APOCALIPSIS 4

1Udi'di si irá nga la? biya dxie ne biiya zuxele ndaga ti puerta ibá', ne na dxa ridxi bina dia'ga ruluí' trompeta que, rabi naa: —Udxi'ba rarí', ulué lii irá ni chi aca ru'. 2Oraque pe dxá ladxiduá' de Espíritu Santu, ne biiya zuhuaa ti asientu raqué, ti trono ra ribí ni runi mandar, ne zuba tuuxa lú ni. 3Ne ruzaani ni zuba raqué casi ti guie jaspe o cornalina. Naguu ti arcu iris le' trono que, ruluí' guie esmeralda. 4Nuu trono que galahui de sti veinticuatro trono. Ne zuba ti binni gola lu cada trono, nacu lari quichi ne nuu corona de oro ique. 5Biree xpiaani rayu lu trono ni nuu galahui que, ne ucuá ridxi ne uxidxi rayu. Cá gui gadxe ndaa guiri bidxi nezalú trono que. Zeda gaca cani gadxe Espíritu sti Dios. 6Ne nexhe casi lapa nisa ra lu trono que, ruluí' espeju naya'ni'. Nuu tapa bultu nabani cue' trono que, tobi cada ladu, napa stale guielú nezalú ne neza deche. 7Primé que ruluí' ti lion ne rairopa que ruluí' yuze. Raguionna que napa lú binni, ne raidapa que ruluí' ti bisiá canapapa. 8Cada bultu que napa xhoopa xhiaa, cá guielú xaguete ne luguiá'. Ne idubi dxi idubi gueela cucaa ca ridxi: Tobi lucha Señor Dios ni jma nandxó',ni nuu yanna ne qué huayuu dxi guiaadxa', ne qué ziuu dxi guiaadxa'. 9Cusisaca ca ni zuba lu trono que, ni qué ziuu dxi gati', ne cudii ca diuxquixe laabe. Cada guni ca ni, 10ruzuxibi idubi veinticuatro binni gola que nezalú ni zuba lu trono ni qué ziuu dxi gati que. Ne riguixhe ca corona stica nezalú be, ne na ca': 11Señor Dios stidu, lii siou' nga naquiiñe udxi'ba du ne usisaca du ne iní du nandxó' lo'. Purti lii bizá' lu irá xixé ni nuu. Uyá' ni ne nuu ru ni purti nga ni na lu'. Ra qué idxela gá cabe tu uxhele gui'chi'

will be added

X\