1 Corintios 11

1Ti vo'oxuque, pasic jech c'u cha'al ti c'u s'elan ta jpase. Ti vu'un eque ja' yacalun ta spasel jech c'u cha'al laj spas ti Cristoe. 2Ximuyubaj xa avu'unic, jchi'iltac, ti mu'yuc ach'ayojicun ta avo'ntonique, ti staoj yav ach'unojic ti c'u s'elan laj jchanubtasoxuque. 3Ta jc'an ti ac'o ava'ibeic smelol li'e. Ti jujun vinique ja' sjolinojbe sjol ti Cristoe. Jech xtoc ti jujun ants ti nupul ts'acale ja' sjolinojbe sjol ti smalale jech c'u cha'al ti Cristo ja' sjolinojbe sjol ti Diose. 4Mi slapoj spixol jun vinic ti c'alal ta xc'opoj xti'in ta tsobobbaile, mi ja' o c'alal ta xac' ta na'el ti oy c'usi ta x'ac'bat sna' yu'un ti Diose, ta xac' ta q'uexlal ti Cristoe. 5Yan mi mu'yuc smacoj sjol jun ants c'alal ta xc'opoj xti'ine, mi ja' o c'alal ta xac' ta na'el ti oy c'usi ta x'ac'bat sna' yu'un ti Diose, co'ol s'elan setoj loq'uel ti stsotsil sjole, ta xac' ta q'uexlal ti smalale. 6Mi oy jun ants ti mu smac ti sjole, ac'o set loq'uel ti stsotsil sjol ta j'ech'ele. Mi q'uexlal ta xa'i ti jech t'anal ti sjole, ja' lec ac'o smac ti sjole. 7Ja'uc ti vinique mu xu' ta smac ti sjole, yu'un c'otem ta sloc'obbail Dios ti xtixet no'ox yutsilal ti Dios ta stojole. Ja'uc ti antse xtixet no'ox yutsilal ta stojol ti smalele. 8Ti sba vinic meltsane yu'un ti Diose, ma'uc ayan talel ta stojol ti antse. Ti ants meltsane yu'un ti Diose, ayan talel ta stojol ti vinique. 9Ti jech laj yich' meltsanel ti antse, yo' jech oy xchi'il ti vinique. Mu yu'unuc ja'uc laj sc'an xchi'il ti antse, ja' ti mu'yuc to ox ti antse. 10Jech o xal ti antse tsots sc'oplal ta smac ti sjole yo' jech ta xvinaj ti sna' snijan xchiman sba ta stojol ti smalale, yo' lec ta x'ile yu'un ti ánjeletique. 11Ja'uc ti jech oyotic ta stojol ti Cajvaltique, co'ol oy stu ti xchibalique. 12Melel, ti antse ayan talel ta stojol ti sba vinique. Ja' jech xtoc ti jujun vinique ta x'ayan talel ta stojol ti antsetique. Scotol ti va'i s'elan taje, liquem talel ta stojol ti Diose. 13Nopo ava'iic, ¿mi lec mi mu'yuc smacoj sjol jun ants c'alal ta sta ta c'oponel ti Diose? 14C'alal natic joltic ti vo'otic vinicotique, jna'tic lec ti q'uexlal sbae. 15Ti jech natic sjol ti antsetique, jun yutsil, yu'un ja' smac sjol ac'bilic ti jech natic ti sjole. 16Mi oy buch'u mu lecuc ta xa'i ti va'i s'elan ta xcale, ac'o sna'ic lec ti mu'yuc xa yan jtaleltic ti buyuc no'ox ta stsob sbaic ti jch'unolajeletic ta sventa ti Diose. 17Ti jech ta jts'ibaboxuc talel ti jvun li'e, mu xu' ta xcalboxuc ava'iic ti ximuyubaj xa avu'unique. Yu'un ti c'alal ta xatsob abaique, ma'uc yacaloxuc ta spasel ti c'usi leque, yu'un ja' no'ox ta xasoques abaic. 18Yu'un oy bu li'albat ca'i ac'oplalic ti c'alal ta xatsob abaic ta spasel sna'obil ti Cajvaltique, jeltos avo'ntonic. Ta jch'un ti jech ta xapasique. 19Ti jech xc'ot ta atojolic ti jeltos avo'ntonique, yo' jech ta xvinaj ti buch'u ti bats'i jch'unolajeletique. 