Filipenses 3

1Ta slajibal, quermanotac, tse'eluc me awo'tanic ta stojol te Cajwaltique. Ma ba wocol ya ca'iy te ya jts'ihbabeyex xan ha'i c'op ini, soc ha ya xtuhun awu'unic. 2Tsahtaya me abahic yu'un te ts'i'etic, tsahtaya me abahic yu'un te chopol j'a'teletic, tsahtaya me abahic yu'un te mach'atic ya yehchentesic baq'uet. 3Pues ho'otic te quich'ojtic te mero circuncisión, te ya jch'uhuntaytic te Dios ta scuenta te Espíritu yu'un Dios soc te bayel cutsilaltic ya ca'iytic ta scuenta Cristo Jesús, te ma ha'uc smuc'ulinej co'tantic te ch'ich'-baq'uet; 4aunque ho'on ay bin ya xhu' ya smuc'ulin co'tan ta scuenta ch'ich'-baq'uet. Teme ay mach'a ya snop te ay scuentahil te ya xhu' ya smuc'ulin yo'tan ta scuenta ch'ich'-baq'uet, c'ax hichon a: 5ta swaxaquebal c'ahc'al cayinel a la jquich' circuncisión, sts'umbalon Israel, ayon ta jchahp yu'un Benjamín, mero hebreohon; ta scuenta sch'uhunel te Ley, fariseohon; 6ta scuenta te xut'et co'tan, la jcuts'in te iglesia; ta scuenta te toj co'tan yu'un spasel bin ya yal te Ley, mayuc falta cu'un. 7Pero spisil te bintic lec c'ohemon yu'un ta jc'op, laj sc'oblal ta co'tan ta scuenta te Cristo. 8Melel jc'axel lajem sc'oblal ta co'tan spisil ta scaj te c'ax t'ujbil te ya jna'be sba te Cristo Jesús, ha te Cajwal. Ha ta scuenta te la jch'ayix hilel spisil, hich c'oht cu'un te bin ut'il c'a'pal, scuenta yu'un ha cu'un ya xc'oht te Cristo 9soc jun ya xc'ohon soc. Ma ha'uc te toj c'ohemon yu'un sch'uhunel te Ley, ha toj c'ohemon ta scuenta sch'uhunel co'tan ta stojol Cristo, ha te toj-o'tanil te ya yac' te Dios soc te ay ta scuenta sch'uhunel-o'tanil. 10Ha ya jc'an te ya jna'be xan sba te Cristo soc te ya ca'iybe yu'el te cha'cuxajel yu'un, soc te pajal ya xc'ax jwocol soc, te pajal quilel ya xlajon soc, 11scuenta yu'un ayuc bin ut'il ya xcha'cuxajon ta yohlil mach'atic chamenic. 12Ma yu'unuc te la jtahix spisil ini, o te lequix ayon; pero ya cahnutay quil teme ya xhu' cu'un te ya quich' te bin la yic'on yu'un te Cristo Jesús. 13Quermanotac, ma ba ya cal te jtahojix; pero junax bin ya jpas: ya jch'ay ta co'tan te bin hilix ta jpat, ha ya cahnutay te bin ma to ba jtahoj, 14ya jtojlin bahel te banti yacon ta bahele, yu'un ya jta te muc'ul mahtanil ta toyol te ya yic'on Dios yu'un ta scuenta te Cristo Jesús. 15Ha yu'un jpisiltic te ayix yip co'tantic, pajaluc me hich ac'a jnoptic; teme ay yan bin yac anopic, ha nix hich Dios ya me ya'beyex ana'ic. 16Pero te ban c'alal c'ohemix ta co'tantic, hichuc nix ac'a jt'untic. 17Quermanotac, nopbonic co'tan, soc ilawilic te mach'atic hich nix ya spasic te bin la jca'beyexcotic awilique. 18Como hich te bin ut'il bayel buelta la jcalbeyex, soc yo'tic yacon ta oq'uel a ya calbeyex xan awa'iyic, tsobolic scontrahinejic te cruz yu'un Cristo. 19Ch'ayel me ya xbahtic yu'un, ha dios yu'unic te sch'uhtic, soc te yutsilalic ha te bin q'uexlaltic sba, ha nax bahem ta yo'tanic te bintic scuenta bahlumilal. 20Yan te ho'otic ha jlumaltic te ch'ulchan, te banti yac jmahliybeltic ya xtal te Jcoltaywanej, ha te Cajwaltic Jesucristo. 21Ha ya sc'atp'umbotic te jbaq'uetaltic te mayuc yutsil, ha pajal ya xc'oht soc te sbaq'uetal te bayel yutsil stuquel, hich ya spas ta scuenta te yu'el te ya xhu' yu'un ya scuentahin spisil te bintic ay.


Copyright
Learn More

will be added

X\