2 Timoteo 1

1Vu'un Pablo, yajcholc'opun ti Jesucristoe. Ti jech loc' ayan ta yo'nton ti Diose, tacbilun ta yalel sc'oplal ti cuxlejal ti albil ono'ox sc'oplal ta jtatic ti oyotic ta stojol ti Cajvaltic Jesucristoe. 2Ta jts'ibabot talel ti jvun li'e, jnich'on Timoteo, yu'un ta jc'an ti ta sva'an sba ta atojole, ti ta xc'uxubinote, ti ta xac'bot slamajemal yo'nton ti Jtotic Diose xchi'uc ti Cajvaltic Jesucristoe. 3C'ac'al ac'ubal ta ono'ox jvulesot ta co'nton c'alal ta jta ta c'oponel ti Diose, yu'un, colaval, xcut ti Dios ti Buch'u ta yutsil co'nton ta xitun yu'une jech c'u cha'al laj spasic ti jmolmuc'totac ta vo'nee. 4Ta ono'ox xavul ta co'nton ti laj amal ya'lel asat ti c'alal lacom cu'une. Tana li' une, ta jc'an ta jq'uelot ca'i yo' jech ta xmuyubaj ti co'ntone. 5Yu'un ta xvul ta co'nton xtoc ti jamal lec avo'nton ta xch'unel ti Cajvaltique. Yu'un ja' ba'yel c'ot ta yo'nton ta xch'unel ti ayaya Loidae xchi'uc ti ame' Eunicee. Ta jna' lec ti jech c'otem ta avo'nton eque. 6Jech o xal un, ta jc'anbot vocol ta atojol ti tsinbo yipal ta yabtelanel ti amoton laj yac'bot ti Dios c'alal laj jcajan jc'ob ta atojole. 7Yu'un laj to c'op ma' ti ta xac' xi'el ta co'ntontic ma' ti Diose, yu'un ti Diose ta xac' yip stsatsal co'ntontic, syail xc'uxul co'ntonic, lec snopbenal. 8Ja' yu'un un, mi ja'uc xaq'uexav ta yalbel sc'oplal ti Cajvaltique. Mi ja'uc xaq'uexav xtoc ti jech tiq'uilun ta chuquel ta sventa ti Jesuse. Ta sventa ti coltabilot yu'un ti Diose, ts'icuc cuchuc avu'un ti avocol ta sventa ti colebal lequil ach' c'ope. 9Ti ta vo'ne ti c'alal mu'yuc to ox meltsajem ti banomile, oy ono'ox jc'oplaltic yu'un Dios ta scoltaelotic, ta yiq'uelotic ta stojol yo' jech ta xijtun yu'un c'alal mi ja'uc jutebuc oy c'usi lec laj jpastique. Yu'un jech ono'ox snopoj stuc ta slequil yutsil yo'nton ti laj xc'uxubinotic ti jech oyotic ta stojol ti Cristo Jesuse. 10Avi tana une, vinaj ti syail xc'uxul yo'nton Dios ta sventa ti vul ta loq'uel ti Jcoltavanej Jesucristoe, ti tal stubbe yip stsatsal ti lajebale. Yu'un ta sventa ti colebal lequil ach' c'ope, laj xa yac' ta na'el ti laj xa jtatic ti jcuxlejaltic ti mu sna' xlaje. 11Ti Diose laj yac'bun jbain ta yalel ti lequil ach' c'ope, ti tacbilun ta jcholc'op yu'une yo' jech ta jchanubtas ti jyanlumetique. 12Ta sventa taj une, yacal ta xquich' jvocol yu'un, ti mu ja'uc ta xiq'uexav yu'une, yu'un jna' oy Buch'u jpatoj co'nton ta stojol. Jna' lec xtoc ti oy smuc'ul stsatsal ta xchabi yo' ta xc'ot ta tsutsel cu'un ti c'usi laj sc'ubanbune ja' to ta xlaj c'op mi sta ti smuc' ta c'ac'alile. 13Jech xachanubtasvan o jech c'u cha'al ti lequil chanubtasel laj cac' avile. Staojuc o yav avo'nton xtoc ti c'otemuc ta ch'unel avu'un ti Cajvaltique, ti oyuc syail xc'uxul avo'nton ti jtaojtic ta sventa ti oyotic ta stojol ti Cristo Jesuse. 14Ta sventa ti coltabilotic yu'un ti Ch'ul Espíritu ti cuxul ta jtojoltique, ja' yu'un un, ventaino, chabio ti c'usi la'ac'bat abain yu'un ti Diose. 15Ta xcal ava'i ti c'u yepalic oyic ta slumal Asia banomile, laj xa xch'ayicun ta yo'ntonic. Ta scotolic taje, oy ta venta ec ti Figeloe, ti Hermógenese. 16Ta jc'an ac'o c'uxubinatuc yu'un Cajvaltic ti c'u yepal oyic ta sna ti Onesíforoe, yu'un ep ta coj laj spatbun co'nton, xchi'uc mu'yuc xq'uexav cu'un ti jech tiq'uilun ta chuquele. 17C'ajomal stuc laj spas tsatsal ta sa'elun c'alal oyun ta Romae ja' to ti c'uxi laj staun ta sa'ele. 18C'alal ta sta yorail ti jun muc' ta c'ac'ale, ac'o c'uxubinatuc yu'un ti Cajvaltique. Ana'oj lec ti ep laj scoltaotic c'alal oyotic ta Efesoe.


Copyright
Learn More

will be added

X\