2~Juan 1

1Li'á enu rnibiya' lubee sa'ahua enu nzeli arquia'ahua Jesucristo, rquie'a carta quie' luhua li'ihua enu ucañila Diose, li'ihua enu nzeli arqui' Jesucristo enu rni nu neli neca. Li'á neli se'ca li'ihua nu laca tucutsia li'á se'ca li'ihua, le'ca seca ye bee bene enu nzeli arqui' Diose li'ihua. 2Li'á se'ca li'ihua xne nchiñi Stichia' Diose arquia'ahua nu siempre nehuañine cuna lia'ahua. 3Pa'ahua Diose cuna Lli'ñinu Jesucristo, ri'inu nu cha nze'ca lu cuenda'hua nu hua'a arqui'nu li'ihua cuna nu liqui'nu nú nzuxee arqui'hua, xne nzequieehua stichia'nu, nu li'inu secanu li'ihua. Diose rnibiya' nú zeca'ahua bee sa'ahua. 4Chiqui' ñia utsu arquia chenu ungabiya nu nu' bee sa'lu enu neli nzequie Stichia' Diose, nu nehuañi beella tucu nu rnibiya' Pa'ahua Diose. 5Tucu nú se'ca li'ihua, ye bee enu neca sa'ahua ziquia luhua nu rqui'ña nu zecahua bee sa'ahua. Nu lunú rnia luhua nee la necuqui necane, le'ca li'i mandamiento quie' neca nú ubene'la'hua hasta chenu uquixie nú ubene'hua Stichia' Diose. 6Tunu se'ca'ahua Diose rria'ahua tucu nu rnibiya'nu; nu lunú rnibiya' Diose nú ubene'ahua desde chenu uquixie nú ubene'ahuane necane nu rqui'ña nú zeca'ahua bee sa'ahua 7Rquie'a bee nucua' luhua xne diqui lu iliulabe enzee huaxi bee bene enu sequienu bee bene, nu la chili arqui'beei nú ube'ta Jesucristo lu iliulabe xi neca tucu bene. Nu bee enu rri'i scua sequienu beei bee bene, nu li'ibeei neca beei enu rri'i condra Jesucristo. 8Ubi'yahua li'ihua para nu la nitihua lunú rialahua, equie nu rri'ihua lunú niarqui' Diose. 9Tatse bene enu sucu' equielá tucu nu uzete' Jesucristo bee bene, li'illa la nehuañilla cuna Diose, pero enu nzequie stichia' Jesucristo tucu nu uzete'nu bee bene, li'illa nehuañilla cuna Diose nu cuna Lli'ñinu. 10Tunu nu' enu rriña ni'hua para nu zete' nze'e li'ihua tucu nu nzeli arqui' nze'e nu la necane tucu nu uzete' Jesucristo bee bene, la du'hua nze'e liñi ni'hua nu la ri'ihua caso lunú rni nze'e. 11Xne bee bene enu rri'i caso stichia' bene cua' neca conformella lunú sequienu bene cua' bee bene. Último bedichia' nú rni lu carta quie'. 12Huaxi beenú niarquia nia luhua, pero la niarquia nu quie'ene lu carta. Nzuquia nú nzela bi'ya li'ihua para nú li'i e'cua nia luhua, nu scua junto ñia tsu arquia'ahua. 13Bee bene enu ucañi Diose, li'ihua bee sa'a enu nzeli arquia'ahua Jesucristo enu nucua'a ca'a, xe'la beella saludo luhua. Amén.

will be added

X\