1 San Juan 2

1In mejen paalale'ex, quin dzíibtic te'ex le ba'alo'oba' u ti'al ma' a kebanchajle'ex. Ba'ale' wa yaan máax cu kebanchajale', yaan to'on jun túul máax cu t'aan t o'olal tu táan le taatao', lela' Jesucristo', leti'e' toj. 2Jesucristoe' tu yo'olalil iquil u sa'atsa'al c kebano'ob; ma' chéen c keban to'oni' ba'ale' tac u kebano'ob u yóokolcaab. 3Wa c dzo'ocbesic u ya'almaj t'aan Kue', c ojéeltic túune' dzo'oc c kuchul c kaj óoltic. 4Ba'ale' wa yaan máax cu ya'alic: Tene' in kaj óol, ba'ale' ma' táan u dzo'ocbesic u ya'almaj t'aano'obe', jun túul j tuus, yéetel le jaajo' mina'an ti' leti'. 5Ba'ale' le máax cu dzo'ocbesic cu t'aan Kue' u yaacunaj Kue' dzo'oc u yutzil chúucpajal ti'; bey túun c ojéeltic nuupul c anil tu yéetelo'. 6Le máax cu ya'alic nupuul yanil yéetel Kue' unaj u cuxtal je'el bix cuxlajic Jesucristoe'. 7Sucu'une'ex ma' táan in dzíibtic te'ex jun p'éel a'almaj t'aani'; ba'ale' leti' le a'almaj t'aan yaan ti' te'ex u cáajbalo'. Le úuchben a'almaj t'aan leti' le t'aan ta yáax u'uyaje'exo'. 8Quex bey anilo', le ba'ax quin dzíibtica' cu béeytal bey jun p'éel a'almaj t'aane', lela' u jaajil ti' Cristo bey xan ti' te'ex, tumen le éekjoche'enilo' táan u máan yéetel táan u léembal le jaajil sáasilo'. 9Wa yaan máax cu ya'alic ti' yaan ti' le sáasilo', ba'ale' cu p'ectic u sucu'une', láili' ti' yaan ti' le éekjoche'enilo'. 10Le máax cu yaabiltic u sucu'une' cuxa'an ti' le sáasilo', yéetel mina'an mix ba'al ca u beet u lúubul ti' keban. 11Ba'ale' le máax cu p'ectic u sucu'une' ti' cuxa'an yéetel ti' cu xíimbal ichil le éekjoch'e'enilo'. 12Mejen paalale'ex, quin dzíib ti' te'exe' tumen Kue' dzo'oc u sa'atsic a kebane'ex tu yo'olal u kaaba' Jesucristo. 13Taatatzile'ex, quin dzíib ti' te'exe' tumen dzo'oc a kaj óoltique'ex le máax yanili' le ca j chu'unpaj tuláacale'. Táanquelem xi'ipale'ex, quin dzíib ti' te'exe' tumen dzo'oc a dzáancha'atique'ex kaasil ba'al. Dzo'oc in dzíib ti' te'exe', mejen paalale'ex, tumen dzo'oc a kaj óoltique'ex le Taatao'. 14Dzo'oc in dzíib ti' te'exe' taatatzile'ex, tumen dzo'oc a kaj óoltique'ex le máax yanili' le ca j chu'unpaj tuláacale'. Dzo'oc in dzíib ti' te'ex xan, táanquelem xi'ipale'ex, tumen mu'uka'antaque'ex yéetel dzo'oc a kamique'ex u t'aan Ku ta pucsi'ikale'ex, yéetel tumen dzo'oc a dzáancha'atique'ex kasilba'al. 15Ma' a yaabiltique'ex yóokolcaab, mix le ba'alo'ob yaan yóokolcaabo'. Wa yáam máax cu yaabiltic yóokolcaabe', ma' u yaabiltmaj Ku le Taatao'; 16tumen mix ba'al ti' le ba'axo'ob cu ya'alic u dzáic yóokolcaabo' ti' Ku le taata u taalo', ba'ale' ti' yóokolcaab u taal. U kaakas dzíibolalo'ob le lu'umcabil wíinclilo', u kaakas dzíibolalil le icho', yéetel u ca'anal ichil cu yantal tu yo'olal u ba'alilo'ob le cuxtalo', tuláacal lela' leti' le ba'axo'ob cu ya'alic yóokolcaab u dzáico'. 