1 Taani GODAA giddon baqata qosetta attais. Yaatin, intte tana aissi, "Kafodan ne deriyaa baqata" yaageetii? 2 Hekko nagaranchchati wozanaa geeshshata caddanaassi, xuman bantta wonddafiyaa baqettaa bollan zubbiyaa toloosona. 3 Baasoi bayyiyo wode, xilloi ai oottanau danddayii? 4 GODAI ba geeshsha Beeta Maqidasiyan de7ees; ba saluwaa kawotaa araatan GODAI asaa xeellees; GODAA aifee asaa qorees. 5 GODAI xilluwaa qorees. SHin iitatanne hanttaarabaa siiqiyaageeta i keehippe ixxees. 6 GODAI iitatu bollan eexxiya tamaa bonqquwaanne eexxiya diniyaa bukissana. Xuuggiya gote carkkuwan eta qaxxayana. 7 GODAI xillo gidido gishshau, xillotettaa dosees. Suure asati a sinttaa be7ana.
