1 San Pedro 4

1Ja' yu'un ja'uc me jechoxuc li vo'oxuque, cuchuc me avu'unic ec li vocol jech chac c'u cha'al laj yich' vocol li Cristoe. Yu'un li boch'o laj xa yich' vocol ta sbec'tale itsal xa yu'un o li mulile, 2jech mu xa ja'uc tspas li c'usi tsc'an sbec'tale. Ja' xa tspas c'usi tsc'an Dios ti jayib to c'ac'al cuxule. 3Ep c'ac'al jech laj apasic jech chac c'u cha'al tspasic li boch'otic mu xich'ic ta muc' Diose; ja' laj avac' abaic ta spasel li c'usitic chopole, li c'usi tsc'an abec'talique, li yacubele, xchi'uc i'ech' ta bis avu'unic li ve'el uch'bajele, xchi'uc laj avich'ic ta muc' li c'usitic cuybilic ta dios ti toj chopol chil Diose. 4Li vo'oxuc li' ta orae, labal cha'yic ti mu'yuc xa chachi'inic ta spasel li c'usitic chopol tspasic ti mu'yuc spajebal yu'unique, jech chopol xa chal ac'oplalic. 5Le'e ta to xich'ic chapanel yu'un li Boch'o chapal sventa chac'be stoj smul li boch'otic cuxulique xchi'uc li boch'otic chamenique. 6Ja' yu'un c'alal ta boch'otic chamenic xa'ox laj yich'ic albel li Lequil A'yeje, yu'un jech xu' chcuxiic li boch'otic ch-ac'bat xcuxlejalic yu'un Diose, ac'o me laj xa yich' stojol smulic li' ta banamil jech chac c'u cha'al chich' scotol cristianoetique. 7Po'ot xa chlaj scotol li c'usitic oye. Ja' yu'un bijanic me ta sventa li c'usi chapasique; teuc me avo'ntonic ta sc'opanel li Diose. 8Pero ja' tsots sc'oplal ti ech'em to ac'o ac'an abaic li vo'oxuque. Yu'un li c'anvaneje ta xac' ch'ayuc ep mulil. 9Iq'uic ochel li boch'o chc'ot ta anaique; mu me xabic'talvulajeticuc xapasic. 10Jujunoxuc tunesic ta stojol yantic ti c'u x'elan amotonic yac'ojboxuc Diose, jech lequil j'abteloxuc chac'otic ta sventa li c'usitic xu' avu'un ac'biloxuc yu'un Diose. 11C'alal me oy boch'o chc'opoje, ja' ac'o yal jech chac c'u cha'al chal li sc'op Diose. Me oy boch'o tsc'an ta xtune, ac'o spas ti c'u x'elan stsatsal ac'bil yu'un Diose. Scotol li c'usitic chapasique, ac'o ja'uc sventa ch-ich'at ta muc' Dios avu'unic ta sventa li Jesucristoe, yu'un ja' no'ox ich'bil ta muc', ja' no'ox oy svu'el sbatel osil. Jechuc. 12Vo'oxuc ti lec jc'anojoxuque, mu me ch'ayeluc chc'ot avo'ntonic ta sventa li tsatsal vocol chavich'ique, yu'un ja' sventa chich' q'uelel avo'ntonic. Mu me xanopic ti atuquic xa no'ox jech chavich'ic vocole. 13Ja' tsc'an cuxetuc no'ox avo'ntonic, yu'un co'ol chavich'ic vocol jech chac c'u cha'al laj yich' vocol li Cristoe. Jech xcuxet no'ox avo'ntonic noxtoc ti c'alal tsta yorail chtal xchi'uc slequilal yutsilale. 14Cuxetuc no'ox avo'ntonic me oy boch'o chaxchopolc'optaoxuc ta scoj li Cristoe, yu'un li Ch'ul Espíritu yu'un Dios ti toj ech'em slequilale te xchi'inojoxuc o. 15Me oy boch'o chich' vocol avu'unique, mu me ta scojuc imilvan, i'elc'aj, la sa' tsots smul, o me la stic' sba ti bu mu sventauque. 16Me ta xich' vocol ta scoj ti xch'unoj Cristoe, mu me xq'uexov. Ac'o no'ox yalbe slequilal Dios ta sventa ti xcuchojbe xa sbie. 17Yu'un li nucul chac' Diose laj xa sliques ta stojol yalab xnich'nab. Me ja' ba'yuc tsliques ta stojol yalab xnich'nabe, ¿c'u to x'elan chich'ic ta slajebal li boch'otic mu xch'unic li Lequil A'yeje? 18Me ta vocol ta xcol li boch'o tuc' yo'ntone, ¿c'u to x'elan chc'ot ta pasel ta stojolic li boch'otic ven chopolic, xchi'uc li jpasmuliletique? 19Ja' yu'un, li boch'o chich' vocol ta sventa ti jech tsc'an Diose, ac'o no'ox spasilan o li c'usitic leque, xchi'uc ac'o yac' sbaic o ta sc'ob li Diose, ja' li Jpasvanej yu'unique. Yu'un li stuque staoj yav yo'nton o ta stojolic.


Copyrighted Material
Learn More

will be added

X\