MATEO 1

1Tamaja Jesukirito anobotuma awai. Jesukirito jakutai tai David ajisaka, Abraham ajisaka tane. 2Abraham jakutai Isaac arima. Isaac Jacob arima. Jacob Judá arima, awaraoto isiko. 3Judá jakutai Fares, Zafa tane arima. Tatuma aranima awai Tamar. Fares Esrom arima. Esrom Aram arima. 4Aram Aminadab arima. Aminadab Naasón arima. Naasón Salmón arima. 5Salmón Booz arima. Aranima awai Rahab. Booz Obed arima. Aranima awai Rut. Obed Isaí arima. 6Isaí airamo David arima. Airamo David Salomón arima. Ebe Urias atira jakutai tai Salomón arani. 7Salomón jakutai Roboam arima. Roboam Abias arima. Abias Asa arima. 8Asa Josafat arima. Josafat Joram arima. Joram Uzias arima. 9Uzias Jotam arima. Jotam Acaz arima. Acaz Ezequias arima. 10Ezequias Manasés arima. Manasés Amón arima. Amón Josias arima. 11Josias Jeconias arima awaraoto isiko. Eobo Israeltuma mojoju tane Babilonia tata konarukore Jeconiastuma jaja. 12Tatukamo Jeconias Salatiel arima. Salatiel Zorobabel arima. 13Zorobabel Abiud arima. Abiud Eliaquim arima. Eliaquim Azor arima. 14Azor Sadoc arima. Sadoc Aquim arima. Aquim Eliud arima. 15Eliud Eleazar arima. Eleazar Matán arima. Matán Jacob arima. 16Jacob José arima. José jakutai tai Maria anibora. Maria jakutai Jesú arani. Jesú jakutai tai Kirito. 17Takore Abrahamatukamo David tata nabakayaja anobo-tomo tane anobotomo tane kokotuka mojoreko kware manamo-namojaseata ru tae. Davidatukamo Babilonieta nabakakitane, anobotomo tane anobotomo tane tatukamo mojoreko kware manamonamojaseata ru tane konaruaeyama. Ama tatukamo Kirito arijawareta nabakakitane tane anobotomo tane anobotomo tane mojoreko kware manamonamojaseata ru taeyama. 18Jesukirito tametane rijawaraeyama. Arani Maria José isiko orinisakitane. Mate isiko ubamoana jakore kwabuaja miae. Kwabuajakutai Dio Amejokojira Yakerajawitu aobojona. 19Maria ayamaretatu José jakutai tai nomeraja anonatu. Tai tira tomane-raja bajemejerenatanae. Tiame rijisane iabakitane obonoaeyama. 20José tametane obonobiaja ubane musibuae. Musibune Airamo ainataba miaeyama. Ainataba ribane: José David auka, Maria jitira tane nisakitane retanaka jau. Kwabuajakutai tai Dio Amejo-kojira Yakerajawitu aobojona. 21Jorosimo nibora aranitate. Awai tane Jesú abate, tai awaraoto aobojona asirajasi ekumo ejerokitane jame, taeyama. 22Ateje Airamo kware arewaratu rewarae. Taisi aribu eku nakamejerei tametane nonae. Rewaratu ribane: 23Miki anaka. Iboma niborama naminanaka kwabune jorosimo nibora aranitate. Awai tane Emanuel abate, taeyama. Emanuel waraoto aribu isia ribia: Dio kakaika, tia. 24Takore José nominane Airamo ainataba akajotabu eku nonae. José Maria atira tane nisanaeyama. 25Tiarone tira mate jorosimo nibora aranitamoana jakore José atirasi isiko ubanatanae. Auka awajiabara jakutai nakakore awai tane Jesú abanaeyama.

will be added

X\