1~Tesalonicenses 4

1Nee bee sa'a enu nzeli arquia'ahua Jesucristo nacu'ru nu zequieru luhua equie cuenda' Jesucristo enu rnibiya', nu scua tucu nú nehuañihua nee tucu nú uzete'laru li'ihua nú huañihua para nú ri'ihua tucu nú niarqui' Diose, másela uyanalahua nú huañihua tucu nú niarqui' Diose nú huañihua. 2Xne li'ihua nediya'la'hua ye nú unibiya' Jesucristo luru nú niru luhua nú ri'ihua. 3Lunú niarqui' Diose necane nú huañihua sin dula nu la ri'ihua eluhuexe. 4Nu cada tucuhua uri'ihua beya' xa huañi nze'cahua cuna una'ahua urre niyu'hua tucu nú rnibiya' Diose cuna ula'na. 5La lu'cuhua una'hua para nú ri'ihua bee elliebacu' nú nechá neca, nu ni' beenú necha neca riu'u ana arqui'hua rri'ihua, xi rri'i bee bene enu la chulu Diose. 6Le'ca ni' tucuhua la yala nú detehua lunú xitse ri'inuhua bee sa'hua nu la zequienuhua sa'hua xne Diose Pa'ahua dete' castiya ye bee bene enu rri'i scua tucu nú unilaru nu udixiule'elaru luhua. 7Xne né bixia Diose lia'ahua nu neca'ahua bee bene'nu para nú nechá huañia'ahua, sino que para nú huañia'ahua nú leca xi na'ahua lunu. 8Enze'e bee enu la ri'i caso lunú unilaru luhua, la necane nu lu bee bene iliulabe la ri'i casolla, sino que Diose neca enu la ri'i casolla. Li'inu enu rliqui' Espíritu Santo lua'ahua. 9Nu nee lunú xa riala zecahua bee sa'hua la qui'ñia nú nilá luhua lu cuenda' nucua' xne le'ca li'ihua ungalahua equie cuenda' Diose nú xneca riala nú zecahua beelá bee bene. 10Nu nucua' neca lunú rri'ihua cuna ye bee sa'hua enu nzeli arqui' Jesucristo enza Macedonia. Pero nacua nu zequiaa luhua nú másela zecaláhua bee sa'ahua. 11Le'ca ula'nahua nú huañihua nú nzuxe arqui'hua, uzu'cu'luhua riña'hua, tucu nú unilaru luhua nú ri'ihua riña', 12Para nú huañi nze'cahua lu bee bene enu la chili arqui' Jesucristo nu para nú leca xi zecala'cha'hua. 13Nee bee sa'a enu nzeli arquia'ahua Jesucristo, la niarqui'ru nú huañihua sin nú ri'ihua beya' equie cuenda' bee bene enu unguti para nú la nehuana nzu arqui'hua xi rri'i bee bene enu la chili arqui' Jesucristo. 14Tucu nú nzeli arquia'ahua nú unguti Jesucristo nu uhuañi zecanu stucu bese, le'ca nzeli arquia'ahua nu bee enu ungutila nu nzeli arqui' Jesucristo, le'ca ri'i Diose nú huañi zeca beella equie cuenda' Jesucristo. 15Enze'e tucu nú nediya'la'ahua stichia' Jesucristo, li'iru niru luhua nú ye bee bene' Jesucristo enu nehuañisca' chenu nze'ta zecanu stucu bese, la zuculu beella lu bee bene'nu enu ungutila. 16Nu bichia ze'e yene chi enu rnibiya' nú xneca aca, nu yene chi ángele enu rnibiya' lu ye bee ángele, yene chi trompeta' Diose. Nu enta Jesucristo enza liñibe nu rluti bee bene'nu enu ungutila huañi zeca beella stucu bese. 17Chequie bee sa'ahua enu nehuañisca' bichia ze'e yete' sa'ahua cuna bee bene enu huañi zeca, nu chu nzia'ahua enza liñibe leta xcabe elu lla'ca'ahua Jesucristo scua nzia'ahua huañilia'ahua cuna li'inu. 18Enze'e udu'hua ana arqui' bee sa'hua cuna bee bedichia' cua'.

will be added

X\