Romanos 12

1Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose. 2Ma me pajaluc awo'tanic soc te mach'atic ja' nax baem ta yo'tanic in balumilal to. Ac'a me abaic ta ach'ubtesel swenta yu'un jich me yan yilel te bila anopojique. Jich me ya awaq'uic ta ilel te sc'anjel yo'tan te Diose, ja' bi, ja' te bila leque, te bila ay yutsile, soc te bila toje. 3Te bit'il yac'ojbon quich' cat'el ta swenta yutsil yo'tan te Diose, jich yu'un ya calbeyex awaiyic ta apisilic te ma me ayuc mach'a muc' scuyoj sba. Yich'ojuc me swentail te bit'il c'oem sba ta yo'tan ya yaiye, chican te jayeb majt'anil ac'bot yu'un Dios ta swenta xch'uunjel te yo'tane. 4Jich bit'il ay bayal ta jchajp te bila ay ta jbaq'uetaltique, ja'uc me to, ma junuc nax yat'el ta spisil. 5Ja' nanix jich te jo'otique. Manchuc teme tsobolotic ta jtule, ja'uc me to, jun nax jbaq'uetaltic ta stojol te Cristoe, jich bit'il jun nax ay te bitic ay ta jbaq'uetaltique. 6Yanyantic jmajt'antic yac'ojbotic te Diose, chican te bit'il ay yutsil yo'tan cu'untic te Diose. Jich yu'un, te mach'a ac'ot ta j'alwaneje, ac'a me yat'elin spasel ta swenta xch'uunjel yo'tan. 7Te mach'a ac'ot ta abatinele, ac'a me yac' sba ta abatinel. Te mach'a ac'ot ta jp'ijubteswaneje, ac'a me yat'elin te p'ijubteswaneje. 8Te mach'a ac'ot ta jtac'uywaneje, ac'a me yat'elin tac'uywanej. Te mach'a ac'bil ta swenta sq'uebanel, junuc yo'tan ac'a me sq'ueban. Te mach'a ac'ot ta jwolwaneje, toyoluc me yo'tan ta spasel. Te mach'a ac'ot ta jc'uxtaywaneje, socuc me sbujts' yo'tan ac'a spas. 9C'ux me x'awaiy abaic ta melel. Ilayaic te bila amene; ja' me x'at'unic te bila leque. 10Talel c'axel c'ux me x'awaiy abaic te bit'il awermano abaique. Jech ich'a me abaic ta muc' juju-jtul. 11Ya sc'an te toyoluc awo'tanic, ma me xch'ajubex. Ayuc me yip awo'tanic, ac'a me abaic ta abatinel yu'un te Cajwaltique. 12Bayaluc me sbujts' awo'tanic ta smaliyel te utsilale. Ts'ijc'uc me awu'unic te uts'inele. Ma me xawijq'uitayic sc'oponel te Diose. 13Q'uebanbeya abiluquic teme ay bila ma'yuc yu'un te mach'atic ch'ul lum yu'un te Diose. Binuc nax me awo'tan xawiq'uic ochel te mach'a ya xtal yilate. 14C'anbeyaic bendición ta stojolic te mach'atic ya yuts'inexe; ma me xabolc'optayic. 15Ayuc me sbujts' awo'tanic soc te mach'atic ay sbujts' yo'tanic ya awilique. Pajal me x'oq'uex soc te mach'atic ayic ta oq'uele. 16Junuc me awo'tan abaic spisil ora. Ma me toybauquex. Ja' ya sc'an te ya ajoin abaic soc te mach'atic peq'uel ayique. Ma me xacuy abaic ta p'ij atuquelic. 17Ma me xawac'bey stoj teme ay mach'a amen te bi ya spasbeyexe. Ac'a ta ilel te bila lec ta stojol spisil te ants-winiquetique. 18Ta bay c'alal ya xju' awu'unique, ya sc'an te lamaluc q'uinal awu'unic soc te yantique. 19Quermanotac te c'uxex ta co'tane, ma me xawac'beyic spacol te mach'a staoj smul ta atojole. Ijq'uitaybeya ta swenta yilimba te Diose, te melel jich ts'ibubil jilel ta Sjun te Diose: “Jtuquel ay ta jwenta yaq'uel spacol. Jo'on ya cac'bey stoj”, te xi' te Cajwaltique. 20Jich yu'un: “Teme ay ta wi'nal te acontroe, ac'beya swe'el. Teme taquin yo'tane, ac'beya ja' yuch'. Melel teme jich ya apas in to, jich ya awac' te ya stsajub yelaw yu'un te q'uexlale”, te xie. 21Ma me xawac' abaic ta tsalel yu'un te bila amene. Tsalaic me te bila amen ta swenta te bila leque.


Copyright
Learn More

will be added

X\