Efesios 5

1Scua tucu nú necalahua lli'ñi Diose enu secanu, ula'nahua nú ri'ihua tucu nú rri'inu. 2Huañi nze'cahua, uzecahua bee sa'hua tucu nú seca Jesucristo lia'ahua nú udete' cuendanu li'inu nú ungutinu equie cuenda'ahua, nu unganu xi neca tucu u'na nú ñia rlia para Diose. 3Li'ihua enu necala bee bene' Diose, la tsu neyi'hua nu ni' la yala nihua bee bedichia' nú necha see, cuna yelu beenú lecaxi zibi'. 4La nihua bee bedichia' nú necha see, ni' bee bedichia' nú lecaxi zibi' nu bee bedichia' nú la yala nihua, xne la neca nze'ca bee nucua'. Mejora ude'tehua che'tsa lu Diose. 5Xne nediya'la'hua nú bee bene enu nehuañi lu eluhuexe, nu bee enu rri'i nú necha neca, nu bee enu neyi' rcua'a nu niarqui' lu'cu huaxi beenú lu'cu, máse seca beei bee nucua' luquelá Diose, leca modo chu'u bee nze'e elurnibiya' Jesucristo nu Diose. 6La zelahua nú ti zequienu li'ihua cuna bee bedichia' nú lecaxi zibi', xne equie beenú lecaxi zibi' cua' nze'ta castiya' Diose lubee bene enu la zucu' stichia'nu. 7Enze'e la ri'ihua tucu nú rri'ibeei. 8Ante uhuañihua xi neca bene enu necabe elliebacu', pero nee lunú neca tucu necatselahua cuna Jesucristo enu neca ellie'e luhua. Enze'e uhuañihua xi nehuañi bee bene enu nzenala ellie'e cua', 9xne lunú nzenala bee bene ellie'e cua', che rri'illa nú neca nze'ca, tucu nú rialane nu tucu nú neli neca. 10Ucua'nahua nú ri'ihua tucu nú riu' arqui' Diose. 11La ri'ihua beenú la zibi' nú rri'i bee bene enu necabe nzu elliebacu', sino que uni'hua lubeei para nú ri'ibeei beya' lunú rri'ibeei. 12Xne hasta rtu'bene ni lunú rri'i a'chi'beei. 13Pero equie cuenda' stichia' Jesucristo chu ri'ibeei beya' lunú rri'ibeei. 14Xne equie cuenda' stichia'nu rri'i bee bene beya' yeene. Enze'e rni lu ichi' Stichia' Diose: Ude'te' ellie'e li'ilu enu nza inziu nú necha neca, utsana' arqui' stulalu che xa'la Jesucristo elliebacu'lu. 15Enze'e ubi'yahua xa nehuañihua, xne la neca nú lia nehuañihua sino que ubi'yahua xa nehuañihua. 16Diquila nú nehuañihua la zelahua nú lia xle'e dete bee bichia'hua, uhuañihua tucu nú riala huañihua, xne tiembu quie' necha nehuañi bee bene. 17Enze'e la huañihua lunú necatsia elliebacu'hua, sino que ucua'nahua nú ri'ihua beya' xa niarqui' Diose nú huañihua. 18La lluchi'hua, xne elu xuchi' cua' rnitilu bene, mejora uzelahua nú nibiya'li Espíritu Santo luhua. 19Uni'hua lubee sa'hua bee Salmo, cuna bee himno, cuna bee canto nú neca para Diose, nu diquinu' arqui'hua ula'hua nu uzu'cu' ayahua Diose. 20Nu equie cuenda' Jesucristo ude'tehua che'tsa lu Pa'ahua Diose ye bichia equie ye beenú rri'inu lua'ahua. 21Uzu'cu'hua nú rni bee sa'hua equie nú rlu'cuhua ula'na lu Jesucristo. 22Nu li'ihua bee una'a enu nechia uzu'cu'hua nú rni bee niyu'hua, tucu nú sucu'hua nú rni Jesucristo. 23Xne niyu rnibiya' lu una'i, tucu nú rnibiya' Jesucristo lubee bene enu nzeli arqui' li'inu, li'inu enu utsila'a li'ibeei. 24Nu le'ca scua tucu nú sucu' bee bene enu nzeli arqui' Jesucristo stichia'nu, le'ca scua bee una'a enu nechia rqui'ña nú zucu'hua nú rni bee niyu'hua tucu nú rialane. 25Le'ca li'ihua bee niyu enu nechia uzecahua bee una'hua, tucu nú seca Jesucristo bee bene enu nzeli arqui' li'inu, nu hasta ungutinu equie cuenda'beella. 26Para nú uquieenu li'ibeella lu cuenda' stula beella. Uquieenu li'ibeella equie cuenda' stichia'nu nu cuna equie cuenda' elu rrinza, 27para nú ñia naa beella riña beella lunu nu lecaxi na beella, sin ni' tucu equiya nu ni' xitse stucu bee dula, sino que lecalí xi naa beella sin dula. 28Le'ca scua bee niyu enu nechia rqui'ña nú zeca beella una'a beella, tucu nú seca beella li'ibeella. Nu enu seca una'a seca le'ca li'i. 29Xne ni' tucu bene la chana arqui' le'catsia li'i, sino que rebaculla li'illa nu ri'yalla li'illa, tucu nú rri'i Jesucristo cuna lia'ahua enu nzeli arqui' li'inu, 30equie nú neca tucu necatse'ahua cuna li'inu. 31Enze'e tucu nú rni lu ichi' Stichia' Diose: “Tsa'na niyu pa'lla cuna na'lla para nú aca tucutsialla cuna una'lla, nu rucu beella aca beella xi neca tucutsia bene.” 32Chiqui' neriña' nú ri'i nze'ca bee bene beya' bee bedichia' quie', pero rniine xne le'ca scua neca Jesucristo cuna bee bene'nu. 33Nee bee niyu uzecahua bee una'hua tucu nú secahua li'ihua, nu li'ihua bee una'a ulu'cuhua ula'na lubee niyu'hua.

will be added

X\