2 Corintios 13

1Ja' xa yoxcojal ta xtal jq'ueloxuc. Scotol ti c'usi sc'an chapanel avu'unique, ja' to ich'bil ta muc' ta xc'ot mi oy chib o oxib rextico ta sva'an sbae. 2Ti c'alal ay jq'ueloxuc ta xcha'cojale, laj ono'ox calboxuc ava'iic c'usi ta xc'ot ta pasel ta atojolic. Avi tana li'e, ac'o mi nom oyun, ta jcha'alboxuc ti xichi ono'ox laj calboxuc ava'iique: Scotol ti buch'u vo'ne xa sa'sun ta sa'el ti smule xchi'uc ti buch'utic chlic sa' ti smulique, laj to ta alel ta xich' c'uxubinel. 3Yu'un yacaloxuc ta q'uelel mi ta melel ja' Cristo sva'anoj sba ta jtojol c'alal ta xic'opoje. Ti Cristoe oy xa yip c'alal ta sc'oponoxuc ta jventae, ta xac' avilic ti smuc'ul stsatsal ta atojolique. 4Ta melel ava'uquic, co'ol s'elan ch'abal stsatsal ti Cristo c'alal jipil ta curus chame. Avi tana le'e, cuxul ta sventa smuc'ul stsatsal ti Diose. Ja' jech oy ta jtojolcutic ti vu'uncutic ti mu'yuc c'usi xu' cu'uncutique. Ti jech jununcutic xa ta stojole, cuxuluncutic ta sventa smuc'ul stsatsal ti Diose yo' jech ta xituncutic ta atojolic. 5A'yic lec ti c'u a'elanique yo' jech xana'ic mi jun avo'ntonic c'otem ta xch'unel avu'unic ti Cajvaltique. Biso abaic lec, ¿mi mu xavilic oy ta atojolic ti Jesucristoe? ¡Ja' xa no'ox mi ta xalo'la abaique, mu xavilic unbi! 6Ta xcal ti vu'une, ta xavilic ti ma'uc ch'ayemuncutic ta bee. 7Ta jtacutic ta c'oponel Dios yo' mu'yuc c'usi chopol ta xapasic. Ma'uc ta xcac' ana'ic ti cajal xa xca'i jbacutic ti x'ech' cuch xa cu'uncutic ti jvocolcutique. C'ajomal no'ox oy ta co'ntoncutic ti lecuc ti c'usi ta xapasique, ac'o mi mu'yuc ti jrazoncutic ta xava'iique. 8Yu'un ti bu ja' melele, mu stac' jyanijescutic ti smelole, yu'un ja' no'ox tsacbil ta venta ta xc'ot cu'uncutic ti bu ja' melele. 9Jech o xal un, ximuyubajcutic xa c'alal ta xca'icutic ti mu'yuc yipal cu'uncutique, ti ja' tsots sc'oplal ti oyuc yipal avu'unique. Jech o xal un, ta ono'ox jc'oponcutic Dios ta atojolic yo' jech ta xatambeic smelol stuq'uil. 10C'alal mu'yuc to bu ta xic'otcutique, ba'yel ta jcaj-tac jelavel talel ti jvuncutique yo' c'alal mi lic'otcutic ta atojolique, mu tsotsuc ti quecutic ta atojolic ti jech quich'oj cabtel yu'un ti Cajvaltique. Ti cabtel quich'ojcutique ja' ta sventa yo' jech ta xach'iic ta yich'el ta muc' ti Cajvaltique, ma'uc ta xajsoquesoxuc. 11Ti slajeb ta xcalboxuc ti co'ol jchi'il jbatique, junuc avo'ntonic cuxianic. Sa'ic batel slequilal yutsilal ti Diose. Patbo aba avo'ntonic, tsotsanic. Ti Dios ti oy syail xc'uxule, ti ta xac' slamajemal o'ntonale, oy ta atojolic. 12Chabanuc xavalbe abaic ta jujun tal, tsacbo aba ac'obic. 13Chabanucoxuc xayalbe ti jch'unolajeletic ti li' oyique. 14Ich'beic slequilal yutsilal ti Cajvaltic Jesucristoe, xchi'uc ti syail sc'uxul yo'nton ti Diose, xchi'uc ti sva'anojuc o sba ti Ch'ul Espíritu ta atojolique. Jechuc.


Copyright
Learn More

will be added

X\