1 Timoteo 4

1Jamal ta xal ti Ch'ul Espiritue ti c'alal slajebtic xa batel ti c'ac'ale, oy jlom ta xicta sbaic ta xch'unel ti Cajvaltique, ta xbat sts'acliic jlo'lavanej jchanubtasvanejetic ti liquem talel ta stojol pucuj ti c'u s'elan ta xchanubtasvanique. 2Yu'un ta sts'etan xchiquinic ta ya'yiel sc'op ti jutc'op jnaclejetic ti ta spac'ta sbaique, yu'un co'ol s'elan c'aq'uem xa ta c'ac'al taq'uin ti snopbenal yu'unic ti mu xa'iic xa albele. 3Ti jutc'opetic taje ta xalic ti mu xu' xijnupune. Ja' jech xtoc ta xalic ti mu scotoluc stac' lajesel ti ve'liletique ac'o mi pasbil ono'ox yu'un Dios ti ve'liletique. ti xu' ta slajesic ti jch'unolajeletic ti buch'utic xojtiquinic ti bu ja' melele, ti c'alal colaval Dios xutic c'alal ta slajesique. 4Yu'un scotol ti c'usi yac'oj comel ti Diose, lec ta j'ech'el, mu'yuc c'usi ta bajel, mi colaval x'ute ti Dios c'alal ta xich' lajesele. 5Yu'un ts'uiltasbil ta xc'ot ta sventa ti c'opojel ti'inele, xchi'uc ta sventa ti yaloj comel sc'op Diose. 6Mi jech ta xachanubtas ti jch'unolajeletic taje, ta melel unbi, ja' jun lequil jtunelot yu'un ti Jesucristoe, yu'un yacal ta xamalq'uin aba ta sventa ti sc'op Dios ti c'otem ta avo'nton ta xch'unele, xchi'uc ta sventa ti c'u s'elan laj avich' chanubtasele. 7Mu xats'et-chiquinta ta ya'yiel lo'iletic ti naca sventa sba banomil no'oxe, mu xloc' venta ta a'yiel. Ja' paso tsatsal ta spasel ti c'usi ta sc'an ti Diose. 8Ac'o mi ta xtun yu'un ti buch'u yacal ta xchan yip ta xicubtasel ti sbec'tal stacopale, ja'uc ta spasel ti c'usi ta sc'an ti Diose, tsots sc'oplal ta xtun ta sventa scotol, ti albil sc'oplal ti oy c'usi ta xich' tael yu'un ti jech li' to cuxulotic ta banomile, xchi'uc ti le' to sq'ueloj batele. 9Tsots sc'oplal tac'biluc ch'unbiluc yu'un scotolic, yu'un melel ma' taje. 10Jech o xal un, ja' stu ta xij'abtejotique, ta jts'ictic ilbajinel, yu'un jpatoj co'ntontic ta stojol ti cuxul Diose, ti ja' Jcoltavanej yu'un scotol ti jnaclejetic ta banomile, ja' x'ech' to Jcoltavanej yu'un ti buch'u c'otem ta yo'ntonic ta xch'unele. 11Taje, jech me xaval, jech me xachanubtasvan. 12Ac'o iluc ti oy stuq'uil ta xac'opoje, ti oy stuq'uil ti c'usi ta xapase, ti c'otem ta avo'nton ta xch'unel ti Diose, ti oy syail c'uxul avo'ntone, ti lec ta q'uelel ti acuxlejale. Mi jech ta xapase, manchuc mi queremot to, mu xasbajic ti jch'unolajeletique. 13Ti jech mu'yuc to ta xic'ote, o'ntolino ta sq'uelel ti sc'op Dios ta stojol scotolic. Chanubtaso ta stsatsubtasbel yo'ntonic ti jch'unolajeletique. 14Ma'uc me ti xch'ay xava'i ti abijil la'ac'bat yu'un Dios ti oy ta atojol c'alal laj scajan sc'obic ta ajol ti yajcoltaobba jventainvanej c'alal jech ac'bat sna'ic yu'un ti Diose. 15Taje, batuc avo'nton yu'un ta snopilanel ta ya'yiel yo' jech ta xilic scotolic ti avac'ojbe yipal ti c'u s'elan bu atamoj batele. 16Ich'o aba ta c'ac'al un, bijan yu'un ti c'u s'elan ta xachanubtas ti yane, ti junuc avo'nton yu'un scotole. Mi jech ta xapase, ta xacol, xchi'uc ta xcolic ec ti buch'utic ta xa'iic ti ac'ope.


Copyright
Learn More

will be added

X\