hua rnia lacane stichia'a, stichia' Paa Diose enu uxe'la li'á necane. 25’Rnia ye bee nucua' luhua diquila nú nzusca'a cuna li'ihua; 26pero Espíritu Santo enu xe'la Paa Diose equie cuendaa, li'inu du'nu ana arqui'hua nu zete'nu li'ihua yeene, nu ellu'cu arqui'nu li'ihua ye beenú unila luhua. 27Chenu nzia'la liquia nú nzuxe arqui'hua, nu li'á la nitsiane tucu nú rni bee bene iliulabe xne li'á neli liquine luhua. La chenu arqui'hua nu la lliquihua. 28’Ubene'la'hua nú unia nú nzia'a pero benchila' zecaa luhua. Tunu neli nú secahua li'á, ñia atsu arqui'hua chenu unia nú nzia'a lu Pa Diose, xne li'inu rnibiya'nu lua. 29Rixiule'exula nucua' luhua nee para nú chenu acane chili arqui'hua li'á. 30’La nia'a huaxilá bee bedichia' luhua, xne nze'tala enu rnibiya' lu iliulabe quie'. Añinzuca nú la nibiya' nze'e lua, 31pero rqui'ña nú acane scua tucu nú rqui'ña nú acane, para nú ri'i bee bene iliulabe beya' nú li'á se'ca Pa Diose, nu rri'á lunú unibiya'nu ri'á. Utsulihua ne cha'ahua.

will be added

X\