1 Corintios 5

1Oy bu vinajem ac'oplalic ti oy jun vinic ta atojolic ti yic'oj ti xcha'me'e. Ti jech taje, toj ech'em tsots mulil, ti mu ja'uc tey no'ox sq'uelojic ti buch'utic mu xojtiquinic ti Diose. 2Oyoxuc ta at o'nton ma' ti jechuc une. Ja'uc le'e, c'ajomal no'ox xatoyet xacajet xava'i abaic. Ti buch'u jech laj spas taje, mu xc'ot o xa jech xtoc ti achi'inojique. 3Ac'o mi mu'yuc tey va'alun ta atojolic, ti jch'ulele tey oy ti bu oyoxuque. Co'ol s'elan va'alun ta atojolic, jbel xcal ta xich' chapanel ti buch'u jech laj spas taje. 4C'alal ta xatsob abaique, ti jch'ulel xtoque oy ta atojolic. Ja' jech xtoc smuc'ul stsatsal ti Cajvaltique oy ta atojolic. 5Aq'uic batel ta yoc ta sc'ob pucuj ti vinic taje, yich'uc svocol ya'i yu'un ti smule yo' jech ta xcol ti xch'ulel c'alal ta xtal ti Cajvaltic Jesuse. 6Ti toyobba xava'i abaique, jeche' no'ox. ¿Mi mu'yuc bu ava'binojic ti oy xi x'ale ti c'ope? “Ta juteb no'ox spajubtasobil ti pane, ta xpajub yu'un scotol ti c'u yepal ti vots'bile.” 7Jech o xal un, jipic loq'uel ti spajubtasobil pan ti ta soquesoxuque. Jechuc a'elanic jech c'u cha'al ti ach' pan ti ta xich' ve'el ta q'uin Colebale, ti pasbil ta ach' vots'bil jarina ti mu'yuc yich'oj ti spajubtasobile. Taje, ja' ac'oplalic vo'oxuc, yu'un ti Cristoe ja' c'ot ta ch'iom chij cu'untic ta sventa colebal ti laj yich' svocol ti cham cu'untique. 8Tsots sc'oplal, sjunuluc o'ntonal xquich'tic ta muc' ti Cajvaltique, ti ma'uc capal xchi'uc ti mulile, xchi'uc ti c'usi chopol ta q'uelel jech c'u cha'al ti poco' spajubtasobil ti pane. Mi mu jechuc ta jpastique, melel unbi, co'ol j'elantic jech c'u cha'al ti pan ch'abal yich'oj ti spajubtasobile. 9Ti ta jlic vune, laj calboxuc ava'iic ti mu xachi'inic ti buch'utic ta xmulivajique. 10Ti jech taje, ma'uc laj calboxuc ava'iic ti j'ech'el ta xach'ac abaic loq'uel ta stojol ti jnaclejetic ta banomil ti buch'utic ta xmulivajique, ti buch'utic ta xu'nin ya'iic ti c'usi ma'uc yu'unique, ti elc'ajel ta spasique, ti buch'utic ta xrioxin ti c'usitic meltsanbil ta c'abale. Mi ta xaq'uej abaic loq'uel ta stojol ti buch'utic chopol c'usi ta spasique, ja' to mi mu xa li'uc ta xanaquiic ta abanomilique. 11Ti laj calboxuc ava'iic ti “mu xachi'inic” ti xacutique, ja' ti buch'u ta xal “co'ol jchi'il jbatic” ti xie, c'alal yacal ta mulivajele, ta yu'ninel ti c'usi ma'uc yu'une, ta xrioxinel ti c'usi meltsanbil ta c'abale, ta lo'iltavanej, ta yacubel, ta elc'ajel. Ti buch'u jech taje, mu me jmojuc ta xave'ic xchi'uc. 12Yu'un ma'uc cabtel ta xchapanel ti ma'uc jventainoje. Le'e, ja' ta xchapanatic yu'un ti Diose. 13Ti vo'oxuque ja' abainojic ta xchapanel ti buch'u oy ta atojolique. Jech o xal, loq'uesic ti jsa'mulil ti ja' no'ox ta soquesvane.


Copyright
Learn More

will be added

X\