2~Corintios 10

1Li'á Pablo, nia luhua nú nu' bee bene enu rni nú necaa tucu bene enu chiqui' nze'ca chenu nzua cuna li'ihua nu chenu nzucua'a istu la lliquia rqui'ya'hua rri'a. Pero le'ca scua tucu nú uni Jesucristo luhua bedichia' nú ñiá neca cuna bedichia' nze'ca nacua luhua nú chenu, 2nzelabi'ya li'ihua ala' nú la qui'ña nú qui'ya' chiucu chunahua ri'á, bee enu rni nú rri'iru lunú xelatsia arqui'ru xne la lliquia nia lubeella. 3Neli nú neca'ahua bene iliulabe pero la la'naru nú ri'iru ana equie cuenda' nú xelatsia arqui'ru tucu nú rri'i bee bene enu la chulu Stichia' Diose. 4Nu lia'ahua la la'na'ahua nú ria'ahua ana bee bene lunú necatsia elliebacua'ahua, lia'ahua rria'ahua ana bee bene lunú reca poder' Diose rri'i, poder nú reca rnitilu ye beenú necha neca. 5Nu cuna poder cua' ria'ahua ana luye nú xi rricu' quiya bee bene lia'ahua nu rria'ahua ana lu elulliñia nú rlu'cu bee bene nú rca nú chulu beella Diose. Che scua rnitilua'ahua ye clasia' bee elliebacu' bee bene nú necha neca para nú scua zucu' beella stichia' Jesucristo. 6Nu nellua'aru para nú niru lubee bene enu rri'i falta nú zucu' stichia' Jesucristo, chenu yelahua uzucu'hua stichia'nu. 7Li'ihua máse rri'ihua caso nú xneca rri'i bee bene. Tunu nu' bee bene enu rri'i elliebacu' nú neli necalla bene' Jesucristo, rqui'ña nú lu'cu cuendalla nú iguale neca'ahua bene' Jesucristo. 8Nu mase nú rnilaa luhua equie cuenda' elurnibiya' nú uliqui' Diose lua, la tua xne li'inu uliqui'nu elurnibiya'cua' lua para nú ri'á elietsa luhua, nú chenalaláhua stichia'nu nu lacane para nú ri'a nú nitiluhua. 9La ri'ihua elliebacu' nú niarquitsia chiquia arqui'hua cuna bee cartaa. 10Xne nu' bee enu rni nú chiqui' fuerte nu sin nú lliquia rnia luhua lubee carta nú uxe'la luhua, nu chenu nzua cuna li'ihua ni' la tsua xi su enu neca equie luhua, nu ni' nú niaa lacaa. 11Pero li'á nia luhua nú bee enu rni scua rqui'ña nú ri'i bee nze'e beya', nú tucu nú rniru luhua lubee carta'ru chenu nellua'aru istu, le'ca scua nu' beya' nú niru luhua chenu nellua'aru cuna li'ihua. 12Xne li'iru la ri'iru tucu nú rri'i bee enu sucu' aya le'catsia li'i. Nu ni'teme' la ri'iru elliebacu' nú ri'iru scua. Xne leca' elliebacu' bee enu sucu' aya le'catsia li'i, nu ri'yatsia beei nú xa necabeei ante lu beelá bee sa'beei. 13Pero li'iru la zucu' ayaru li'iru másela lunú riala acane, xne li'iru rnitsiaru lunú neli neca tucu nú unibiya'la Diose nú ri'iru, nu li'inu uzelanu nú uriñaru corinto elu uyuluru li'ihua. 14Enze'e la ri'ihua elliebacu' nu rdete' xe'taru lunú rnibiya'ru luhua, xi neca tucu bene enu lasca'li cha lachihua xne rlutiláru uriñaru lachihua para nú zete'ru li'ihua bedichia' nze'ca' Jesucristo. 15Nu li'iru la zucu' ayaru li'iru equie cuenda' riña' nú uri'i stucu bene. Pero li'iru nzuculuru nú másela nze chili arqui'hua, para nú nze ri'iláru elietsa'hua nú nze chululáhua lunú riala ri'ihua beya', tucu nú riala ri'iru. 16Che scua nu' modo nú nza'aláru lubee lá bee bene enza lulá lachihua para nú le'ca dixiule'eru bedichia' nze'ca' Jesucristo lubeella. Pero bee luhuare elu lecasca' ti quixie ixiule'e Stichia' Diose para nú la aca nelliñiaru equie riña' nú uri'i stucu bene. 17Tunu nu' bene enu niarqui' zucu' aya le'catsia li'i, nzalá nú zucu' ayalla Diose Pa liñibe. 18Xne la neca nze'ca nú zucu' aya bene le'catsia li'illa, sinoque máse neca nze'ca nú Diose zucu' aya bene.

will be added

X\