MATIU 1

1Yeesu Kristo lulla ŋmɛnizii keŋ. Abraham bie Deevid dee biinii u faa lii. 2Abraham biere Aizik. Aizik ge biere ɛɛ Jakᴐb. Jakᴐb ge biizii Juda ni u niwizi. 3Juda ge biizii Pirɛz ni Zɛra. Ba maarɛ Tamar. Pirɛz ge bie ɛɛ Hɛzrᴐn. Hɛzrᴐn ge biere Ram. 4Ram ge biere Aminadab. Aminadab ge bie ɛɛ Nasᴐn. Nasᴐn ge biere Salmᴐn. 5Salmᴐn ge biere Bᴐaz. U maarɛ Rahab. Bᴐaz ge biere Ɔbɛd. U maa sᴐnnɛ Rut. Ɔbɛd ge biere Jɛssɛ. 6Jɛssɛ ge biere Deevid la n faa ɛɛ ba koori la. Deevid ge biere Sᴐlᴐmᴐn. A Sᴐlᴐmᴐn maarɛ faa Yuraya haaŋ. 7Sᴐlᴐmᴐn ge biere Rihᴐbᴐam. Rihᴐbᴐam ge bie ɛɛ Abaija. Abaija ge biere Asa. 8Asa ge biere Jɛhᴐsafat. Jɛhᴐsafat ge bie ɛɛ Jᴐram. Jᴐram ge biere Yuzaya. 9Yuzaya ge biere Jᴐtam. Jᴐtam ge biere Ahaz. Ahaz ge bie ɛɛ Hɛzɛkaya. 10Hɛzɛkaya ge biere Manasi. Manasi ge biere Amᴐn. Amᴐn ge biere Jᴐsia. 11Jᴐsia ge biizii Jɛkonaya ni u niwizi. A saŋa Jus hina dᴐma lauri baabuu di kpa baa la Babilᴐn hɛri. 12Baŋ ga du Babilᴐn hɛri la, Jɛkonaya lul Sialtiɛl. Sialtiɛl ge izi di lul Zɛrubabɛl. 13A Zɛrubabɛl ge bie ɛɛ Abayud. Abayud ge biere Ilayakim. Ilayakim ge biere Ezᴐr. 14Ezᴐr ge biere Sadᴐk. Sadᴐk ge biere Ekim. A Ekim ge bie ɛɛ Ilayud. 15Ilayud ge biere Ɛliezar. Ɛliezar ge bie ɛɛ Mattan. Mattan ge biere Jakᴐb. 16Jakᴐb ge lul Joosɛf. Joosɛf naa faa ɛɛ Mɛɛri la jaarii. Mɛɛri ge lul Yeesu, ba kaa ra yiruu Kristo. 17Awia di i kur mɛɛ ni u bie di lii Abraham saŋa guŋŋ di wa hel Deevid saŋa la, ba du nɛra fidibanaazu. Di i kaa kpa Deevid ge saŋa guŋŋ wa hel saŋa la ban lauri baa kaali Babilᴐn la, ba ge kaa du nɛra fidibanaazu. Di i kaa kpa a saŋa guŋŋ wa hel Kristo ge saŋa, ba ge kaa du nɛra fidibanaazu. 18Yeesu Kristo lulaa wiarɛ keŋ. Joosɛf faa kpa Yeesu maa Mɛɛrii haaŋ. U faa haa waa u dia zuuwɛ ú nuu chᴐᴐ, ka u kpogli hia Kᴐraawiizi Dumnanii fᴐŋŋa biini. 19U jaari la ɛɛ nɛpaa. Awia uŋ wa zummɛ lugᴐ u kpogli hiarɛ la, u faa waa nyiŋŋi u duu hiihzi ka ŋᴐ ú vii suahzi vɛɛu. 20U faa ra fɛ guŋ nfɛrɛɛ di Kᴐraawiizi mɛlika bɛl ba u be, u nau deeza biini. U ŋᴐ, Deevid naana Joosɛf, gilɛɛ waa vɛɛu. U hia la uŋ kpoglee la, Kᴐraawiizi Dumnanii fᴐŋŋa biinii u kpogluu. 21U daŋ lul biibaal. Di u wa lullᴐ, í dawuu Yeesu, dikuu bɛɛwiai, waabuu niŋ wa lɛɛ u nɛra ba wichᴐgaa biini. 22Wia naa maa ɛɛwᴐᴐ ka wia la Kᴐraawiizi n faa gillɛ u dᴐgtɛɛ sɛbi dau la wer ɛɛ wibii. U faa ŋᴐwᴐᴐrɛ, 23Suŋguru bɛl daŋ kpogli hia di lul biibaal ba ra yiruu Imanuɛl. U sᴐŋ hiŋ zɛɛrɛ, Kᴐraawiizi du yaa benii. 24Denii Joosɛf n wa izi dᴐᴐ la, u la ga kpogli u haaŋ ba u be alugᴐ gunla Kᴐraawiizi mɛlika la n ŋᴐwɛɛ la. 25Ka u ni u haaŋ hiŋ waa chᴐᴐwɛ mᴐᴐ ka u wa lul. Biibaallɛ u lul. Joosɛf dau u sᴐŋ Yeesu.

will be added

X\