2 Corintios 7

1Ti co'ol jchi'il jbatique, ja' jech albil ma' ti jc'oplaltic taje. Jech o xal tsots sc'oplal, la' jq'uel jbatic lec, mu jsoques ti jbec'taltique, mi ja'uc ti co'ntontique, jxi'tatic ti Diose yo' lec ta q'uelel ti jcuxlejaltique. 2Mu xyanij avo'ntonic ta jtojolcutic. Mu'yuc c'usi chopol laj jpasboxuc. Mu'yuc bu laj jsoquesoxuc. Mu'yuc bu laj jlo'laoxuc. 3Mu yu'unuc ta jna'leoxuc ti va'i s'elan ta xcale, yu'un calojboxuc ono'ox ava'iic talel ti oyoxuc ono'ox ta co'ntoncutique ac'o mi cuxuluncutic, ac'o mi xic'ot ta tsutsel. 4Bats'i mu'yuc xa buch'u xtaun ta xca'icutic ti ximuyubajcutic ta atojolic ti jamal que jti'cutic ta yalel ti ac'oplalique manchuc mi oyuncutic ta vocol. 5C'alal livulcutic ta Macedonia banomile, mu'yuctic lec ti cux o'ntone, yu'un xi s'elan laj jtacutic ep ta tos ti vocole: Yan sba xi'el ta co'ntoncutic, yu'un joyol ta jpat jxoconcutic ti vocole. 6Ja'uc ti Diose, ti ta xac'be yip yo'nton ti buch'u ch'abal xa ti yip yo'ntone, laj yac'bun yip co'ntoncutic c'alal vul ta jtojolcutic ti Titoe. 7Ma'uc no'ox ti vul ta jtojolcutique, yu'un laj ca'icutic ti jun yo'nton ta atojolique. Laj yalbun ca'icutic ti ta xac'an xaq'uelbuncutic ava'iic ti jsatcutique. Laj yalbuncutic ti oyoxuc ta at o'nton ta scoj ti ta xavul avo'ntonic ta jtojolcutique. X'ech' to ximuyubajcutic liquel avu'unic ma' taj une. 8Ac'o mi laj yac'oxuc ta at o'nton ti jlic jvun ti laj jts'ibaboxuque, avi tana un, mu jcha'na' ti jech laj jpascutique. Oy bu vocol laj ca'icutic yu'un laj cac'oxuc ta at o'nton ti ma'uc jale. 9Avi tanae, ximuyubaj xa, ma'uc ta scoj laj cac'oxuc ta at o'ntone, yu'un ti jech laj avat avo'ntonique, loc' venta yu'un lasutic talel ta stojol ti Diose. Yu'un jech loc' ayan ta yo'nton Dios ti laj avat avo'ntonique. Ti vu'uncutique mu'yuc c'usi chopol laj jpasboxuc. 10Ti at o'ntonal liquem talel ta stojol ti Diose, ja' ta xac' ta na'el ti yich'uc ictael comel ti xchopolal o'ntonale yo' ta xich' talel ti pojel colele, yo' jech mu'yuc c'usi xal ti o'ntonale. Ja'uc ti at o'ntonal sventa banomile, naca lajel tubel sq'ueloj batel. 11Ti jech cuch avu'unic ti at o'nton jech c'u cha'al lec ta xil ti Diose, q'uelo avil, yutsil c'ot ta pasel un. Laj yac'boxuc ana'ic ti sc'an chapanel ti c'ope, ta spaquel ti jc'oplale, la'ilinic yu'un ti mulile, laj yac'boxuc xi'el. Ts'acal to un, ta xac'an xaq'uelicun ava'iic. Jbel sc'oplal laj achapanic ti buch'u staoj ti smule. Ti jech laj apasic taje, laj avaq'uic ta ilel ti mu xac'anic ti mulile. 12Ti jech laj jts'ibaboxuc ti jlic jvuncutique, mi ja'uc c'otem ta sventa ti buch'u soquesvane, mi ja'uc c'otem ta sventa ti buch'u soquesune. Ti jech laj jts'ibaboxuc ti jlic jvune, ja' ta sventa yo' ta xavilic ta stojol Dios ti oyuncutic ono'ox ta avo'ntonique. 13Jech o xal un, xpatet to co'ntoncutic yu'un ma' taj une. Ma'uc no'ox laj jtacutic ti spatobil co'ntoncutique, ja' x'ech' to ximuyubajcutic c'alal laj ca'icutic ti jun yo'nton ti Tito ta atojolique, yu'un acotolic laj avac'beic ta ach' ti yip yo'ntone. 14Yu'un mu'yuc laj avaq'uicun ta q'uexlal ti laj calbe ya'i ti Tito ti mu'yuc xa buch'u jech xtaun o xca'i ta sventa corintoetique. Ti jech laj jvinajes ac'oplale, jech ono'ox c'ot ta pasel ta melel jech c'u cha'al ti xi laj calbe ya'i ti Titoe: Ta sventa ti corintoetique mu'yuc buch'u jech xtaun o ta xca'i ta sventaic. 15Jech o xal ti stuque x'ech' to c'uxoxuc ta yo'nton c'alal ta svules ta sjol ti laj ach'unbeic ti c'usi laj yale, ti ech'em ich'bil ta muc' c'ot avu'unique. 16Ximuyubaj xa ti j'ech'el ti xu' ta jpat co'nton ta atojolique.


Copyright
Learn More

will be added

X\