1~Corintios 8

1Nee nialuhua equie cuenda' elubacu nú rdete' bene u'na lubee enu laca Diose, nu lia'ahua nediya'ahua xa neca equie cuenda' nucua', pero avese equie nú nediya' bee bene equie cuenda' nucua' reca nelliñia bene. Pero lunú seca bene sa'bene máse seca, xne equie elu secacua' rria'ahua elietsa lu sa'ahua para nú ri'ila'ahua beya' xneca huañia'ahua. 2Tunu nu' tatucu bee bene enu seca nú chiqui' reca ye nú reca, sequienulla le'catsia li'illa xne huaxisca'lá nú rri'i falta nú acalla. 3Pero Diose nediya' nze'ca' ta bene enu neli seca li'inu. 4Nia luhua xa neca equie cuenda' elubacu nú udete'la bene u'na lubee enu seca bee bene nú neca Diose, lia'ahua nediya'ahua nu la lu'cu bee diose cua' poder lu iliulabe quie', xne nu' tucutsia Diose. 5Mase nu' bee bene enu seca nú nu' huaxi bee diose enu rnibiya' liñibe nu luyuu iliulabe, 6pero lia'ahua nediya'ahua nú nu' tucutsia Diose Pa liñibe nu equie cuenda' li'inu nu' ye nú nu' nu para li'inu nehuañia'ahua lu iliulabe quie'. Nu tucutsia Jesucristo neca enu rnibiya' lua'ahua, xne equie cuenda' li'inu nu' ye nú nu' nu equie cuenda' li'inu rlu'cua'ahua elunehuañi. 7Pero laca ye bee bene rri'i elliebacu' scua. Xne nu' bee bene enu ulu'cu ula'na lubee enu seca beella nú neca diose ante nú chili arqui'beella Jesucristo, nu nee nú apenatsia uchili arqui' beella Jesucristo si' beella nú dula neca nú racu beella elubacu nú udete' beella u'na lubee diose cua'. 8Lia'ahua nediya'ahua nú la ri'i elubacu nú racu bene nú nehuañi nze'ca bene ante Diose, sino que iguale neca bene ante Diose, tunu acu bene urre la acu bene sa' clasia' elubacu cua'. 9Pero li'ihua nediya'hua nú mase nu' beya' nú acu bene xitse clasia' elubacu pero rqui'ña nú bi'yahua xne canu equie cuenda' nucua' ri'ihua nú zana' sa'hua enu apenatsia uchili arqui' Jesucristo lu dula. 10Tunu li'ilu lecaxi zecalu nú raculu xitse clasia' elubacu, nu nzuculu raculu elubacu nú rdete' bene u'na lubee diose enu laca diose, nu lañi' tucu bene enu apenatsia uchili arqui' Jesucristo nucua', che le'ca nuulla aculla elubacucua', mase secalla núla neca nze'ca lunú rri'illa. 11Che lunú secalu nú recalu, ri'i nucua' nú ri'i sa'lu enu apenatsia uchili arqui' Jesucristo dula, nu ulu'cu cuenda nú le'ca nuu equie cuenda'lla unguti Jesucristo lu cruse. 12Enze'e tunu rri'ilu scua ante bee sa'lu enu apenatsia uchili arqui' Jesucristo, nu ri'ibeella dula equie cuenda'lu, che dula neca nú rri'ilu ante Jesucristo. 13Enze'e tunu equie nú racua rri'i nú rri'i tucu sa'a enu nzeli arqui' Jesucristo dula, nzalá nú la acua'a bee elubacucua para nú la ri'i bee sa'a dula equie cuendaa.

will be added

X\