2 Corintios 13

1Teme tal quilexe, ja' yoxebal buelta abi. Teme ay c'op ya xchajbaje, ja' to me tulan sc'oplal ya xc'ot a teme ay cha'oxtul testigo yu'une. 2Jich te bit'il la calbey te mach'atic staoj smulic a te xchebal buelta te la joinexe, ja' nix jich ya calbey xan ta jun soc spisil te yantique, manchuc teme ma ba joinejex: Teme ya xtal quilex ta yan buelta, ma'yuc mach'a ya xcol ta castigo. 3Tey me ya awilic a te ja' Cristo te yac ta c'op ta jwentae. Ma peq'ueluc yip ya xc'opoj ta atojolic te Cristoe, melel ya me yac'beyex awilic te bit'il bayal yu'el ta atojolique. 4Jich c'oem te bit'il mero ma'yuc yipe, jich la yich' jijp'anel ta cruz. Ja'uc me to, cuxulix ta swenta yu'el te Diose. Ja' nanix jich te jo'otique, ma'yuc quiptic uuc. Ja'uc me to, pajal cuxulotic soc ta swenta yu'el te Diose swenta yu'un ya cac' jbajtic ta abatinel ta atojolic. 5Te ja'exe aiya me awaiyic ta awo'tanic teme ay xch'uunjel awo'tanique. Tsajtaya me awaiy abaic ta lec. ┬┐Ma bal yacuc ana'ic te ay ta awo'tanic te Jesucristoe?, teme ma tojoluc awalojic te ach'uunejique. 6Soc co'tanuc te yacuc ana'ic stojol te ma tojoluc te yacotic ta xch'uunel te jo'otique. 7Soc ya jc'opontic Dios ta atojolic te manchuc ya apasic te bila amene. Ma yu'unuc ya cac'tic ta ilel te lec jc'oplaltic jtuqueltique. Ja' nax ay sc'oplal ta co'tantic te ya apasic te bila leque, manchuc teme ma ba lec jc'oplaltique. 8Melel ma xju' ta controinel cu'untic te bila smelelile, ja' nax ya sc'an ya yich' pasel te bila smelelile. 9Ya xbujts'naj co'tantic yu'un te bit'il ma'yuc quiptique, teme ay awipic atuquelic te ja'exe. Soc ja' ya jc'anbeytic Dios te jc'axel lec ya xc'oexe. 10Ja' swentail te neel la jts'ibubeyex in carta to te c'alal ma to xtal quilexe, swenta yu'un te c'alal ya xtalone, ma puersauc te tulan ya jc'oponexe. Ja' nax me ya jpas te bit'il yac'ojbon cat'el te Cajwaltique, swenta yu'un ya sta yip awo'tanic ta stojol a te Diose. Ma ja'uc yac'ojbon cat'el yu'un te ya jinexe. 11Lec ay, quermanotac, ayuc me sbujts' awo'tanic spisil ora. Antayaic me te lec ya xc'oexe. Muc'ubenuc me q'uinal ya awaiyic spisil ora. Junuc me awo'tan abaic soc lamaluc me q'uinal awu'unic. Ac'a sjoinex spisil ora te Diose, te lamal q'uinal ta swentae soc te bayal c'uxex ta yo'tan stuquele. 12Juju-jtul patbeya aba awo'tanic ta swenta te ch'ul bujts'iyele. 13Spisil te mach'atic ch'ul lum yu'un Dios la sticunbeyex spatjibal awo'tanic. 14Ich'aic te yutsil yo'tan te Cajwaltic Jesucristoe, soc te xc'uxul yo'tan te Diose, soc ja' me ac'a sjoinex spisil ora ta apisilic te Ch'ul Espiritue. Jichuc.


Copyrighted Material
Learn More

will be added

X\