Gálatas 5

1Jesucristo utsila'a lia'ahua para nú la nibiya' ley lua'ahua enze'e utsuta' arqui'hua nu la zela'hua acahua stucu bese xi neca esclavo equie nú rri'ihua nú rnibiya' ley. 2Li'á Pablo nia luhua: Tunu li'ihua aquie seña nú rnibiya' ley nú quiehua lecaxi zibi' nú nzeli arqui'hua Jesucristo che. 3Nu li'á rni zeca luhua: Titse bene enu quie señacua' cuerpo' rqui'ña nú ri'illa ye nú rnibiya' ley. 4Li'ihua enu rri'i elliebacu' nú lunú sucu'hua nú rnibiya' ley che la lu'cuhua dula lu Diose. Nucua' rri'i nú laca'hua bene' Jesucristo nu ni' la lu'cu cuenda'hua eluseca' Diose. 5Pero lia'ahua equie cuenda' Espíritu Santo, nu lunú nzeli arquia'ahua Jesucristo nzucu lua'ahua nú riña'ahua lu Diose sin nú lu'cua'ahua dula. 6Xne chenu neca tucunecatsela bene cuna Jesucristo lecaxi sibi' nú nequie seña bene urre la nequie seña bene. Lunú mase sibi' neca nú nzeli arqui' bene Jesucristo nu lunú nzeli arqui' bene rlucu bene eluseca, che nu' modo nehuañi nze'ca bene. 7Li'ihua nzeli nze'ca arqui'hua. ¿Nu ti uni luhua nú lá ri'i casoa'hua lunú neli neca? 8Xne elliebacu'cua' la ye'ta lu Diose xne li'inu ucañilanu li'ihua para li'inu. 9Enze'e ubi'yahua li'ihua xne canu terratutsia nu' modo zequienu bee bene yehua. 10Pero li'á nzuta' arquia lu Jesucristo, nú la chiecu' arqui'hua Stichia' Diose nú uzetelahua. Nu Diose dete' castiya bene enu sequienu li'ihua lecaxi ri'i nú ti neca nze'e. 11Tunu li'á rnisca'lá luhua nú rqui'ña nú quie seña bee bene, ¿xie' tiliaca' bee bene Israel li'á nu útibeei li'á chela? Nu tunu nia nú quie señacua' bee bene neca nucua' nú lecaxi zibi' nú unguti Jesucristo lu cruse che. 12¡Ala' nú bee bene enu rri'illi'bi arqui'hua rni nú rqui'ña nú quiee, señahua ala' nú li'i e'cubeei chiecu'lí beei elunecachi'beei! 13Xne la nibiya' ley luhua, nu la neca equie cuenda' nú la nibiya' ley luhua nú ri'itsiahua lunú niarqui'hua, sino que uzecahua bee sa'hua nu uri'ihua elietsa lubeella. 14Xne tunu sucu'la bene tucu mandamiento nú rni: “Uzeca sa'lu tucu nú secalu li'ilu”, che sucu'la bene yenú rnibiya' ley' Diose. 15Pero tunu li'ihua rana arqui'hua sa'hua nu rliunuhua sa'hua xi rri'i bee nañi ubi'yahua li'ihua xne canu ri'i nucua' nú le'esa'hua. Uhuañihua tucu nú niarqui' Espíritu Santo nú huañihua. 16Enze'e nia luhua, uhuañihua tucu nú rnibiya' Espíritu Santo luhua nú huañihua. Nu scua la huañia'hua lunú necha neca nu' elliebacu'hua. 17Xne lunú nehuañi bene lunú nechá neca nu' elliebacu' bene, lacane tucu nú rnibiya' Espíritu Santo nú huañi bee bene. Nu tucu nú rnibiya' Espíritu Santo nú huañi bee bene, lacane tucu nú niarqui' bee bene nú huañilla. Ni' tucue nu ni' stucue la uya' sa'e nu laca igualee, enze'e lia'ahua leca modo huañia'ahua tucu nú niarqui'tsia'ahua. 18Pero tunu Espíritu Santo neca enu rnibiya' luhua che la nibiya' ley luhua. 19Neequie achee neca nú necatsia elliebacu' bee bene: Necane eluhuexe nu beenú lecaxi zibi', nu yelu clasia' bee biciu. 20Nu rlu'cu beei ula'na lubeenú seca beei nú neca diose nu rdu' ixiu beei sa'beei, nu rliubeei, nu neyi' rcua'a beei. Nu terratutsia rlebeei, nu rri'ibeei nú rle'e sa' bee bene, nu le'ca rlu'cubeei bee bene'beei, 21ria arqui'beei, nu ruuti beei bene nu necabeei uniqui, nu racu xeta' beei, nu nu' beelá beenú iguale sa'bee nucua' rri'ibeei, ni zeca luhua stucu bese tucu nú unila luhua ante, bee bene enu rri'i scua leca modo chu'u liñibe elurnibiya' Diose. 22Pero lunú rliqui' Espíritu Santo neca nú zeca bene sa'bene, nú ñia tsu arqui' bene, nu la huañi bene cuna xuu, nú lu'cu bene paciencia, nú ñia ri'i bene lusa' bene nu ri'i nze'ca bene lusa' bene nu tsa'alu bene stichia'bene, 23nu aca lle'na arqui' bene, nu ri'illa ana lu elliebacu' nú necha neca, nu leca ni' tucu ley nú cá nú ri'i bee bene bee nucua'. 24Nu bee bene enu necala bee bene' Jesucristo para li'ibeella neca xi neca nú ungutila yebee nucua', cuna yebeelá beenú nechá neca xne ungutila Jesucristo lu cruse equie cuenda' ye dula. 25Nu nee nú nzu Espíritu Santo cuna lia'ahua rqui'ña nú huañia'ahua tucu nú rnibiya'nu nú huañia'ahua. 26La aca nelliña'ahua nu la ria'ahua nú le bene lu sa' bene, nu la yea arquia'ahua lubee sa'ahua.

will be added

X\