1 GODAA galatite! Aissi giikko, i keha; aggenna a siiqoi merinaagaa. 2 Xoossatu Xoossaa galatite! Aggenna a siiqoi merinaagaa. 3 Godatu Godaa galatite! Aggenna a siiqoi merinaagaa. 4 A xalaalai gita maalaalissiyaabaa oottees; aggenna a siiqoi merinaagaa. 5 Ba aadhdhida eran i salota medhdhiis; aggenna a siiqoi merinaagaa. 6 Biittaa haattaa bollan micciis; aggenna a siiqoi merinaagaa. 7 Gita poo7ota medhdhiis; aggenna a siiqoi merinaagaa. 8 Awai gallassi haaranaadan oottiis; aggenna a siiqoi merinaagaa. 9 Aginainne xoolintteti qammi haaranaadan oottiis; aggenna a siiqoi merinaagaa. 10 I Gibxxe biittan bairata woriis; aggenna a siiqoi merinaagaa. 11 Israa7eela asaa Gibxxeppe kaalettidi kessiis; aggenna a siiqoi merinaagaa. 12 Ba mino kushiyan, ba wolqqaama qesiyan hagaa oottiis; aggenna a siiqoi merinaagaa. 13 Zo7o Abbaa shaakki yeggiis; aggenna a siiqoi merinaagaa. 14 Israa7eela asaa he abbaa gidduwaara pinttiis; aggenna a siiqoi merinaagaa. 15 Gibxxe kawuwaanne a olanchchata Zo7o Abban muukissiis; aggenna a siiqoi merinaagaa. 16 I ba asaa kaalettidi, bazzuwaa kanttissiis; aggenna a siiqoi merinaagaa. 17 Gita kawota shociis; aggenna a siiqoi merinaagaa. 18 Erettida kawota woriis; aggenna a siiqoi merinaagaa. 19 Ee, Amooretu kawuwaa Sihoona woriis; aggenna a siiqoi merinaagaa. 20 Qassi Baasaane kawuwaa Ooga woriis; aggenna a siiqoi merinaagaa. 21 Yaatidi eta biittaa ba asaa laatissiis; aggenna a siiqoi merinaagaa. 22 Ee, ba ashkkaraa Israa7eela laatissiis; aggenna a siiqoi merinaagaa. 23 I nuuni kauyyido wodekka nuna qoppiis; aggenna a siiqoi merinaagaa. 24 Nuna nu morkketuppe ashshiis; aggenna a siiqoi merinaagaa. 25 Mereta ubbau qumaa immees; aggenna a siiqoi merinaagaa. 26 Saluwaa Xoossaa galatite! Aggenna a siiqoi merinaagaa.
