Psalms 32

1A mooroi atto geetettidonne a nagarai kamettido urai anjjettidaagaa. 2GODAI a iitatettaa qoodenna asinne a qofan baletoi bainna asi anjjettidaagaa. 3Ta nagaraa paaxennan de7aidda, taani gallassa kumettaa oolidoogee ta asatettai daafuriis. 4Gallassinne qammi ne kushee ta bolli deexxiis. Haattai bone awan melidi wuriyoogaadan, ta wolqqai wuriis. 5Taani ta nagaraa neessi paaxaas; ta iitatettaakka neeppe genttabeikke; "Ta mooruwaa GODAASSI paaxana" gaas. Yaatin, neeni tana deexxida nagaraa atto yaagadasa. 6Hegaa gishshau, Xoossaa asa gidiya ooninne, neeni beettishin, nena woosso. Gita haattai kixxiyo wode, tumuppe he uraa gakkenna. 7Neeni taayyo qosettiyo soho; neeni tana metuwaappe naagana. Atotettaa yettaa yexxiyaageeta ta yuushuwan wottadasa. 8GODAI, "Taani nena erissananne neeni baanau bessiya ogiyaa nena tamaarissana; taani nena zorananne naagana. 9Bixaalaaninne puluwan ohettennan azazettenna, wozani bainna baqulodan woi paradan intte hanoppite" yaagees. 10Iitatuyyo tuggai darana; shin GODAN ammanettiyaageeta aggenna siiqoi dooddana. 11Inttenoo, xillotoo, GODAN ufaittitenne "Hashshu!" giite; inttenoo, wozanaa suuretoo, ufaissau yexxite.

will be added

X\