1~Tesalonicenses 3

1Enze'e chenu ullua'aru eyeche Atenas chiqui' niarqui'ru ri'iru beya' xa nucua'ahua, chequie uri'iru elliebacu' nú ya'na li'itsiaru ze'e. 2Nu uxe'laru sa'ahua Timoteo enu neca tucu sa'ahua enu rri'inuru riña' Diose nú rixiule'eru bedichia' nze'ca' Jesucristo lubee bene para nú du'lla ana arqui'hua nú tsuta' arqui'hua lunú nzelila arqui'hua Jesucristo. 3Para nú ni'tucuhua la lacaquiehua lunú nehuana secahua, li'ihua nediya'hua nú scua riala nú zeca'ahua. 4Chenu ullua'anuru li'ihua udixiule'eru luhua nú nze'ta nú chiqui' huaxi nú nehuana zeca'ahua, nu li'ihua nediya'hua nú scua ungae. 5Nu lunú chiqui' niarquia lañiahua che uxe'la Timoteo luhua para nú ri'á beya' xa nzenalahua lunú nzeli arqui'hua Jesucristo. Xne xiquia nú cá zequienu beze'lu li'ihua, nu che xle'e uri'iru lunú uri'iru. 6Pero nee nú ubenchila' Timoteo nú ube'tabi'yalla li'ihua, udixiule'ella luru nú nza nze'cahua lunú nzeli arqui'hua Jesucristo nu xneca secahua bee sa'hua. Li'illa rnilla nú yeye'e ñia nzu arqui'hua rellu'cu' arqui'hua li'iru nu chiqui' niarqui'hua nú ala' nú ulañi'la'hua li'iru nú secahua, scua tucu nú le'ca chiqui' niarqui'ru lañi'ru li'ihua. 7Enze'e, bee sa'a enu nzeli arquia'ahua Jesucristo añinzuca nú yelu nú se'caru nu chiqui' nehuana se'caru, pero chiqui' ñia nzu arqui'ru ubene'ru nú nza nze'cahua lunú nzeli arqui'hua. 8Nu nee másela xila' arqui'ru equie nú ungabiya'la'ru nú neli nzuta' arqui'hua nzenalahua inziu' Jesucristo. 9Enze'e hasta ni' la llela' arqui'ru xa dete'ru che'tsa lu Diose equie cuenda'hua equie nú chiqui' ñia nzu arqui'ru equie cuenda'hua lu Pa'ahua Diose. 10Bichia si rula' rnacu'ru nu sequieru lu Diose para nú zelanu nú nzelabi'yaru li'ihua, nu la'xuru niru luhua lunú rri'ilá nú ri'ihua beya' lunú nzeli arqui'hua Jesucristo. 11Diose Pa'ahua cuna Jesucristo enu rnibiya' ri'inu elietsa luru nú aca nzelabi'yaru li'ihua. 12Nu Jesucristo ri'inu elietsa luhua para nú másesca'lá nze zecahua bee sa'hua nu zecahua ye beelá bee bene tucu nú se'caru li'ihua. 13Jesucristo neca enu ri'i elietsa luhua nú tsuta' arqui'hua riñahua lu Diose sin dula nu lecaxi nahua, bichia chenu nze'ta zeca Jesucristo cuna ye bee bene'nu.

will be added

X\