17Le yóokolcaabo' táan u bin u xu'ulul yéetel tuláacal le kaakas dzíibolalo'ob yaan tu yóokolo'; ba'ale' le máax cu beetic ba'ax u káat Kue' cu p'áatal u ti'al kiino'ob mina'an u xuul. 18Mejen paalale'ex, dzo'oc u kuchul u dzooc kiino'ob. Te'exe' a wu'uymaje'ex táan u taal jun túul máax yaan u p'ectmaj Cristoe'; tumen beoraa' dzo'oc u chíicpajal ya'ab máaxo'ob yano'ob tu contra le Cristoo' le o'olal c ojel ti' yano'on tu dzooc kiino'obe'. 19Leti'obe' jóok ichilo'on, ba'ale' u jaajile' ma' c ti'alo'obi', tumen wa c ti'alo'obe' dzo'oc ca'ach u p'áatalo'ob t éetele'. Ba'ale' bey úuchico', u ti'al ca ila'ac jach t'áalcabe' ma' tuláacal c ti'alo'obi'. 20Ba'ale' ti' te'exe' Cristoe' dzo'oc u dzáic le Quili'ich Pixano', yéetel tuláacale'ex yaan te'ex kaj óolalil. 21Quin dzíib te'ex, túune', tumen a kaj óole'ex le jaajo', ma' tumen ma' a kaj óole'exi'; te'exe' a wojele'ex mix jun p'éel tuus cu páajtal u jóokol ti' le jaajo'. 22¿Máax le j tuuso'? Leti' le máax cu ya'alique' Jesuse' leti' le Cristoo'. Leti' máax yaan tu contra le Cristo', tumen cu cúulpachcuntic le Taatao' bey xan le Paalo'. 23Tuláacal máax cu cúulpachcuntic le Paalo' mina'an mix le Taata ti'o'; ba'ale' máax cu kamic le Paalo', ti' yaan le Taata ti' xano'. 24Le o'olale', te'exe' canante'ex ta pucsi'ikale'ex le ca'ansaj ta wu'uyaje'ex tu yáax chuuno'; wa le ba'ax ta wu'uyaje'ex tu yáax chuun cu p'áatal ta pucsi'ikale'exo', te'ex xane' bíin p'áataque'ex nupa'ane'ex yéetel le Paalo' bey xan yéetel le Taatao'. 25Jesucristoe' u ya'almaj u dzáic to'on le cuxtal mina'an u xuulo'. 26Dzo'oc in dzíibtic te'ex lela' tu yo'olal le máaxo'ob tu'ubsique'exo'obo'. 27Ba'ale' te'exe' yaan te'ex le Quili'ich Pixan tu dzaj te'ex Jesucristo, bey túuno' ma' kabéet ca ca'ansa'aque'ex tumen mix máaqui', tumen le Quili'ich Pixano' cu ca'ansic te'ex tuláacal ba'al, yéetel u ca'ansajo'obe' u jaajilo'ob, ma' tuuso'obi'. Bey túuno', p'áatene'ex táan a cuxtale'ex nupa'ane'ex ti' Cristo, je'el bix u ca'ansic te'ex le Quili'ich Pixano'. 28Bele' túuna', mejen paalale'ex nupa'ane'ex ti' Cristo, u ti'al ca yanac to'on kub óolal le quéen chíicpajac leti'o', yéetel ma' a ch'a'ic subtal tu táan le quéen taalaco'. 29Wa a wojele'ex Jesucristo toje', ojéelte'ex xane' tuláacal le máax cu beetic ba'ax toje' sija'an ti' Ku.


Copyright
Learn More

will be added

X\