1 Israa7eela asai hagaadan yaago; "Eti ta yelagatettaasappe doommidi, tana huqqunnidosona. 2 Ee, eti ta yelagatettaasappe doommidi, tana huqqunnidosona; shin eti tana xaissibookkona. 3 Ta zokkuwaa xurqqayyiyan shocii shocidi, goyido shooqaa milatissidosona" yaago. 4 SHin GODAI xillo gididaagee iitatu qashuwaappe tana birshshi yeddiis. 5 Xiyoone ixxiya ubbai yeellatidi guyye simmo. 6 Keettaa huuphiyan mokkidi, diccanaappe kasetidi meliya maataa mala gido. 7 He maataa buuccanau kushen dankkiyai woikko mirqqe qachchiyai ooninne baawa. 8 He ogiyaara aadhdhiyaageeti, "GODAI wolqqaa immo" gin, cakkiyaageeti, "GODAI anjjo" giyoobai de7enna.
