2 Corintios 7

1Ja' yu'un vo'oxuc ti lec jc'anojoxuque, ja' jc'oplaltic ti va'ay x'elan yaloj li Diose. Jech tsc'an ac'o me jq'uel jbatic ta sventa li c'usi tsoques jbec'taltic xchi'uc co'ntontique. Ja' tsc'an chijlecubutic o batel ta sventa ti quich'ojtic xa ta muc' li Diose. 2Scotoluc me avo'nton tuc'ulanic li c'usi chcalcutique. Me junuc mu'yuc boch'o chopol c'usi la jpasbecutic. Me junuc mu'yuc boch'o la jsocbecutic yo'nton, xchi'uc mu'yuc boch'o la jlo'lacutic ta mucul. 3Mu yu'unuc ta jtic'cutic amulic ti jech chcale. Calojboxuc xa lec ti oyoxuc ta co'ntone. Me chachamique, ac'o chamcun ec; me cuxuloxuque, ac'o cuxicun ec. 4Solel lec jamal co'nton ta atojolic; toj jun co'nton avu'unic. Lec la jta spatubil co'nton avu'unic; bats'i toj xcuxet no'ox co'nton, ac'o me toj ep li jvocole. 5Yu'un c'alal livul li' ta Macedonia banamile, me jutuc mu'yuc bu la jcux o ta uts'intael; buyuc no'ox oyuncutic, toj ep jvocolcutic. Me oyuncutic ta spat, oy tsots uts'intael; me oyuncutic ta yut, oy ep c'op o'nton. 6Pero li Dios ti stalel tsmuq'uibtasbe yo'nton li boch'otic chat yo'ntone, la smuq'uibtasbun co'nton ta sventa ti ital li Titoe. 7Pero ma'uc no'ox imuq'uib co'nton ta sventa ti ivule; ja' ta sventa ti toj jun no'ox yo'nton ital avu'unic li vo'oxuque. Vul yalbuncutic scotol ti chavat avo'ntonic cu'uncutique, ti ep cha'oq'uique, ti bats'i jun avo'ntonic ta jtojole. C'alal laj ca'ay scotol jech chac le'e, ech'em to laj yac'bun xcuxetel co'nton. 8Ac'o me laj avat avo'ntonic ta sventa li jcartae, pero mu xa xlo'ilaj co'nton. Ac'o me oy to'ox bu vocol laj ca'ay c'alal laj quil ti laj avat avo'ntonic cu'un jayibuc c'ac'ale, 9pero li' ta orae xcuxet no'ox co'nton. Ma'uc xcuxet co'nton ti laj cac' avat avo'ntonique. Ja' xcuxet co'nton ti laj asutes avo'ntonic ta sventa li at-o'nton laj ava'yique. Yu'un ja' laj avat avo'ntonic ta sventa li Diose, jech mu'yuc boch'o isoc o ta sventa ti c'usi la jts'ibaboxuc tale. 10Yu'un li boch'o ch-ac'bat yat yo'nton yu'un Diose ja' sventa tsutes yo'nton, yu'un jech chcol. Yan li at-o'nton sventa no'ox banamile ja' no'ox sventa ch'ayel. 11Q'uelo avilic c'usi lec laj ataic ta sventa ti ja' laj yac' avat avo'ntonic li Diose. Yu'un oy xa ta avo'ntonic xchapanel li c'ope; chac'anic ti mu'yuc amul chacomique; la'ilinic yu'un li mulile; oy xi'el laj ava'yic; laj avat avo'ntonic cu'uncutic; toj tsots sc'oplal laj ava'yic ti ac'o lecubuc scotole. Ja' jun tojobtasel laj ava'yic. Ta sventa scotol le'e ja' svinajeb ti mu'yuc amulic ta sventa li c'usi c'otem ta pasel ta atojolique. 12Ja' yu'un, li carta la jts'ibaboxuc tale ma'uc no'ox ta sventa li boch'o staoj smule, xchi'uc ma'uc no'ox ta sventa li boch'o staoj smul ta stojole. Ja' sventa ac'o vinajuc lec ta atojolic xchi'uc ta stojol Dios ti ta melel jun avo'ntonic ta jtojolcutique. 13Le'e ja' mero spatubil co'ntoncutic ic'ot avu'unic. Pero ech'em to ital xcuxetel co'ntoncutic ta sventa ti toj xcuxet no'ox yo'nton ital ec li Titoe, yu'un toj jun yo'nton avu'unic acotolic. 14Ti c'u x'elan toj jun co'nton laj calbe ac'oplalic li Titoe, jech ic'ot o; muc nacauc xcac'be jba q'uexlal. Jech chac c'u cha'al melel scotol li c'usitic laj calboxuc tale, ja' no'ox jech melel scotol c'u x'elan laj calbecutic ac'oplalic li Titoe. 15Ech'em to chasc'anoxuc li Tito c'alal cht'ab ta yo'nton ti lec xach'unic c'usi chavich'ic albele, xchi'uc ti c'u x'elan lec ch'ambil ic'ot avu'unic c'alal ic'ot ta atojolique, ti lec laj avich'ic ta muq'ue. 16Xcuxet no'ox co'nton ec ti xu' ta jpat lec co'nton ta atojolique.


Copyright
Learn More

will be added

X\