1 TIMOTI 3

1Tibɔr tee gbii la, ke unii yaa ban u li ye Yesu aanib aaninkpil kan, ni ŋan; ba pu? li ye lituln li ŋan na la. 2Ni ŋan ke Yesu aanib aaninkpil taa li kpa taani ubaa. Ni ŋan u li joo upiibaab, ki li chur ubaa tiwan mɔmɔk ni, ki li kpa laasab, ki li bi mbamɔm, ki li channi bicham tichann, ki li ye unii u ga ŋma tuk binib Uwumbɔr aaliin mbamɔm na. 3U taa li ye udaagbiir, ki taa gbaa binib [ki taa li kpa iniman]. U li bi suuna ki taa li kpa kinikpakpak. Unimbil taa li man ŋimombil pu. 4Ni ŋan ke u li joo waachiln ni aanib mbamɔm, ki li joo waabim mbamɔm, aan bi li pak u ki kii waamɔb. 5Ba pu? unii yaa kaa ŋma joo waachiln ni aanib mbamɔm kan, u ga ŋa kinye ki li joo Yesu aanib? 6U taa li ye unii u kaa yunn Uwumbɔr aasan ni na. U yaa ye unii u kaa yunn Uwumbɔr aasan ni na kan, nibaakan u ga li mak, ki kan ntafadaan, ke Kinimbɔŋ na. 7Ni ŋan ke Yesu aanib aaninkpil li ye unii u kpa kipak bin kaa dii Uwumbɔr aasan na chee, aan binib taa galn u, u taa lir Kinimbɔŋ aagaawɔb ni. 8Tɔ, joo cha Yesu aanib aateterb, ni ŋan ke bi mu li kpa laasab. Bi taa len fam fam. Bi li ŋani baah len pu na. Bi taa li ye bidaagbiib. Binimbil taa li man pempem aamombil pu. 9Ni ŋan ke bi li joo tibɔbɔrkaan ti kpiir, ti ye Yesu aabɔr na, ki li nyi mbimbin mu ŋan na, ki li ŋani kena. 10Binib yaa ban bi li ye biteterb kan, cha Yesu aanib aaninkpiib puen lik baabimbin aah bi pu na waahr, bi yaa kaa kpa taani kan, cha bi li tun biteterb aatuln. 11Ni ŋan ke bipuutiib mu li kpa laasab, ki li chur bibaa, ki li ŋani tiwan mɔmɔk mbamɔm, ki taa li ye binibiinib. 12Ni ŋan ke Yesu aanib aateterb li joo upii ubaabaa, ki li joo baabim ni baachiln ni aanib mbamɔm. 13Binib bi tun biteterb aatuln ngbaan mbamɔm na, bi ga kan liyimbil, ki li kpa lipoobil saakpen ki ti tuk binib baah gaa Yesu Kristo ki kii pu na. 14Tɔ, m kpa limakl ke naan yunn, m ga dan aa chee. Le maah ŋmee kigbaŋ kee ki tii ni si na, 15m yaa yunn kan, aa ga bee mbimbin mu ŋann Uwumbɔr aachiln ni aanib, bi ye Uwumbɔr u ye limɔfaldaan na aanib na. Waaliin i ye mbamɔn na bi biŋaal ni la, le bi joo i. 16Uwumbɔr aah kpiir waasan aabɔr ti ki tuk timi na, ti ye tibɔrkpaan la: Yesu nan yoor unibɔn aawon, ki kpiir ubaa. Uwumbɔr Aafuur nyaan le mɔk ke u ŋan. Uwumbɔr aatuuntiib waa u la. Binib moon waabɔr ki tuk ŋitimbol aanib la, le binib gaa u ki kii dulnyaa wee mɔmɔk ni. Uwumbɔr nan yoor u ki di buen paacham, ki nyuŋ u.

will be added

X\