Romanos 4

1¿Bila ya caltic yu'un te Abraham te antiguo jtatique? ¿Bila c'ot ta swenta? 2Melel te Abraham te ja'uc toj ilot yu'un Dios yu'un te bila ju' yu'un spasele, ya stac' ya stoy sba yu'un te jichuque. Ja'uc me to, ma stac' ya spas jich ta stojol te Diose. 3Te melel jich ts'ibubil jilel sc'oplal ta Sjun te Diose: “Te Abrahame, la xch'uun te Diose. Jich toj ilot yu'un Dios”, te xie. 4Yan te mach'a ya x'at'eje, ma smajt'anuc te bila ya x'ac'bote. Yu'un nanix stojol sc'ab stuquel. 5Ja'uc me to, te mach'a ma'yuc yat'el te la spase, te ja' nax la xch'uun te Dios te ya yac' ta libre yu'un smul te jmulawiletique, jich toj ya x'ilot yu'un Dios ta swenta te xch'uunjel yo'tane. 6Jich te bit'il la yal te muc' ajwalil Davide, te c'alal la sta ta alel te ja' bin nax yutsil te winic te toj ya x'ilot yu'un Dios a te ma ja'uc ta swenta te yat'el spasoje. 7Jich la yal: “Bin nax me yutsilic te mach'atic pasbotiquix perdón yu'un Dios te smulique soc te tup'botiquix te faltaetic yu'une. 8Bin nax me yutsil te winique, te ma ba x'ich'bot ta wenta smul yu'un te Cajwaltique”, te xie. 9¿Ja' bal bin nax yutsilic te mach'atic yich'ojic te circuncisione? ¿Ma bal jichuc uuc te mach'atic ma ba yich'ojic te circuncisione? Yu'un la caltiquix te ja' toj ilot yu'un Dios te Abraham ta swenta nax te xch'uunjel yo'tane. 10¿Bit'il ay a te toj ilote? ¿Yich'oj balix circuncisión a o ma to yich'ojuc circuncisión a? Te bit'il jich ay sc'oplal yu'un Dios te Abraham, ma ja'uc ta swenta circuncisión, melel ma to yich'ojuc a circuncisione. 11La yich' te circuncisión ta swenta seña soc ja' sello yu'un te bit'il toj ilotix yu'un Dios ta swenta nax xch'uunjel yo'tan, te c'alal ma to ba yich'oj a te circuncisione. Ja' swentail te ja' tatil yu'un spisil te mach'atic xch'uunejic Dios te ma ba yich'ojic circuncisione. Jich yu'un te mach'atic ya yac' xch'uunjel yo'tanique, toj ya x'ilotic yu'un te Diose. 12Te Abraham, ja' tatil yu'un uuc spisil te mach'atic yich'ojic te circuncisione, teme ay xch'uunjel yo'tanique, jich bit'il ayix xch'uunjel yo'tan a te Abrahame te c'alal ma to yich'ojuc a te circuncisione. 13Ma ta swentauc xch'uunel te mandalil te albot yu'un Dios te Abraham te ya x'ac'bot yu'unin soc sts'umbal te balumilale. Toj ilot yu'un Dios ta swenta nax te xch'uunjel yo'tane. 14Melel te yu'unuc ja'uc nax ta swenta xch'uunel te mandalil te ya yu'uninic te bila yaloj te Diose, jich tojol ya xc'ot te xch'uunjel-o'tanile, soc tey ya xch'ay sc'oplal a te bila yaloj te Diose. 15Melel ay castigo yu'un te xc'axintayel te mandalile; ay castigo yu'un, ja'uc me to, ta banti ma'yuc te mandalile, jich ma'yuc bila ay ta c'axintayel tey a. 16Jich yu'un ta swenta xch'uunjel-o'tanil te ay ta tael te yutsil yo'tan te Diose, swenta yu'un ma xch'ay te bila yaloj Dios ta stojol spisil te mach'atic sts'umbalic te Abrahame. Melel ma ja'uc nax sc'oplalic te mach'atic ayic ta swenta te mandalile, jich nix sc'oplalic uuc te mach'atic ya yac' xch'uunjel yo'tanic jich te bit'il te Abrahame. Jich yu'un ja' jtatic c'oem ta jpisiltic. 17Jich bit'il ts'ibubil ta Sjun te Diose: “La cac'at ta tatil yu'un spisil nacionetic”, te xie. Ja' in to, ja' te Dios te la xch'uun te Abrahame, te ya yac' cuxinuc xan te animaetique soc te ya yac' chicnajuc te bila ma to chicanuque. 18Te c'alal jich yilel te tojol xanix te ay bi yac ta smaliyel a te Abrahame, la xch'uun yo'tan te ya x'ayin te snich'ane. Jun yo'tan la smaliy. Jich c'ot ta pasel te bit'il tatil c'ot yu'un spisil nacionetic, jich bit'il albot yu'un te Diose: “Jich me yipal ya xc'ot te ats'umbale”, te xie. 19Jich ma ba pejc'aj xch'uunjel yo'tan te Abrahame, manchuc teme nopol xloq'uix jo'winic (100) ja'wil ya'wilale soc te nopolix ya xway sbaq'uetale, soc te bit'il stalel ma x'alaj te Sarae. 20Ma ba pejc'aj yo'tan yu'un. C'axem to xan la yich' yip xch'uunjel yo'tan yu'un te bila albot yu'un te Diose. Bin nax yo'tan la yalbey yutsilal Dios yu'un. 21Melel jc'axel la yac' ta yo'tan te ay yu'el te Diose, te ya yac' c'otuc ta pasel ta swenta spisil te bila yaloje. 22Jich yu'un ta swenta xch'uunjel yo'tan te toj ilot yu'un te Diose. 23Te bit'il toj ilot yu'un Dios te Abrahame, ma stuqueluc nax te jich ts'ibubil jilel sc'oplal. 24Jo'otic jc'oplaltic uuc te toj ya yilotic Dios teme ya jch'uuntic te Mach'a la xcha'cuxes tel ta bay animaetic te Cajwaltic Jesuse. 25Ja' te ac'ot ta lajel ta scaj te jmultique soc te cha'cuxesot tel, swenta yu'un libre ya xc'ootic yu'un jmultic ta stojol te Diose.


Copyright
Learn More

will be added

X\