1 Daawitinne ola gadaawati Asaafa naatuppe, Hemaana naatuppenne Yidutuuna naatuppe maazinqqiyan diittaaninne daalan hananabaa yootiyaageetu oosuwaa oottanaadan dummayidosona. Banttau imettida oosuwaa oottin, sunttai mazggafettido asati hageeta. 2 Asaafa naati Zakkuura, Yooseefa, Nataaniyaanne Asaari7eela. Asaafa naati kawoi azazin, hananabaa yootiya Asaafappe garssaara azazettoosona. 3 Yidutuuna naati Gadaaliyaa, Xara, Yishaa7iyaa, SHim77a, Hashaabiyaanne Matiitiyaa. Ha usuppunati maazinqqiyan hananabaa yootiiddi, GODAA galatiiddinne bonchchiiddi, bantta aawaa Yidutuunappe garssaara azazettidosona. 4 Hemaana naati Buqqiyaa, Mataaniyaa, Uzzi7eela, SHabu7eela, Yaarimoota, Hanaaniyaa, Hanaana, Eli7aata, Giddaltta, Romamtti7eezera, Yoshibaqaasha, Malloota, Hotiiranne Maahizi7aata. 5 Hageeti ubbai kawuwaayyo hananabaa yootiya Hemaana naata. Xoossai kase immana giidoogaadan, Hemaana xoqqu xoqqu oottana mala, ha tammanne oiddu attuma naatanne heezzu macca naata ayyo immiis. 6 Hageeti ubbai GODAA Beeta Maqidasiyan daalaa qaattanau, diittaanne maazinqqiyaa diixxiiddinne yexxiiddi goinnanau, bantta aawaappe garssaara de7oosona. Asaafi, Yidutuuninne Hemaani kawuwaa azazuwan de7oosona. 7 Hageeti laatamanne oiddu asati daro erai de7iyo asata. Eta dabboti yettan loohidaageeta; eti muleera naa77u xeetanne hosppun tammanne hosppuna. 8 Eti bantta oosuwaa shaakki eranau gitai guuttai, asttamaaree tamaaree, ubbaikka lagge saamaa yeggidosona. 9 Yeggin koiro saamai Asaafa na7aa Yooseefa gakkiis; i, a naatinne a dabboti muleera tammanne naa77a. Naa77antto saamai Gadaaliyaa gakkiis; i, a naatinne a dabboti muleera tammanne naa77a. 10 Heezzantto saamai Zakkuura gakkiis; i, a naatinne a dabboti muleera tammanne naa77a. 11 Oiddantto saamai Xara gakkiis; i, a naatinne a dabboti muleera tammanne naa77a. 12 Ichchashantto saamai Nataaniyaa gakkiis; i, a naatinne a dabboti muleera tammanne naa77a. 13 Usuppuntta saamai Buqqiyaa gakkiis; i, a naatinne a dabboti muleera tammanne naa77a. 14 Laappuntta saamai Asaari7eela gakkiis; i, a naatinne a dabboti muleera tammanne naa77a. 15 Hosppuntta saamai Yishaa7iyaa gakkiis; i, a naatinne a dabboti muleera tammanne naa77a. 16 Uddufuntta saamai Mataaniyaa gakkiis; i, a naatinne a dabboti muleera tammanne naa77a. 17 Tammantta saamai SHim77a gakkiis; i, a naatinne a dabboti muleera tammanne naa77a. 18 Tammanne isiinintta saamai Uzzi7eela gakkiis; i, a naatinne a dabboti muleera tammanne naa77a. 19 Tammanne naa77antta saamai Hashaabiyaa gakkiis; i, a naatinne a dabboti muleera tammanne naa77a. 20 Tammanne heezzantta saamai SHabu7eela gakkiis; i, a naatinne a dabboti muleera tammanne naa77a. 21 Tammanne oiddantta saamai Matiitiyaa gakkiis; i, a naatinne a dabboti muleera tammanne naa77a. 22 Tammanne ichchashantta saamai Yaarimoota gakkiis; i, a naatinne a dabboti muleera tammanne naa77a. 23 Tammanne usuppuntta saamai Hanaaniyaa gakkiis; i, a naatinne a dabboti muleera tammanne naa77a. 24 Tammanne laappuntta saamai Yoshibaqaasha gakkiis; i, a naatinne a dabboti muleera tammanne naa77a. 25 Tammanne hosppuntta saamai Hanaana gakkiis; i, a naatinne a dabboti muleera tammanne naa77a. 26 Tammanne uddufuntta saamai Malloota gakkiis; i, a naatinne a dabboti muleera tammanne naa77a. 27 Laatamantta saamai Eli7aata gakkiis; i, a naatinne a dabboti muleera tammanne naa77a. 28 Laatamanne isiinintta saamai Hotiira gakkiis; i, a naatinne a dabboti muleera tammanne naa77a. 29 Laatamanne naa77antta saamai Giddaltta gakkiis; i, a naatinne a dabboti muleera tammanne naa77a. 30 Laatamanne heezzantta saamai Maahizi7aata gakkiis; i, a naatinne a dabboti muleera tammanne naa77a. 31 Laatamanne oiddantta saamai Romamtti7eezera gakkiis; i, a naatinne a dabboti muleera tammanne naa77a.
