Hechos 24

1Cu dzo'ocol u máan cinco kiino'obe', Ananías, u noojoch le j kiino'obo', j kuch Cesarea yéetel dze'edzec ti' le anciano'obo' bey xan yéetel jun túul abogado Tértulo u kaaba'. Lelo'oba' j taalo'ob tu táan le jalach wíinico' u ti'al u taquico'ob u pool Pablo. 2Le ca j taasa'ab Pabloe', Tértuloe' j cáaj u taquic u pool, táan u ya'alic ti' Felix: Nib óolal ti' teech nojoch jalach, tumen ta wo'olale' yaanto'on nojoch jéedzel, bey xan ya'ab ba'al ma'alobtac cu beeta'al tu yo'olal a wojéelajil. 3Nib óolal ti' a nojoch tzicbe'enil Felix tu yo'olal le ba'alo'ob c kamic mantadz tuláacal tu'uxo'. 4Ba'ale' u ti'al ma' c náacsic a wóole', quin káat óoltic teech ca a beet utz a wu'uyico'on jun súutuc. 5Tumen dzo'oc c ilique' le máaca' jun túul meyaj kaas, yéetel tuláacal yóokolcaab cu líiksic ba'atelilo'ob ichil le judíobo', leti' xan u nojochil le nazareno'obo'. 6Tu yóoltaj xan u kascunt le kulnajo', to'on túune' t machaje' ca t óoltaj p'is óolt yéetel c a'almaj t'aan: 7ba'ale' Lisiase', u náacom le aj ba'atelo'obo', tu jupubae'ca tu tocaj to'on yéetel nojoch muuk, 8ca tu ya'alaje' le máaxo'ob cu taquico'ob u poole' kabéet u taalo'ob ta táan. Teche' cu páajtal a káatic u chi' u ti'al ca a wojéel tu jaajil tu yo'olal le ba'alo'ob ba'ax o'olal c taquic u poolo'. 9Le judíob yano'ob te'elo' tu ya'alajo'ob xan bey anil tuláacal le ba'alo'oba'. 10Le jalach wíinic túuno' tu beetaj u kab ti' Pablo u ti'alca t'aanac, Pablo túune' tu ya'alaj: Yéetel nojoch qu'imac óolal quin j t'aanta táan, tumen in wojel úuch jo'op'oc a p'is óoltic le caaja'. 11Je'el bix cu páajtal a káat péectziltique' chéen doce kiino'ob kuchuquen Jerusalén u ti'al in kultic Ku. 12Ma' tu yileno'ob wa táan in t'anal t'aan yéetel wa máaxi', mix táan in líiksic u yóolo'ob le máaco'ob kulnaj, mix ich caaj. 13Le máaco'oba' ma' tu páajtal u ye'esico'ob wa jaaj le ba'alo'ob ba'ax o'olal cu taquico'ob in poolo'. 14Ba'ax quin wa'alique' tene' táan in meyajtic u Ku in taataob je'el bix cu ca'ansic to'on le túumben bejo' lela' cu ya'alico'obe' jun p'éel secta, tumen quin wocsaj óoltic tuláacal ba'ax dzíiba'an ti'le a'almaj t'aano' yéetel ti' le aj bóobato'obo'. 15Yéetel quin alab óoltic Ku je'el bix leti'obe', tumen quin wocsaj óoltic yaan u ca'a púut cuxtal le quimeno'ob', le utztaco'obo' bey xan le kasa'ano'obo'. 16Le o'alale' mantadz quin wilic ma' u yantal in si'ipil tu táan Ku yéetel tu táan máaco'ob. 17Cu dzo'ocol in máan dze'edzec ja'abo'ob táanxel tu'uxo'obe', j suunajen tin lu'um u ti'al in dzáic siibalo'ob. 18Le quin beetic ca tu yilajeno'ob kulnaj dze'edzec u judíoilo'ob Asia, cu dzo'ocol in p'o'iquinbáa je'el bix u ya'alic le a'almajt'aano', ma' yéetel ya'ab máaco'obi', mix yéetel líiksaj óolali'. 19Leti'ob unaj u taalo'ob ta táan u ti'al u taquico'ob in pool wa yaan ba'ax kaas tu yilajo'ob tin beetaj. 20Wa ma'e' le yano'ob waya' ca u ya'alo'ob wa yaan in si'ipil tu caxtajo'ob le ca j yanjien tu táan u múuch'ul u nuuctaquil le judíobo'. 21Ja'ali' wa táan u taquico'ob in pool tumen tin wa'alaj le ca j yanjien ichilo'obe': Bejela'e' táan a p'is óol tiquene'ex tumen quin wocsaj óoltic yaan u ca'a púut cuxtal le quimeno'obo'. 22Felix le ca tu yu'ubaj lela', tumen ma'alob u yojelil ba'ax cu beetic le Cristiano'obo', tu p'ataj u ti'al u láak kiin le ba'ala', ca tu ya'alaj ti'ob: Le quéen taalac Lisias u náacom le aj ba'atelo'obo' bíin in wojéelt u láak ba'alo'ob tu yo'olal le ba'ax ca wa'alique'exa'. 23Felix túune; tu ya'alaj ti' le náacomo' ma' u jáalkabta'al Pablo, ba'ale' ma' u jach kalic yéetel ca u cha'a u xíimbalta'al beyxan u táan óolta'al tumen u yéet bisajba'ob. 24Le ca j máan dze'edzec kiino'obe' j kuch tu ca'a téen felix yéetel Drusila u yatan, lela' judía, ca tu túuxtaj t'anbil Pabloe', ca tu yu'ubaj u tzicbaltic u yocsaj óolalil Jesucristo. 25Ba'ale' le ca j t'aanaj Pablo tu yo'olal jun p'éel toj cuxtal, bix unaj u cananticubáa máac, bey xan tu yo'olal le p'is óol bíin taalaco', ja'ak u yóol ca tu ya'alaj ti': bejela'e' xeen, le quéen páataque' quin t'aniquech tu ca'a téen. 26Felix xane' táan u pa'atic u dza'abal taakin ti' tumen Pablo u ti'al ca u jáalkabte. Le o'olale' ya'ab u téenel tu t'anaj u ti'al u tzicbal tu yéetel. 27Ca'a p'éel ja'abo'ob máan beyo', Felix túune' tu p'ataj u beetic u jalachile' ca j ooc Porcio Festo u jeelinte. Tumen Felix tu yóolaj j p'áatal ma'alo'ob tu táan le judíobo', ma' tu jáalkabtaj Pabloi'.


Copyright
Learn More

will be added

X\