SAN MATEO 28

1'Ba kionga ja'a nixtjin nga nikja'aya, nga tjis'e isen 'betuts'inre semana, María Magdalena ko María xi ngijngu kikutsejen tsju. 2'Ba tukjia'a kuán jngu chon xi 'ñu, ngat'a jngu ankjere Na'enchana jendejenni ngank'aa nga ja'ekja'axin ndiojo xi tixtiuchjákoni tsju 'ba kio tsik'ejñasun. 3'Ba ankjebiu 'ñu 'na chu'a joni ndi'i nga ba'na, 'ba najñure tiba xu xu kji'i joni nch'an. 4'Ba chasoldadu 'ñu kitsakjun nga tsabe ankjebiu. Se jatse= 'ba joni xi jesun tsa'en kis'endu. 5'Ba meni ankjebiu kitsure yanchjinbiu: ―Bi kun. 'Beña̱ nga Jesús xi kiset'a kru teminyisjo. 6Bi nde nga'e tijñani, je ja'aya nganire ngajinre mik'en jotsa'en nga kitsu. Ndechutsijon nga'nde ña kis'ejña. 7Tunga tanginfañu 'ba 'bi tik'in_ru xutare: “Je ja'aya nganire ngajinre mik'en, 'ba kui tifititjunnu nangi Galilea. 'Ba kio xio.” Je kixin_nuu̱ en xi tjinni nga 'ba xin_nuu̱. 8'Ba ta'afani 'etju yanchjinbiu ña tijña tsju, inyatsakjukoni 'ba nde 'ñu tsja titsubakonire ngayeje. 'Ba tu mangatsanga nga kike'ere nijmi xutare Jesús. 9'Ba nga inyafi, kio kisatejin Jesús 'ba kitsite'ndare. 'Ba kitsitiñat'are 'ba kitsubakja ndsaku nga kitsichjire. 10'Ba 'batsa'en Jesús kitsure: ―Bi kun, 'ba tik'in_ru nts'ia nga ngatji nangi Galilea, 'ba kio skuena̱. 11'Ba yejerañu nga inyafi yanchjinbiu, yak'a chasoldadu kiji ngajin naxinando nga kike'ere nijmi xi ngakure na'miu ngayéje xi kuán. 12'Ba xi ngakure na'miu kuañajanko nchja chingare naxinando 'ba 'endako xinkjin. 'Ba tse ton kitsjare chasoldadu 13'ba 'bi kitsure: ―'Bi tixun: “Sa'e ngajñu nga tetsjujñafee̱, xutare Jesús kafa'e 'ba kafikocheje yojore.” 14'Ba tsa xuta titjun kjuint'e kibiu, ji̱n= 'yee̱ jotsa'en xuko nijmi kui. 'Ba bi kjua skajiun. 15'Ba meni chasoldadu kiskjebe ton 'ba 'ba kitsa'en jotsa'en kik'inre. 'Ba kui enbi xi tojo chuba nijmi ngisa ngajinre xuta judío ka'nda nixtjin nganda'e. 16'Ba meni xutare xi tejngu kiji nangi Galilea, nindu ña Jesús kitsure. 17'Ba nga tsabe Jesús, kitsichjire, ninga tjin xi jó ján kjiyuju kakun tsa kui. 18'Ba Jesús kitsitiñat'are 'ba kitsure: ―Na'enchana je kitsjana̱ kjua'ñu nga kuatexuma yejia̱ ngank'aa 'ba ko t'anangiu. 19'Bamani tsu'ba, tangiun 'ba ti'on xutana̱ ngatsi'i naxinanda xi tjin ngasun'ndio. Tatendo nga ko ja'enre Na'enchana, ko Ki'ndiu 'ba ko Isennixtjintsjere Na'enchana. 20'Ba takuya_ru nga ngatatsik'etjusun ngayéje xi je 'ene_nuu̱. 'Ba kuatejñakontsjai_nuu̱ ka'nda nga kjue ngasun'ndio.

will be added

X\