20Ti va'i s'elan cha'ch'acoxuque, yu'un ma'uc xa sna'obil Cajvaltic ta xapasic ti c'alal ta xatsob abaique. 21C'alal ta sta xa yorail ti ve'ele, jujunoxuc ta xajelavic ta ora slajesel ti ave'elique. Ti yane sts'icoj vi'nal ta xcom avu'unic. Ti yan xtoque oy bu ta xc'ot ta pasel ta xlic yacubuc ti bu taje. 22Ti jech taje, ¿mi yu'un mu'yuc anaic ti oy bu xu' ta xave'ic ta xavuch'ic vo'e? ¿C'u cha'al ta xajip xatenic ti buch'utic co'ol c'otemoxuc ta xch'unel ti Diose, xchi'uc ta xavaq'uic ta q'uexlal ti buch'u mu'yuc c'usi x'ayan yu'unique? Ta jbel sc'oplal mu xloc' ta que ti ximuyubaj xa avu'unic ti jech ta xapasic taje. 23Ja' laj yac'bun jna' stuc ti Cajvaltic ti c'u s'elan laj jchanubtasoxuque. Ta yac'ubalil ti c'alal aq'ue ta c'abal ti Cajvaltic Jesuse, laj stsac ti jbej pane. 24C'alal laj yalbe vocol ti Diose, laj xet' ti jbej pane, ti xi laj yale: “Ve'anic ti pan li'e, ja' senyail ti jbec'tal ta xyayij ta xcham ta sventa alequilalique. Jech me xapasic o yo' ta xavulesicun ta avo'ntonic.” 25C'alal laj yo'ntonic ta ve'el xtoque, ti Cajvaltic Jesuse laj stsac ti sbisol ya'lel uvae, ti xi laj yale: “Ti ya'lel uva li'e, ja' xa senyail ti c'ot ta pasel ti ach' trate ta sventa ta xmal ti jch'ich'ele. C'alal jujun velta ta xavuch'ique, pasic me yo' ta xavulesicun ta avo'ntonic.” 26Ti jujun velta ta xapasic sna'obil ti Cajvaltique, ti ta xave'ic ti pane, ti ta xavuch'ic ti ya'lel uvae, ja' ta xavaq'uic ta na'el ti cham ti Cristoe. Jech me xapasolanic o ti c'u sjalil mu'yuc to ta xvul ta loq'uel ti Cajvaltique. 27Ja' yu'un un, buch'uuc no'ox ti ta sve' ti pane, ti ta xuch' ti ya'lel uva sventa sna'obil ti Cajvaltique, mi ma'uc yich'el ta muc' ti Diose, ta sta smul c'alal ta slajesbe sbec'tal xch'ich'el ti Cajvaltique. 28Jech o xal un, ti c'alal mu to xlic jve'tic ti pane, ti ta xcuch'tic ti ya'lel uvae, ja' ta sc'an ti ac'o ca'i jbatic lec c'u s'elan ti snopobil cu'untique. 29Yu'un mi ja' no'ox ta jve'tic ti pane, ti ta xcuch'tic ti ya'lel uvae, mi mu jnoptic lec smelol ti yayij sbec'tal ti Cajvaltique, ja' no'ox jvocol ta jsa'tic ti jech ta jpastique. 30Jech o xal un, ep ti jchameloxuque, ti lubul pich'il ti abec'talique. Oy jlom lachamic xa. 31Ti tauc jtuc'ulan jbatique, mu jechuc ta stsitsotic ti Cajvaltique. 32C'alal ta xil ti Cajvaltic ti mu jtuc'ulan jbatique, ta stsitsotic yo' jech mu jmojuc ta xijbat ta ch'ayel xchi'uc ti buch'utic ti ventainbilic yu'un ti sba banomile. 33Ja' yu'un un, ti jech jchi'il jbatique, c'alal ta xapasbeic sna'obil ti Cajvaltique, malao abaic yo' jech jmoj tsoboloxuc ta xave'ic. 34Mi oy buch'u ta xvi'naje, ac'o bat ve'uc ta sna yo' jech mu tsitseic yu'un ti Dios ta scoj ti yan o yo'ntonic c'alal ta xatsob abaique. Ti c'usi yan sc'an to chapanele, ja' to ta jchapan c'alal mi lic'ot ta atojolique.


Copyright
Learn More

will be added

X\