2 Corintios 6

1Ta sventa ti co'ol chi'abtejcutic xchi'uc li Diose, ja' yu'un chajc'anboxuc vocol ec: Mu me alticuc ti oy slequil yo'nton ta atojolic li Diose. 2Yu'un jech yaloj li Diose: “C'alal ja' xa yorail chaquic'ote, chca'ibot li ac'ope. C'alal ja' xa sc'ac'alil chacole, ta jcoltaot”, xi. A'yo ava'ay, yorail xa chayic'ot; ja' xa sc'ac'alil chascoltaot. 3Mu jc'an boch'o jsocbecutic yo'nton junuc. Yu'un mu jc'an chopol chbat sc'oplal li yabtel Dios yac'ojbuncutique. 4Ja' no'ox oy ta co'nton chcac'cutic ta ilel ti ta melel vu'uncutic oy cabtelcutic ta stojol Diose. Ja' yu'un te jts'icojcutic scotol: uts'intael, vocol ta sventa mu'yuc c'usi oy cu'uncutic, at-o'nton, 5nucul, tiq'uel ta chuquel, vochvochc'optael, tsatsal abtel, yavayel, xchi'uc vi'nal. 6Jech noxtoc chcac'cutic ta ilel ti tuc' co'ntoncutique, ti oy jbijilcutic ta sventa Diose, ti oy smuc'ul co'ntoncutique, ti oy slequil co'ntoncutique, ti ventainbiluncutic yu'un Ch'ul Espiritue, ti ta melel chic'anvancutique, 7xchi'uc ti melel c'usi chcalcutique, xchi'uc ti oy svu'el li Diose. Chcac'cutic persa xchi'uc li cabtejeb ac'biluncutique, ja' li stuq'uil co'ntoncutique, xchi'uc li quespadacutique, xchi'uc li jmaccutique, 8xchi'uc ta sventa me ich'biluncutic ta muc', me mu ich'biluncuticuc ta muc', me lec jc'oplalcutic, o me chopol jc'oplalcutic. Ac'o me cuybiluncutic ta jlo'lavanej, pero melel c'usi chcalcutic. 9Ac'o me chi'albatcutic ti mu'yuc otquinbiluncutique, pero lec otquinbiluncutic. Ac'o me solel chac chamcuncutic ya'yic, pero yoquel to li' cuxuluncutic. Ac'o me chalic ti yu'un xa chiyac'bun jtoj jmulcutic li Diose, pero mu yu'unuc chismiluncutic o. 10Ac'o me chalic ti chcat xa co'ntoncutique, pero scotol ora xcuxet no'ox co'ntoncutic. Ac'o me me'onuncutic chilic, pero ep xa boch'o la jpascutic ta jc'ulej. Ac'o me solel mu'yuc c'usi oy cu'uncutic, pero jtaojcutic scotol. 11Corintoetic, laj xa jam lec quecutic ta atojolic. Jamal laj calboxuc scotol c'u x'elan co'ntoncutic. 12Me jutuc mu'yuc c'usi la jnac' ta co'ntoncutic. Pero li vo'oxuque mu jechuc chajam lec avo'ntonic ta jtojolcutic. 13Ja' lec pasbuncutic jech ec jech chac c'u cha'al lec jamal co'ntoncutic ta atojolique, yu'un jnich'naboxuc chca'icutic. 14Mu me xapas abaic ta jun achi'uquic li boch'otic mu'yuc xch'unojic Diose. Yu'un mu xu' ta xchi'in sbaic xchi'uc li boch'o tuc' yo'ntone xchi'uc li boch'o mu tuc'uc yo'ntone. ¿Me xu' chchi'in sbaic xchi'uc sac osil li ic' osile? 15¿Me xu' co'ol c'usi tsnop xchi'uc Cristo li pucuje? Ja' no'ox jech ec li boch'o xch'unoj Diose ¿me xu' co'ol c'usi tsnop xchi'uc li boch'o mu'yuc xch'unoje? 16¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox. 17Jech yaloj noxtoc: “Loc'anic me ta stojolic, voc'o abaic loq'uel; mu me xapiquic li c'usi toj chopole, jech chaquic'oxuc ta jtojol. 18Jech vu'un Atoticun chic'ot; vo'oxuc jquerem jtseb chac'otic o ec, xi li Cajvaltic ti ech'em svu'ele.”


Copyright
Learn More

will be added

X\