2~Corintios 9

1Nu nee equie cuenda' u'na nú rqui'ña nú dete'hua para nú ri'ihua elietsa lubee sa'ahua enu nzeli arqui' Jesucristo, la qui'ña nú nila nucua' luhua stucu bese. 2Xne li'á nediyaa nú chiqui' riu' arqui'hua ri'ihua elietsa. Nu hasta nú chiqui' ñia nzu arquia unia lubee bene Macedonia nú li'ihua bee bene acaya desde teliana niarqui'hua ri'ihua elietsa, nu casi ye bee bene lu iliu Macedonia uniarqui' beella nú le'ca ri'ibeella elietsa chenu ubene' beella nucua'. 3Enze'e uxe'laa Tito cuna xiucu bee sa'ahua para nú aca achee nú neli nú unia equie cuenda'hua lu cuenda' elietsa ze'e, para nú nucua'a tsiñiahua nú ri'ihua elietsa, tucu nú unila lubeella nú rri'ihua. 4Xne tunu nzelayua chiucu chuna bee bene Macedonia nu canú lluna'ru li'ihua nú lasca' quiete'sa'hua u'na cua' nu che acane diatu para li'á nu para li'ihua, equie confianza nú rlu'cua cuna li'ihua. 5Enze'e uri'á elliebacu' nú unia lu Tito cuna lu xiucu bee sa'ahua nú máse neca nze'ca nú riculu beella ye'tabi'ya beella li'ihua, para nú ri'ibeella elietsa luhua nú la'xuhua quiete'sa'hua elietsa nú unilá luhua para nú neca listulane chenu riñaa. Nu scua aca achee nú neli niarqui'hua ri'ihua elietsa, nu la necane nú sucu' quiyaru li'ihua nú ri'ihua scua. 6Li'á nia luhua nú bene enu rdu' lle'natsia nii le'ca esquie lle'natsia ula'cu riuculla nu bene enu rdu' huaxi nii le'ca esquie huaxi ula'cu riuculla. 7Cada tucuhua ude'tehua elietsa nú rri'ihua elliebacu' nú dete'hua, la dete'huane ala fuerza tunu la niarqui'hua nú dete'huane, xne Diose riu' arqui' bene enu ñia nzu arqui' rdete' xi rdete'. 8Nu Diose rlu'cu yee poder para nú ri'inu elietsa luhua para nú lu'cuhua yee lunú seca la'cha'hua para nú lecaxi zeca la'cha'hua nu para nú nu' modo ri'ihua elietsa lu yeene chenu riala ri'ihuane. 9Lu ichi' Stichia' Diose rni: Bene nze'ca, rri'i elietsa lubee bene enu nu' xi seca la'cha', nu leca xunga zañi' beella lunú rri'i nze'ca bene ze'e. 10Nu Diose enu rliqui' ebichi nú rdu'nii bee bene, li'inu ri'inu elietsa luhua nú xneca ri'ihua para nú lu'cuhua ye lunú seca la'cha'hua, para nú nu' beya' ri'iláhua elietsa lubee bene enu nu' xi secala'cha'. 11Che scua lu'culáhua ye clasia' eluxene nú liqui' Diose luhua para nú nzeri'iláhua elietsa lubee bene. Nu equie cuenda' elietsa nú liqui'hua nú uya'ru lubee sa'ahua enu nzeli arqui' Jesucristo, li'ibeella dete' beella che'tsa lu Diose equie cuenda' nucua'. 12Elietsa cua' la zibi'tsiae lubeella lunú xi rqui'ña beella sino que zibi'i lubeella para nú máse dete'lá beella che'tsa lu Diose. 13Equie cuenda' elietsa cua' ri'i beella beya' nú neli sucu'hua nú rni stichia' Jesucristo tucu nú nzeli arqui'huanu nu nihua bedichia' nze'ca lu Diose equie cuenda' nucua', nu lunú chiqui' nze'cahua ri'ihua elietsa lubeella cuna lubeelá bee bene enu seca elitsi. 14Nu le'ca nacu'beella lu Diose equie cuenda'hua, nu zeca beella li'ihua equie elliebacu' nze'ca nú uliqui' Diose luhua nú rri'ihua elietsa. 15¡Che'tsala Diose equie nú lia uliqui'nu lua'ahua hasta la llela'ahua xi nia'ahua equie cuenda' nucua'!

will be added

X\