1~Tesalonicenses 5

1Nee bee sa'a enu nzeli arquia'ahua Jesucristo la qui'ñia nú nia luhua equie cuenda' nú xi bichia nu xunga aca bee nucua'. 2Xne li'ihua nediya' nze'ca'hua nú xi neca chenu tu'natsia rriña tucu huana' rula', scua aca bichia chenu riña zeca Jesucristo stucu bese. 3Chenu ni bee bene: “Nú yene nza nze'cae, lecaxi aca”, che tu'natsia riña nú nehuana zeca beella nu la tsila'a beella lu nucua', scua tucu nú tu'natsia rriña nú rlachi xla'cu una'a enu ala endu'. 4Pero li'ihua bee sa'a enu nzeli arquia'ahua Jesucristo, la chahua inziu nú necabe nzu para nú la na'tse bichia chenu riña zeca Jesucristo li'ihua, xi neca chenu rriña tucu huana'. 5Xne yehua nzequielahua ellie' Diose, yehua nzenalahua inziu'nu. La chenala'ahua inziu nú necabe nzu, nu le'ca la chenala'ahua inziu nú nechá neca. 6Enze'e la yala nú huañia'ahua xi neca tucu bene enu ra'tse, tucu nú rri'i beelá bee bene, sino que rqui'ña nú hua'ahua cala' lua'ahua nu ria'ahua lunú sibi'. 7Bee bene enu nzenala inziu nú nechá neca, neca beella xi neca tucu bene enu ra'tse, xi neca tucu bene enu xuchi', scua nzenala beella inziu nu necha neca. 8Pero lia'ahua enu nzenalala'ahua ellie' Diose, ye bichia rqui'ña nú huañia'ahua nu ria'ahua lunú sibi'. Bi'ya'ahua lia'ahua lunú nzu teneli arquia'ahua lu elu seca' Diose, nu tsuta' arquia'ahua lunú nzuculua'ahua nú utsila'ala Diose lia'ahua. 9Xne né bixia Diose lia'ahua para nú liqui'nu castiya lua'ahua, sino que ubixianu lia'ahua para nú tsila'ahua equie cuenda' Jesucristo enu rnibiya' lua'ahua. 10Li'inu enu unguti equie cuenda'ahua para nú mase nú nehuañia'ahua urre mase nú ungutila'ahua chenu nze'ta zecanu stucu bese, pero nzia'ahua huañia'ahua cuna li'inu. 11Enze'e udu'hua ana arqui' sa'hua nu uri'ihua elietsa lu sa'hua para nú másela nzeri'iláhua beya' lunú rri'ilahua. 12Bee sa'a enu nzeli arquia'ahua Jesucristo, nacu'ru nu ziquieru luhua, nú lu'cuhua ula'na lu bee bene enu sete' li'ihua Stichia' Diose. Li'ibeella enu sete' li'ihua nu rni bezete' luhua nú xneca chenalahua Jesucristo. 13Uri'i nze'cahua lubeella nu chiqui' uzecahua li'ibeella equie cuenda' riña' nú rri'i beella. Nu uhuañi nze'cahua cuna sa'hua. 14Le'ca nacu'ru luhua bee sa'a enu nzeli arquia'ahua Jesucristo nú qui'ya'hua bee bene enu nebichiu nu udu'hua ana arqui' bee bene enu rlacaquié lu Stichia' Diose nu uri'ihua elietsa lu bee bene enu lasca' tsuta' arqui' lu Stichia' Diose, nu utsuquie arqui'hua ye beella. 15Ubi'yahua nú la ri'ihua nú nechá neca lu bee bene enu rri'i nú nechá neca luhua, mejora aca nze'cahua lu bee sa'hua cuna lu ye bee bene. 16Ñia tsu arqui'hua diqui nú nehuañihua. 17Nu yee ye'e na'cuhua lu Diose. 18De'tehua che'tsa lu Diose equie cuenda' yeene, xne scua riu' arqui' Diose nú ri'ihua, li'ihua enu neca bee bene' Jesucristo. 19Uzelahua nú nibiya' Espíritu Santo luhua. 20La huachuhua nu rni bee bene enu rdete' Stichia' Diose lubee bene. 21Rluti uri'i nze'caxuhua beya' tunu neli ye lunú rni beella, nu ri'ihua lunú neca nze'ca. 22Uchiu'u chuhua lu ye beenú nechá neca. 23Nu Pa'ahua Diose enu rri'i nú nzuxe arquia'ahua ri'inu elietsa luhua para nú lecali xi na arqui'hua ante lunu. Nu li'inu acanu'nu li'ihua, cuna espíritu'hua, cuna diqui lunú necahua para nú lecali xi nahua bichia chenu riña zeca Jesucristo enu rnibiya' lua'ahua. 24Nu Diose ri'i scua, xne li'inu enu rixia lia'ahua para nú neca'ahua bene'nu, neli sa'alunu stichia'nu. 25Bee sa'a enu nzeli arquia'ahua Jesucristo, una'cu'hua lu Diose equie cuenda'ru. 26Uri'ihua saludar ye bee sa'ahua enu nzeli arqui' Jesucristo nu uchi'chihua li'ibeella. 27Nu equie cuenda' Jesucristo nibiya'a luhua nu nia luhua, nú ulahua carta quie' lu ye bee sa'ahua enu nzeli arqui' Jesucristo. 28Nu Jesucristo enu rnibiya' lua'ahua ri'inu nú cha nze'ca lu cuenda'hua.

will be added

X\