HECHOS 23

1Oraque biiya dxí be ca justicia ne rabi be laaca': —Biche ca', dede nagasi huazaya jneza, ne nayá ladxiduá' nezalú Dios. 2—Lacapa ruaa be racá, na Ananías sacerdote gola, rabi cani nuu gaxha de laabe que. 3Para rabi be laa: —Lii ru'nu siou' lii nacha'hui peru cadi dxandí ni. Laca zusaba ná Dios lii. Zubu racá para udxiibu donda ique pa bichee nia ley. Peru laga lii cuchee neu ley purti cayuni mandar lu capa cabe ruaa'. 4Oraque na cani nuu raqué rabi laabe: —Zacá nga icabi ruaa lu sacerdote gola sti Dios la? 5Para rabi be laaca': —Biche ca', pa ñanna sacerdote gola laabe la? qué ninié zacá, purti cá lu Xqui'chi Dios: “Cadi cu' dí lu ni naca xaíque ndaani xquidxi lu'.” 6Ne ora bi'ya be nuu caadxi saduceu raqué ne caadxi fariseu la? uní' be reciu nezalú justicia que, na be: —Biche ca', naa fariseu naa, xiiñi fariseu. Caguu cabe xqueja purti si rune cre zabani gue'tu'. 7Ra uní' be zaqué uyuu dinde ca fariseu ne ca saduceu ne undaa saa ca'. 8Purti ca saduceu na qué zabani gue'tu' ne cadi dxandí nuu ángel nin espíritu. Peru ca fariseu na dxandí nuu irá ni. 9Oraque uca ti ruidu raqué ne biasa caadxi maistru de ley ni za lade ca fariseu, na ca': —Qué ridxela du gasti ni cadi jneza luguiá hombre ri'. Laga pa huandí espíritu o ángel huaní' né laabe ya'. Cadi galán ucá' lú nu Dios. 10Biiya si xaíque que jma rusi zirooba enda ridinde que, bisenda caa soldadu para cuee laabe lu ná cabe, cu' laabe ndaani cuartel, purti cadxibi gueda uxuuxe cabe laabe. 11Sti gueela que bizuhuaa Señor lú be na rabi laabe: —Cadi idxibi lu, Pablu. Cásica byuí' lu stiidxa Jerusalén zacaca naquiiñe g:ui lu ni Roma. 12Sti dxi que uní' stiidxa caadxi judíu na ca': —Gunidé Dios laanu pa idó' no ne idé' nu ante guuti nu Pablu. 13Jma de cuarenta cabe uní' stiidxa cabe zacá. 14Uyé cabe ra nuu ca xaíque sti ca sacerdote ne ca xaíque sti guidxi, ne rabi cabe laaca': —Ma uní stiidxa du gunidé Dios laadu pa idó' do ante guuti du Pablu. 15Laatu lausenda tidxi xaíque sti ca soldadu useenda laabe ra nuu tu casi ñaca racala'dxi tu ganna tu jma de laabe. Laadu ma cabeza du laabe neza para guuti du laabe. 16Peru beda ganda diaga xiiñi ti biza'na be ni, para yetidxi ni laabe ra cuartel. 17Oraque guridxi be ti capitán rabi be laa:”Yené hombre huiini ri ra nuu xaíque, purti napa be xiixa gabi be laa. 18Para ucuaa Capitán que hombre huiini que yené ra nuu xaíque, na: —Guridxi dxa presu lá Pablu que naa. Unaba gueda nia hombre huiini ri ra nuu lu', purti napa xiixa gabi lii. 19Para unaaze xaíque que ná hombre huiini que, biree né laa ti ladu, ne na: —Xii nga napu ga'bu naa. 20Para rabi laabe: —Ma uní' stiidxa ca judíu inaba ca lii chinéu Pablu ra nuu justicia ixí', casi ñaca racala'dxi ca ganna ca jma de laabe. 21Peru cadi guni cre lu laacabe, purti jma de cuarenta cabe cabeza cabe laabe neza. Ma uní' stiidxa cabe gunidé Dios laacabe pa go cabe o gue cabe ante guuti cabe laabe. Ma cabeza si cabe xi na lu'. 22Oraque na xaíque que rabi hombre huiini que: —Uyé yanna ne qué chi tidxu iruti pa ma beda tidxu ni naa. 23Para guridxi xaíque que chupa capitán ne bini mandar cu' cabe listu chupa gayuaa soldadu ne setenta ni dxi'ba mani' ne chupa gayuaa ni naaze lanza, para che ca Cesarea huaxhinni que bia' las nueve. 24Ne guni chaahui ca mani quiba Pablu. Chi saana ca laabe ra nuu gobernador Félix, ne gu'ya ca qué izaaca be gasti neza. 25Ne bi'ni ti carta. Sicarí na ni: 26—Estimado gobernador Félix, lu gui'chi ri cugapa diu'xe lii. Naa nga Claudio Lisias. 27Unaaze ca judíu hombre ri', ucala'dxi ca ñuuti ca laabe. Peru ora gunna romanu laabe la? yeniá soldadu yegaxha laabe lu ná ca'. 28Yeniá laabe ra nuu justicia stica', purti racaladxe ganna xiñee caguu ca xqueja be. 29Ne biiya cayuu xqueja be pur ni na ley stícabe, peru qué huayuni be gasti para gati be, nin para guieguyoo be. 30Ne ora gunna naguixhe ca judíu guuti laabe la? biseenda ca' laabe ra nuu lu'. Ne ma gudxe cani caguu xqueja be ca che ca ra nuu lu' para gabi ca lii xii nga bi'ni be. Sicarú guiaanu'.” 31Bixhinni si ucuaa ca soldadu que Pablu casi gudxi xaíque que laaca guni ca'. Yesaana ca laabe Antípatris. 32Sti dxi que bigueta ca soldadu que ra cuartel. Peru cani dxi'ba mani que la? yené ca laabe dede Cesarea. 33Ne ora yendá cabe Cesarea bidii cabe gui'chi que gobernador ne bisaana cabe laabe lu ná'. 34Biluxe biinda si gobernador gui'chi que, unaba diidxa padé laabe. Ne ora gunna de Cilicia laabe la? 35na rabi laabe: —Zucaa dia'ga lii ora gueeda cani gueda nduu xqueja lu'. Ne óraque bini mandar guiaapa be ndaani xpalaciu Herodes.

will be added

X\