SAN MATEO 11

1Ne biluxe gudxi si Jesús ca discípulu que xi naquiiñe guni ca la? biree de raqué ze', ziusiidi ne zigüí stiidxa Dios ndaani xquidxi irá cabe. 2De ra yeguyoo Juan Bautista gunna de irá ni cayuni Cristu, para biseenda chupa discípulu su ra nuu be. 3Ne ora yenda ca ra nuu be, na ca rabi ca laabe: — Na Juan pa lii nga ni nexhe gueeda o pa zabeza du stobi. 4Para rabi be laaca': — Lachitidxi Juan irá ni cayuuya tu ne ni cayuna diaga tu. 5Lagüí' né laabe ma riná cani nacheepa lú, ma rizá cani nachiita ñee, ma bianda cani gupa lepra, ma runa diaga ca diaga cuaata', ne ma bibani cani ma guti, ne ma cayuna diaga ca pobre stiidxa Dios. 6Dichoso cani guni ere Dios biseenda naa. 7Biree si cani biseenda Juan que, bizulú Jesús bizeete laabe lú ca binni que, ne na rabi laacabe: —Tuu nga yeguuya tu ndaani gui'xhi chiqué. Ñee yeguuya tu tobi ni ruluí' ti gueere lase ni runiibi bi laa ladu na la? 8Pa cadi nga la? tuu nga yeguuya tu. Ñee yeguuya tu ti hombre zuchaahui la? Co' nja', purti ni zuchaahui zadxela tu laa ndaani lidxi rey. 9Tu pe nga yeguuya tu ya'. Ti profeta la? Nga nga laani, ne jma que ti profeta. 10De laabe nga ruzeete Xqui'chi Dios ra na: Zuseenda ti xpinne sa niru lú lu' para guni chaahui neza tidi lu'. 11De lade irá binni, qué huaree tobi jma nandxó' que Juan Bautista, perú nuu tu jma nandxó' que laabe ne nga nga tutuca guiuu lade ca xpinni Dios, ñeca huaxié' laa. 12Dede dxi beeda Juan ma cadale xpinni Dios ndaani guidxilayú, ne cayuuya ca stale enda nandxó' stibe, perú laca stale tu racala'dxi gaca xpinni be perú modo na, cadi modo na be. 13Ma xadxí uní' ca profeta ne laca cá ni lu ley sti Moisés zadxiña dxi gu'ya binni gaca irá ni cayaca yanna ri'. 14Ne pa na tu guiene tu ca diidxa ri la? ziene tu Juan nga Elias ni uní' ca profeta que gueeda. 15Tu racala'dxi guiene la? gucaa diaga. 16Tu zanda gusaca ca binni nuu yanna ri'. Rusaca laacabe casi xcuidi ni ribí luguiaa ne rucaa ridxi xcompañeru: 17"Bixhidxi du saa perú qué nina tu nuyaa tu, ne bixhidxi du son gue'tu ne laca qué nina tu ñuuna tu." 18Zacá ca runi ca binni ri', purti beeda Juan, ne buya cabe qué ño ne qué ñe', para na cabe nuu né be binidxaba'. 19Yanna ma benda lade cabe. Naa nga Hombre Biseenda Dios, ne ruuya cabe rahua ne ree', ne ma na cabe nalaya ne binigüé' naa, ne ridxaaga ca malu ni ruquixe impuestu ne cani qué rulabi ley. Peru casi na dichu que: "Pur ni runi binni rihuinni tu laa." 20Oraque bizulú Jesús gudinde né ca binni de ca guidxi ra jma uzá, purti qué nina ca ninaba ca perdón Dios ñeca buya ca irá milagru ni bi'ni be. 21Na be rabi be laaca': — Laguuya gá laatu, binni Corazín ne binni Betsaida, purti nabé huahuinni enda nandxó' sti Dios lade tu, peru naguidxi ru ladxidó' to. Pa ñaca nizaya ñune milagru ndaani guidxi Tiro ne ndaani guidxi Sidón bia' ma bine ndaani xquidxi tu ca la? biaa padxí ma ninaba ca perdón ne ñuu ca triste pur irá ni huachee ca'. 22Gabe ca' laatu, dxi cuidxi Dios cuenta binni guidxilayú la? jma zusaba ná laatu que ca binni de Tiro ne de Sidón. 23Ne laatu, binni Capernaum ca', laatu cabeza tu usisaca Dios laatu, peru jma pe nagueenda guseenda be laatu ra nuu binidxaba'. Purti pa ñaca ñuuya binni Sodoma ca milagru ni ma buya tu ca la? ma nusaana ca de nuchee ca' ne ma qué nunitilú Dios laaca'. 24Peru gabe ca' laatu, dxi cuidxi Dios cuenta binni guidxilayú la? jma zusaba ná laatu que ca binni de Sodoma. 25Oraque uni' né Jesús Dios, na: —Bixhoze', lii nga runi mandar lu ibá' ne guidxilayú. Rudiee diuxquixe lii purti cucaachi lu ni cayuni lu ri' para cadi guiene cani nuu xpiaani ne cani na riene, perú culuí' lu ni cani zeda gaca casi ba'du'. 26Ne zacá cayuni lu ni purti zacá guyuula'dxi lu gaca ni. 27Oraque rabi be ca binni que: —Ma gudixhe Bixhoze irá xixé cosa ladxi naya'. Naa nga Xiiñi be ne iruti runibiá' naa jma que laabe, ne zaqueca iruti runibiá' laabe jma que naa ne cani racaladxe gunibiá' laabe. 28Lata' ra nuaa irá ni ma bidxaga de cuy ubi modo guia ladxidó', cani ma qué ganda guni irá ni rucaa cabe laa guni, purti para laa ruluí' naguixhe cabe ti ayubu xa yanni. Lata' ra nuaa', zaziila'dxi ladxidó' to. 29Laudxiiba ayubu stinne xa yanni tu purti nasisi ni, cadi nanaa ni casi ni nua tu ca. Laudii lugar usiide laatu purti qué zaca nia laatu naduxhu' ne qué zadinde nia laatu.

will be added

X\