Apocalipsis 4

1Cu dzo'ocol lela' j paacatnajene' ca tin wilaj jun p'éel jool naj je'ekab te j ca'ano', yéetel le t'aan tin wu'uyaj bey jun p'éel juum trompetae', le u yáax t'anmajene' tu ya'alaj teen: Na'aquen waye', tumen bin in ca'aj in we'es teech le ba'alo'ob bíin úuchuc cu dzo'ocol u yúuchul lelo'oba'. 2Tu séeblaquil j p'áaten tu yáanal u páajtalil le Quili'ich Pixano', ca tin wilaj jun p'éel jalach káanche' nu'ucbesa'an te j ca'ano', te j jalach káanche'o' yaan máax culucbali'. 3U paacat le máax culucbal te jalach káache'e' cu léembal bey jun p'éel jaspe wa bey jun p'éel cornalinae'; tu bakpach le jalach káanche'o' yaan jun p'éel chéel bey esmeraldae'. 4Tu bakpach le jalach káanche'a' tin wilaj u láak veiticuatro jalach káanche'ob, ti' lelo'oba' culucbalo'ob veinticuatro u nuuquilo'ob u caajil Israel u búucbesmajuba'ob yéetel sac nooko'ob; tu poolo'obe' yaan péet jo'olo'ob beeta'an yéetel oro. 5Te j jalach káanche' cu jóokol u léembal cháaco'ob yéetel u quíilbal cháaco'obi'; actáan ti' le jalach káanche' t'aba'an siete taj che'ob, lela' u siete pixano'ob Ku. 6Yaan xan actáan ti' le jalach káanche' jun p'éel ba'al chica'an ti' jun p'éel ka'anab jach sáasil u ja'il cu táadz máan u paacat máac ti'. Chúumuc yéetel tu bakpach le jalach káanche' yaan ca'a túul cuxa'an ba'alo'ob chuupo'ob yéetel icho'ob tu actáanilo'ob bey xan tu paachilo'ob. 7Le yáax jun túul ti' le cuxa'an ba'alo'oba' bey jun túul leóne'; u ca'a túule' bey jun túul xibil wacaxe'; u yóox túule' u táan yiche' bey u táan yich wíinique'; u can túule' bey jun túul cóot táan u xiknale'. 8Le can túul cuxa'an ba'alo'obo' cada jun túule' yaan seis u xiiko'ob, chuupo'ob yéetel icho'ob paachil yéetel ichil; bul kiin yéetel bul áakab ma' tu jáawal u ya'alico'ob: Quili'ich, Quili'ich, Quili'ich, Yuumtzil Ku, máax yaan tuláacal páajtalil ti', máax yanili'e', yaan yéetel bíin taalac. 9Le can túul cuxa'an ba'alo'obo' cu dzáico'ob nojbe'enil, tziiquil yéetel gracias ti'le' máax culucbal te j káache'o', ti' le máax cuxa'an u ti'al ja'abo'ob mina'an u xuulo'. 10Le veiticuatro u nuuquilo'ob u caajil Israel cu xoltalo'ob actáan ti' le máax culucbal te j jalach káanche'o', táan u ya'alico'ob: 11Yuumtzil yéetel c Ku, teche' a najmatic a kamic nojbe'enil, tziiquil bey xan páajtalil; tumen teech ta beetaj tuláacal ba'alo'ob, tu yo'olal a wóolaje' yano'ob yéetel j beeta'abo'ob.


Copyrighted Material
Learn More

will be added

X\